صدقنى : ماتصدقهاش ! ـــــــــ Ladies first

M.Sherif · #1 04-09-2010, 12:56 PM

المرأة تفرح أوى لما الراجل يقولها :
انتى قمر
مع ان القمر له وشين بس !!

واحد صاحبى بيتخنق اوى لما يسمع راجل بيقول لست :

اتفضلى حضرتك
ladies first !!

و يقولى :

ليه يعنى ليدز فيرست ؟
اشمعنى الليدز هما اللى فيرست ؟

فبصيت له اوى كده و قولتله :

تصدق عندك حق !

انا هروح اكركب ع النت و اشوف أصل الكلمة دى

مسك فى دراعى و قال لى صلى ع النبى مكانتش كلمة ع الصبح
: يهديك يرضيك بلاش خلاص انا اسف
(( اصل انا قرفته كل كلمة ادور عليها ع النت ))
................
قلت له اصبر بس
نعرف اصلها يمكن تطلع لمصلحة الرجالة

و قد كان

اسمع يا سيدى اصل كلمة ladies first
اللى يا عينى ع الرجالة
بيقولوها كده بحسن نية و قلبهم صافى و ابيض
و بكل شياكة
...................

فى ايطاليا ... فى القرن 18 ميلادى
شاب غنى وقع فى حب بنت من مستوى اجتماعى اقل منه
حبوا بعض اوى و اتفقوا ع الجواز
لكن اهله عارضوه بكل ما اوتوا من قوة
لانها فى نظرهم
(( بنت بيئة يعنى ... لا مؤاخذة ))
و مش من مستواهم
و رفضوا رفض بات مطلق نهائى

كترت الضغوط عليهم
و من كتر حبهم لبعض
قرروا ما يفرقهمش الا الموت

و فكروا فى الانتحار م الاخر يعني عشان ما ارغيش كتير

قرروا و راحوا بعيد عنكو لصخرة عالية اوي مطلة ع البحر

الشاب قالها هنتحر انا الاول عشان مقدرش اشوفك ميتة ادامى
قالت له : اوك ماشى

المهم : اخينا بهبل اهله ... راح ناطط و مات في الحال غرقان فى دمه

صاحبتنا بقا شافت المنظر ده
قالت يالهوى !
انا هموت كده ؟
و النبى ما يحصل

يولع الحب و سنينه
و راحت واخدة ديلها فى سنانها و قالت يا فكيك
ههههههههه

غدرت بيه وودته فى داهية الندلة

و الاغرب انها اول ما رجعت المدينة ... اتجوزت براجل من مستواها

و اول ما اهل البلد عرفوا القصة
و اكتشفوا خيانتها

قرروا ان الستات هما اللى يبدأوا اي حاجة

يعنى اي مصيبة سودة
يصدروهم هما عشان خيانتهم

فقالوا
فى كل المواقف

ladies first !!!

و لما حكيت لصاحبى القصة

قال لى على فكرة
انا بحترم انيس منصور اوى
قلت له ليه؟

قال لى : سمعت جملتين له عن المرأة عجبونى

1- اذا رأيت المرأة تبكى باستكانة
فلا يغرنك
ده نشاط زيادة فى القناة الدمعية !!!

2- صدقنى : لا تصدقها !!!

ده صاحبى

انما انا شخصيا

يا خراشى
هوا فى اجدع م الستات

دول همسة حائرة
و نسمة طائرة

samar saad · #2 04-09-2010, 01:07 PM

ماشى يا سيدى ربنا يسمحك بس احنا هنفضل الاول دايما طبعا
ولا ايه

وجدان حنفي · #3 04-09-2010, 01:57 PM

هههههههههههههههههههههههههههههههه

والله جامدة

وعلى فكرة انا من عشااااااااق انيس منصووور

بس بختلف معاه في نظرته للمرأة

بس بحب تعليقاته عليها

BaNZeR · #4 04-09-2010, 03:12 PM

قريتها اه القصة دي

طول عمرهم مكارين

بلالل · #5 04-09-2010, 03:16 PM

ههههههههه ده الرجاله طلعت على نيتها بجد

وجدان حنفي · #6 04-09-2010, 03:17 PM

ايوة والله يا بانزر

ان كيدهن عظيم

M.Sherif · #7 04-09-2010, 05:42 PM

شكرا يا جماعة على تعليقاتكم اللذيذة

روووووز · #8 04-09-2010, 05:42 PM

ههههههههه قالت يالهوى !
انا هموت كده ؟
و النبى ما يحصل حلوه دى

بس الكلام ده بيتقال على مين

إذا كانت المرأة عيبا طبيعيا فهي و لا شك أجمل عيوب الطبيعة

شكراااااااا على الموضوع الجميل والمميز وخلاص المسامح كريم

Mostafa Ahmad · #9 04-09-2010, 05:46 PM

جميل جدا جدا الموضوع دا
انيس منصور دا حبيبى ع فكره

M.Sherif · #10 04-09-2010, 06:05 PM

اقتباس:

المشاركة الأصلية كتبت بواسطة روووووز

ههههههههه قالت يالهوى !
انا هموت كده ؟
و النبى ما يحصل حلوه دى

بس الكلام ده بيتقال على مين

إذا كانت المرأة عيبا طبيعيا فهي و لا شك أجمل عيوب الطبيعة

شكراااااااا على الموضوع الجميل والمميز وخلاص المسامح كريم

ههههههههههههههه
مش بقولك بنت بيئة هيا
محدش صدقنى

شكرا على مرورك الجميل

a7mad 3abdo · #11 04-09-2010, 06:14 PM

موضوع متميز , جزاك الله خيرا ..
لنا عودة ..

وجدان حنفي · #12 04-09-2010, 07:04 PM

اقتباس:

المشاركة الأصلية كتبت بواسطة روووووز

ههههههههه قالت يالهوى !
انا هموت كده ؟
و النبى ما يحصل حلوه دى

بس الكلام ده بيتقال على مين

إذا كانت المرأة عيبا طبيعيا فهي و لا شك أجمل عيوب الطبيعة

شكراااااااا على الموضوع الجميل والمميز وخلاص المسامح كريم

ايوة كدة يا رووووز

هي دي اخلاق البنات ولا بلاااااااااش