البدايه السوده .....

[commix]

بسم الله الرحمن الرحيم

وانت بتفتح باب شقتك.....لقيت وش عجيب ..منكوش الشعر..كل شعره واقفه..كان الكائن متكهربه

واذ بموجه صوتيه فظيعه تثور في وجهك ..قائلة : كنت فين يا حيواااااان !!!!


دي مراتك.....اه مراتك......اه مراتك هتقولك يا حيوان

ماهو العيب مش عليها العيب عليك انت

" لا مش هقولك انك مش راجل والكلام الفكسان ده "

العيب في البدايه ذات نفسها


وده الموضوع الي انا عايز اتكلم فيه

صحيح محدش لاقي يتجوز ..بس الي يلاقي يتجوز

ميتجوزش اي بطيخه وخلاص....ويا تطلع قرعه...يا تطلع قرعه بردو

اسباب فشل الجواز اليومين دول

انك بتبني جوازك علي حاجات بعيده المدى...

زي الجمال مثلا.....او بلاش جمال في جمال بيدوم

زي الجسم مثلا...اسف علي التعبير السوقي...بس في ناس تحب تتجوز البنت ال "عود " واخد بالك انت

طبعا متوقعني اقولك بقي ......ان البنت لازم الاخلااااااااااق والتديييييين...وقال الله وقال الرسول

الكلام ده معتاد وسمعناه كتير وهو صحيح مائه بالمائه ولكن مش دي القضيه


القضيه ان الواحد مبيحسبهاش صح وهو بيتجوز

اولا فكر...الست دي هتعرف تربيلك عيالك ....

طب الست دي هتعرف تحافظ عليك..وتخليك قريب من ربنا

بلاش ..انت راجل لا بتصلي الفروض ولا بتعمل اي حاجه

هل الست دي هتصلح من حالك

بلاش ده كله.....ولو انه اهم حاجه

------------------------------

هل الست دي عندها الذكاء الكافي انها تحافظ عليك...بحيث انك متروحش لبره

اسف علي تعبير سوقي تاني بس ده الواقع ..- هل الست دي هتعرف تخليك متبصش بره -

يعني تبقي بالذكاء الي يخليك مش باصص غير ليها

------------------------------

طب فكرت قبل ما تتجوز....الست دي هتستحملك في غضبك ...هتستحمل قرفك

- وانت بردو تلم نفسك يعني متقعدش مكشرلها في البيت طول الوقت.... ده راجل معفن صحيح -

وهتعرف تحتويك......ولا هتعرف تعبر عن غضبها بشيء مفيد..ولا هتقعد تكسرلك في البيت


بلاش يا سيدي.........

هل فكرت انت اصلا متجوزها عشان سبب مقنع

وهل انت متاكد من السبب ده

في ناس تقولك ..: اصلي بحبها

مش جايز تكون بتحب حاجات فيها ...وحاجات شكليه .."زي العود اياه "

مش جايز بتحب شيء معين ....لا يكفي لانك تتجوزها


هل اكتشفت اصلا .....هيا بتحبك ولا لا .......ولا بتحب فيك ايه


واحد يقولي : يا عم انت بتعقدها ليه......هو انا داخل حرب...ده جواز

ماهو هي دي المشكله

الجواز ده " ميثاق غليظ "

الناس مستهونه بيه ....

عارف انت لما تمضي عقد مع شركه ..كبير جدا ..

