help me

apkreno tafaneno · #1 13-09-2010, 09:21 AM

انا عاوزه منكم مساعده في حاجه
بصراحه انا حاسه اني كنت في غيبوبه لمده 3 سنين
انا الاول قبل 3 سنين كنت اعرف عن كل حاجه مفيش حاجه مكنتش عارفها دا كان ساعه ابتدائي
بعدها دخلت اعدادي بقيت اكبر من كل حاجه وبطلت اقرا و بقيت مهتمش بالدراسه يعني بمعني اصح كنت في غيبوبه
واللي فوقني من الغيبوبه دبه ناس عرفتهم بس هما ميعرفوش انهم ساعدوني في الحكايه ديه
فانا رحت المكتبه بعد انقطاع دام 3 سنين بصراحه مكنتش عارفه اقري ايه ولا اشوف ايه ومبقتش اعرف الكتب المهمه من غيرها فلو اي حد يعرف كتب حلو يكون قراها او مواقع مفيده ممكن يساعدني عشا بصراحه عاوزه اعوض السنين اللي فاتتني

**تسابيح** · #2 13-09-2010, 10:26 AM

فيه كتب اسمه (استمتع بحياتك) للشيخ محمد العريفي
وكتاب (لاتحزن لعائض القرني)

mostafa_gamal2 · #3 17-09-2010, 05:41 AM

كتاب جميل اسمة (هيروشيما ونغزاكى سر القنبلة الذرية ) لهنرى نغاكسى وهو مترجم تحفة اتمنى تقرية وتدعيلى

Labes BarMuda *_^ · #4 17-09-2010, 09:05 AM

بصي انا بروح معرض الكتاب كل سنه وبقرأ كتير وكده بس هنصحك بحاجه استاذ العربي وانا بعتبره زي اخويا وبروح معاه لمعرض الكتاب قلي بلاش قرايه بالثانويه ركزي بمذاكرتك وبس ودي نصيحتي بس انا برضو هساعدك وهديكي بعض اسامي الكتب الي عجبتني

في بالنسبه لكتب الدكتور مصطفي محمود ( عصر القرود ، حوار مع صديقي الملحد ، بوابه المـوت ، رأيت الله ، القرآن تفسير عصري ، في الحب والحياه . وده كتـاب تحفه ، وفي كتاب رجل تحت الصفر ودي اخدت جائزه الدوله ، وفي كتاب الاحلام ، والعنكـبوت )
بصي حاولي تقري لمصطفي محمود لان سننا ومرحلتنا مينفعش نقرأ فيهم كتب كبيره انا ممكن اديكي اسامي كتب عايزه فكر عالي بس صدقيني مش هتستفيدي بيها انما مصطفي محمود اسلوبه سهل يعني لو قدرتي تقري كتبه وتفهميها اقولك كتب اعلي شويه حاولي تاخدي السلم بالتدريج
وزي ما قلتلك بلاش قرايه كتير بالمرحله دي لانك محتاجه مذاكرتك اهم
تقبلي مروري