سؤاال مهم ارجو الرد ..

asmaa2011 · #1 10-09-2010, 05:06 AM

انا باذن الله داخلة هندسة

بس عندي سؤال مهم جدا انا متلخبطة فيه عشان اراء الناس لخبطتني اووي
انا عاوزا احول لهندسة القاهرة او عين شمس
فانهي احسن هندسة القاهرة ولا هندسة عين شمس وليه ؟

في ناس بتقول عين شمس اصعب وناس تقول القاهرة اصعب بصراحة لخبطة ومش عارفه
فممكن حد يجاوبني
وشكرا جدا

a7mad3ali · #2 10-09-2010, 05:24 AM

ياااااااه
مشكله عين الشمس والقاهره ديه كانت واخده ضجه كبيره اوي في القسم السنه اللي فاتت
لو دورتي في التوبيكات هتلاقي مواضيع كتير عن الفروق بينهم
عموما بما ان السؤال عن الاصعب
فانا عن نفسي كواحد في القاهره وكل صحابي في عين شمس
شايف انهم زي بعض تماما من جهه المناهج
لكن عين شمس اصعب كعملي لان فيها تعب وحل شيتات كتير
لكن القاهره العملي بتاعها اكنه بيديك درجات ببلاش
لكن الامتحانات زي بعض
وطبعا بيعوض النقطه ديه ان اعدادي القاهره في الشيخ زايد فالوقت بتاع المذاكره اقل
اخر حاجه ان اعدادي عين شمس دراسه انجليزي لكن اعدادي القاهره عربي
وان كنت سمعت انها هتبقي انجليزي من اول السنه الجايه بس مش اكيد
وبالتوفيق

asmaa2011 · #3 10-09-2010, 06:42 AM

شكرا جدا يا بشمهندس وربنا يوفقك يارب

Hawy.php · #4 10-09-2010, 10:58 PM

فعلا كلام احمد صح

ان عين شمس اصعب في العملي واشد من اي هندسة في مصر

و الدكاترة الي فيها ارخم شوية من الباقيين ، بس ارخم في انهم بيزودوا في الطلبات وفي الشيتات وكده ،، لكن مستواهم عالي جدا ومن احسن الدكاترة في مصر دكاترة عين شمس

ربنا يوفقك ويوفقني انا كمان في المنصورة :s

asmaa2011 · #5 11-09-2010, 01:02 AM

شكرا يا بشمهندس تسلم على ردك
وان شاء الله هندسة القاهرة

وربنا يوفقنا جميعا يارب