وهتتعامل بارقام بالمليارات

هتقعد تلت سنين تدرس في العقد...وتبيع هدومك الخارجيه والداخليه عشان تصرفها علي المحاميين

عشان يدرسوا العقد

مبالك بالعقد الي وصي عليه ربنا سبحانه وتعالي


الجواز شركه ...بين اتنين....يجب ان يتفق الاتنين ..علي انهم شركه قويه

شركه ناجحه

شركه لا يمكن ان تنهدم ابدا

مهما كان

الشركه دي محتاجه دراسه محتاجه حاجات كتير


عشان كده اغلب الجوازات الفاشله....بتبقي عشان حاجات معينه

" زي العود اياه بردو "

ممكن تبقي متجوز عشان تشبع رغبه ما

وبعديها بشهر ولا شهرين ...تبقي خلاص مش طايق نفسك

والجواز ينهدم والشركه تقع

يبقي لازم عشان تبني شركه صح .....تبدي حياتك صح

ادرس للزوجه الي تختارها.....اه ادرس...لازم تدرس عشان تبني حاجه ناجحه

وابتدي حياتك صح ...وقرب من ربنا

انا عن نفسي ...مش ناوي اعمل فرح في دي جي ورقص واغاني ..وفساتين "صيفي " ..واخد بالك انت

وعبد الرحمن و محمد صحابي يجوا يتعرفوا علي صحاب مراتي عشان يروحو الساحل مع بعض

والكلام ده انا مش هعمله......عشان انا واهلي والعروسه واهلها هناخد في ذنوب

وهيجلنا عواجيز الفرح....." بصي ياختي البوفيه منيل ازاي "

"الاكل ناقص ملح " ..علي اساس ان الست الحاجه هيا الي بتطبخ

والشربات ناقص سكر

والزفه بلدي..." هبقي اجيب افرنجي "

وهكذا

ويا ريته بفايده....أهو كله هد حيل وذنوب علي الفاضي

ابتدي حياتك صح ..وديما في رضا ربنا


سالوا عالم رياضيات عن المرأه ..فقال

المرأة اذا كانت ذات ( دين) تعتـــــــبر الرقــــــــــم (1)
وإذا كــــــــانت ذات (جمال) أضفنا صفر إلى الرقم (1) فأصبــح الرقم (10)
وإذا كــــــــانت ذات (نسب) أضفنا صفر الى الرقم (10) فاصبح الرقم (100)
وإذا كـــــــــانت ذات (مال) أضفنا صفر إلى الرقم (100) فأصبح الرقم (1000)
فإذا ذهب الرقـــــــــــم (1) لن يتبقى إلا الاصفـار (000)

ومش عارف مين الي طلع القانون ان المحترمه لازم تكون وحشه

لا في كتير ..محترمه ومتدينه وفيها كل الي قولتلك فكر فيه .. و " عود " في نفس الوقت d:

توكل علي الله

ولو فكرت في قلتلك عليه

هتبقي جايب البطيخه

وانت متاكد انها

"حمره"

هتقولوا أنت صغير ولسة بدري على الكلاااام ده

انا قولت لازم نبتدي صح

ـــــــــــــــــــــــــــــــــــ

انا طريقتي في الكلاااام بسيطة بس بحس ان كده هتوصل أسرع للقارئ

لو في اشكالية على طريقة الكلااام ي ريت تقولوا

علشان نقدر نبقى احسن في اي موضوع جااي

تحياتـــي للجميع

[no cry]

+

----

-

التوبيك تحفه بجد تسلم ايدك

وفعلا عندكـ حق ف كل كلمة قولتها بس إنت موضحتش إنت عايز إيه بالظبط


يعنى مثلا عايز نشوفـ عروسه متدينه ما ده طبيعى الكل عايز كده
بصلى يا سيدى

أنا هتكلمـ عن بعض أسباب فشل العلاقه الزوجيه

وهتكلم ع البنات والولاد مش هخص حد

وأكتر أسباب فشل العلاقه الزوجيه الاهتمام بالظاهر بس

إنت كبنى أدم 90 % من سلوكياتك دول جواك ومتعرفش تغيرهم بسهوله ومحدش يعرف عنهم حاجه غيرك إنت

واللى بيعاشرك أوى ويحصل بينكم مواقف كتير ومن كل موقف بتعرف سلوكه أكتر ودول صعب

أما ال10% الباقيين فدول الظاهر اللى الناس بتشوفك بيهم وبيحكموا عليك بيهم للأسف واللى هما

اللبس طريقة الكلام تسريحة الشعر......إلخ

ودى دراسة يا جماعه مش تأليف

المهمـ
تلاقى الواحد شاف واحده حلوه وأموره وشيك يجرى على الحاج والحاجه هى دى يا حاج اللى هتنفعلى هى دى ست البنات

قال يعنـى كان عارفها ...

