مجالات عمل الميكروبيولوجيست

[clinical chemist10]

الميكروبيولوجى هو قسم من اقسام كليه العلوم فدراسته بتعتمد على دراسه كل ما يتعلق بالبكتريا والفطريات والطحالب والفيروسات ويدرس ميكروبيولوجيا طبيه وبعض الامراض التى تسببها البكتريا والفطريات والفيروسات وطرق انتقالها وتشخصيها معمليا واعراضها وطرق التعرف عليها ويدرس المناعه وازاي الجسم بيقاوم الميكروبات فيدرس مناعه بكتريه ومناعه فطريه ومناعه فيروسيه
ويدرس الميكروبيولوجيا التطبيقيه والتي تشمل الميكروبيولوجيا الدوائيه واستخدام البكتريا في انتاج الادويه فيدرس انتاج المضادات الحيويه وانتاج الامصال والانزيمات المحلله للجلطات والادويه الخاصه بالسرطان والفيتامينات والاحماض الامينيه الهامه وكيفيه صناعتهم من البكتريا والفطريات والطحالب
ومن المعروف ان اول عالم يطور مضاد حيوي كان ميكروبيولوجيست وليس صيدلي
والميكروبيولوجيست يدرس ايضا استخدام البكتريا في صناعات اخري مثل انتاج الاحماض وانتاج الوقود من البكتريا
ويدرس هندسه وراثيه ميكروبيه و هى الجينات ويدرس علم المناعه وازاى الجسم بيقاوم الميكروبات المختلفه ويدرس الفود ميكروبيولوجى و هى الميكروبات الممكن اتنتقلها للاكل وتسبب امراض وتسمم وكيفيه منعها والتحكم بها ويدرس ايضا انتاج المواد الحافظه وتاثيرها ع الميكروبات دى للي موجودة في الاكل و الميكروبيولوجيست ممكن يشتغل اما في معمل التحاليل الطبيه بقسم الميكروبيولوجى والمناعه اوممكن يشتغل في مصانع الادويه في قسم الميكروبيولوجى و بيشمل تصنيع الادويه من البكتريا والفطريات والطحالب ويشمل ايضا كيفيه تعقيم الادويه من الميكروبات او ممكن يشتغل في مصنع اغذيه زى مصانع البسكوت او العصائر الخ زى ما قلت عشان منع انتقال الميكروبات وتعقيم الاغذيه وانتاج المواد الحافظه بالنسب المظبوطه للي تقتل الميكروبات وفي نفس الوقت ماتضرش الانسان او يشتغل في المستشفيات في مكافحة العدوى و هى منع انتقال الميكروبات من شخص لاخر اومجالات تحليه المياه سواء مياه انهار او بحار وهناك العديد من الشركات الحكوميه والخاصه فى مصر والدول العربيه وايضا شركات البترول في انتاج الوقود الحيوى من الميكروبات او في ازاله الملوثات البتروليه في البحار والانهار زى لو عربيه فيها بنزين اتقلبت في النيل ويقوم الميكروبيولوجيست بعمل مزارع بكتريه وفطريه ووضعها في المياه فتكسر البترول للي علي سطح الميه وبالتالي تبقي المياه نظيفه خاليه من البترول او يشتغل في مصانع البلاستك في اعادة تدوير المخلفات البلاستيكيه زى علب البلاستك للي بتترمى لان البكتريا بتفرز انزيمات فتقوم بتحليل البلاستيكات دى وللي بيتتعاد تدويرها مرة تانيه او يشتغل في مراكز البحوث في جميع مجالات الميكروبيولوجى للي انا قلتها بالاضافه للهندسه الوراثيه الميكروبيه وهى بتشمل تضاعف وتعديل وتهجين جينات الميكروبات للاستفادة بيها زى مثلا لو عندى بكتريا بتنتج مضادحيوى بكميه معين فيقوموا يضاعفوا الجين المسئول عن انتاج المضاد الحيوى دة وبالتالى تزيد كميه المضاد الحيوى
طبعا مجال الميكروبيولوجى واسع الي ابعد الحدود ولكن دائما نذكر يفضل ان يكون القسم مذدوج كمياء ميكروبيولجى حتى تستطيع ان تعمل فى مجالات عمل اكثر وتكون على علم كامل بالكمياء الموجوده فى كل مجالات والجدير بالذكر ان تخصص الميكروبيولجى فى جميع المؤسسات او المصانع هو للمتخصص فقط وليس لصاحب مجال دون الاخر فعند تواجدك فى مصنع ادويه مثلا ومطلوب تخصص ميكرو ليس معنى ذلك ان يكون صيدلى ولكن ميكروبيولجست فلاتردد فى التقدم لانك ممكن ان تكون افضل من جميع المتقدمين سواء كميائين او اطباء اوصيادله اوبيطرى او زراعيين ولاتستمع لدعوات ليس مكانك سواء كان مصنع ادويه اوشركه اغذيه او مستشفى او اى مكان وتذكر ايضا ان لك نفس درجه زملائك ونفس اللقب المتعارف عليه فى المكان