وف يوميين تلاقيهم ماشيين ايدهم ف ايد بعض ويستعجلوا الفرح أوى

ويتجوزا

وتحصل الصدمه الكبيره ....طبيعى الاتنين ف بيت واحد وبيحصل مواقف كتير جدا بينهم

فبتظهر بقى يا عمى السلوكيات الداخليه اللى هى من ال90 % ف ناس بتستحمل وبتتعود ويسمعوا إليسا أهى عيشه والسلام وف ناس خلاص مش طايقيين بعض

وزى ما قولت ان السلوكيات الداخليه دى من الصعب تغيرها ف بالتالى تفشل العلاقه

والنهايه تيجى والسبب أولا البعد عن ربنا زى ما إنت قولت يا حاج

ثانيا زى ما أنا قولت الإهتمام بالمظاهر

ثالثا زى ما أنا هقول برضه قصر فترة الخطوبه ودى بجد من أكبر أسباب الفشل

أسف ع التطويل يا باشا

بس بجد تسلم إيدك

[Mr. Ali 1]

كلام جميل وكلام مظبوط مقدرش أقول حاجة عنه . هو سؤال واحد بس " مين اللي حتسمح لك تعرف وتتعرف علي عيوبها عشان تقدر تقرر إذا كانت تصلح أو لا تصلح لك؟" اوعي تجاوب وتقول اسأل عنها جيداً ..... الناس بتخاف تقول الحقيقة أصل كل واحد عنده ولايه . اوعي تقول فين ذكائك ....... يمكن هي كمان ذكية وربما أذكي منك وبعدين البانت بتبقي حريصة جدا جدا علي عدم اظهار عيوبها . يا أخي المشكلة الحقيقة في الأباء والأمهات وليست في الشباب والبنات . المشكلة مشكلة تربية !!!!!!!!!!!!!

[سامحنى يا الله]

جزاك الله خيراا

[mera_mar21]

جزاكم الله خيراااا موضوعات معاصره صراحه
بس هقول حاجه
انا كنت منزله قصيده جميله تقريبا لو اى شاب عاقل قراهاا هيصمم انها لازم تكون شريكه حياته كده بجد تحفه
ولو الشباب كان نظرتهم كده البنات هتتغيرررر للاحسن اكيد
لكن فى شباب سورى يعنى بيجرى ورا المظاهر وبس
وده رابط القصيده لو حد عايز يقراهااااااااhttp://www.thanwya.com/vb/showthread.php?t=241677

[commix]

يسعدنى مروركم جميعا

[commix]

المشاركة الأصلية كتبت بواسطة ميراسعد

جزاكم الله خيراااا موضوعات معاصره صراحه
بس هقول حاجه
انا كنت منزله قصيده جميله تقريبا لو اى شاب عاقل قراهاا هيصمم انها لازم تكون شريكه حياته كده بجد تحفه
ولو الشباب كان نظرتهم كده البنات هتتغيرررر للاحسن اكيد
لكن فى شباب سورى يعنى بيجرى ورا المظاهر وبس
وده رابط القصيده لو حد عايز يقراهااااااااhttp://www.thanwya.com/vb/showthread.php?t=241677

شكرا على القصيدة

[DR/ AHMAD]

موضوع مفييييييييييييد جدا للطرفين

شكرااااااااااا

[commix]

المشاركة الأصلية كتبت بواسطة DR/ AHMAD

موضوع مفييييييييييييد جدا للطرفين

شكرااااااااااا

شكرا على مرورك

[a7mad 3abdo]

دايما المشكلات الكبيرة بتبدأ باشياء تافهة
شكرا علي موضوعك المفيد ,
جزاك الله خيرا .