http://www.sci-unit.com/index.php/jo...185-micro.html

[coody]

جزاك الله كل خير
لكني برضه اعرف ان الميكروبيولوجي دي موجودة في كلية الزراعة برضه و بتدرس هناك
لكن اول مرة اعرف انها في العلوم

[clinical chemist10]

المشاركة الأصلية كتبت بواسطة coody

جزاك الله كل خير
لكني برضه اعرف ان الميكروبيولوجي دي موجودة في كلية الزراعة برضه و بتدرس هناك
لكن اول مرة اعرف انها في العلوم

الميكروبيولوجيست او اخصائي بيطلع من كليه علوم وليس كليه طب ولا صيدله ولا زراعه

الميكروبيولوجي للي في كليه زراعه خاص بامراض الفطريه والفيروسيه والبكتريهللنبات ويتم دراسته كمواد تكميليه
ونفس الموضوع الميكروبيولوجي في كليه طب هو ميكروبيولوجيا طبيه ويتم دراسته كماده او مادتين
ونفس الموضوع الميكروبيولوجي للي في كليه صيدله هو ميكروبيولوجيا تطبيقيه ويدرس كماده او مادتيين

لكن كليه العلوم بطلع الميكروبيولوجيست
او عالم الميكروبيولوجي للي دراس كل حاجه في الميكروبيولوجي


فدراستنا في كليه العلوم بتشمل كل انواع الميكروبيولوجي
ففي كليه العلوم بندرس
الميكروبيولوجيا الطبيه اي الامراض البكتيريه والفطريه والفيروسيه التي تصيب الانسان وتشخيصهل والتعرف عليها فيالمعمل وطرق علاجها واعراضها
ويتم دراسه الميكروبيولوجيا التطبيقيه اللي هي زي انتاج المضادات الحيويه والادويه الخاصه بالسرطان والجلطات وادويه الهضم والفيتامينات اللي بيتم انتاجها من البكتريا والفطريات
ويتم دراسه بردو ميكروبيولوجيا النبات ودراسه بعض الامراض التي تصيب النبات


وبعد ما بنخلص ممكن نتخصص في اي واحده فيهم في الماجستير والدكتوره
واغلب اتنين بنتخصص فيهم
الميكروبيولوجيا الطبيه ودي عن طريقها تفتح معمل تحاليل ميكروبيولوجي يعني تحاليل فطريات وبكتريا وفيروسات
ودي من خلالها تعمل ابحاث في الامراض الفيروسيه والفطريه والبكتريهومن خلالها تنزل المستشفيات وتعزل الميكروب وتشخصه في المعمل

وممكن نتخصص بردو في الماجستير في الميكروبيولوجيا التطبيقيه يعني انتاج الادويه من البكتريه ودي شغلها في مصانع الادويه

وممكن نعمل الماجستير في موضوع يربط الميكروبيولوجيا الطبيه بالتطبيقيه
زي مثلا بحث عن المرض وعلاجه
زي مرض التنيا وانتاج مضاد حيوي ليه
او مرض الايدز وانتاج دوا مضاد ليه
الخ