بجد ايه اللى حصل للمنتدى ؟؟؟؟

[Taleba Me7tasa]

فيه ايه ؟ ايه اللي حصل ؟

تجاهل تام و تنطيش مش معقول

انا اشتركت في المنتدى ده لأن كل الناس فيه بتحب تساعد بعض و حتى تساعد اللى مش مشتركين فيه

انا كنت كل ماحتاج حاجة من سايت او منتدى و يقوللى لازم تسجل الاول كنت اسجل مخصوص عشان الحاجة اللى عاوزاها وخلاص خلصت حاجتي من جارتي (على رأي المثل الشعبي) ماكنتش باعبره تاني وعاملة ايميل مخصوص للحاجات دي

لكن انا حبيت المنتدى ده و قررت اشترك فيه بجد اضيف مواضيع و اسال و ارد و افيد غيري

لكن مش فاهمة ايه اللي حصل ؟ ايه اللي اتغير ؟
كل ماسال او اطلب حاجة دلوقتي اطنش تطنيش تام ياما الناس تقرا و تمشي ياما ناس ترد بعديه وولا معبراني لغاية مالاقي الموضوع بيندثر

ياريت نشوف حل وانا مش بألف ولا بكبر الموضوع بجد فيه كذا موضوع ف الفترة الاخيرة ع النظام ده على عكس اول ماشتركت كنت بلاقي الرد بسرعة يا مؤمنين ده حتى ف استفسارات امتحان الكيميا و عملت موضوع لوحده عشان السؤال ده و برضه مفيش فايدة

اسفة للتطويل

[m.h.b]

ان شاء الله ما يكونش تطنيش ولا حاجة وانتي اكيد بمجرد انضمامك للمنتدى انت عضوة مميزة فيه واكيد محدش رد لأن المتخصصين ممكن مكانوش موجودين لحظة عرض الموضوع

خلاص اتمنى انك ما تكونيش لسة زعلانة من المنتدى واللي جاي ان شاء الله يكون احسن وتفيدينا ونفيدك ونكمل بعض باذن الله

هه ان شاء الله يكون زعلك انتهى وصفحة جديدة مع المنتدى

m.h.b

[nada1990]

انتى عاوزة ايه طيب

ما انتى برضه ما قلتيش انتى عاوزة ايه

ع العموم انتى ممكن تبعتيلى و تقوليلى انتى عاوزة ايه

[عبقرينومان]

بعتذر لحضرتك على سوء الفهم
وان شاء الله استاذ جمعه مدير القسم التعليم سيجب عليكي في كل استفساراتك

[همس]

لاحول ولا قوة الا بالله

والله الواحد اكتفى يا استاذ اشرف الواحد اكتفى من المشاكل الي في المنتدى واظن حضرتك شفت بنفسك الي بيحصل واد ايه في اعضاء مش بيراعوا شعور الاخرين وبيجرحوا بشكل مباشر وعلني في الاعضاء الاخرين مش بس كده لا وفي الادارين بتوع الموقع فعلا الواحد مش عارف ايه الي بيحصل ده

[Taleba Me7tasa]

شكرا لـ m.h.b (صح كدة ؟) على ردك الجميل و برضو شكرا لـ nada1990 (بس شكلك متضايقة براحة علينا مش كدة هه)
و شكرا يا عبقرينو مان الحاجات اللي عوزة اعرفها عرفتها خلاص بس بعد ايه انا باتكلم ان المنتدي اقرب حاجة و بيسعفني فعلا

شكرا

و شكرا برضه يا همس المشاعر وربنا يكرمك و يكرمنا ماعكي يارب

و شكرا برضه يا همس المشاعر وربنا يكرمك و يكرمنا معاكي يارب و اسمك رقيق قوي

[ReceptiveGuy]

المسئولين دايماً مهمتهم يقولوا إن كل حاجة هتكون تمام
والمفروض إن أنا مسئول
بس مش عارف ليه مش قادر أقولها ...

[MohammeD el_SadaT]

<div align="center">ربنا معاكى بعد كده ابقى ريحى نفسك من عمل الموضوع وابعتى للمدرس المختص استفسارك وهو يجوبك

عشان مكن يكون مشغول ومش بيشوف الموضوع

أو اعملى الاتنين عشان تلاقى نتيجه بالعجل

وربنا ان شاء الله معاكى


</div><div align="center"> </div>

[همس]

............... ربنا يوفق الجميع

[DR.Neuro]

معاكى حق
بس منقدرش نقول حاجة برضك اظن راى همس وضح كل حاجة
انا اقترح يبقى فيه حوالى تلت مشرفين فى كل منتدى ويكونوا معتكفين على المنتدى
عشان نحل المشكلة دى

[همس]

انا راي بقى كل عضو يشوف هو بيقول ايه ويحاسب على كلام


لان في واحد وبدون ذكر اسماء والكل تقريبا عارفه ... كل لما مش يعجبه كلام حد يدخل يقول انتي مش فاهمة حاجة وانته مش فاهم حاجة واسكت واسكتي وحجات كده انا نفسي اعرف استاذ اشرف ليه مش بيرد على كلام العضو ده خصوصا انه بيقول كلام بجد مش يصح انه ينقال .................وربنا يهدي الجميع لان المنتدى شكله في الصيف هيتملي خناقات

[DR.Neuro]

فعلا معاكى حق
كل اما حد يعمل موضوع الاقى ردود مستفزة من قبل بعض الاعضاء اللى تحبط الواحد
يا ريت نعمل موضوع مثبت فى كل الاقسام اسمه (ادخل هنا منعا للردود المستفزة
)

ونقول فيها على الردود اللى بتنرفز الواحد ويتخاليه محبط
لانى (شخصيا)بزعل كتير من الردود دى

وبرضك محاولات تشويه صورة المنتدى بالردود الغير مهذبة
وفى كمان مشكلة تانية وهية المواضيع المكررة
ليه منعملش موضوع مثبت فوق نجمع فيه كل مواضيع المنتدى دة بالاسم وكل واحد يشوف المواضيع دى
قبل ما نعمل مواضيع مكررة
متهيالى شوية تنظيم من احلى مشرفين ومفيش مشاكل ان شاء الله

[د.حاملة المسك]

معلش يا حبيبتى تلاقيهم بس كانوا مشغولين ,,
وان شاء الله تلاقى كل طلباتك فى المنتدى ,,

وياريت ماتزعليش

ولو عزتى حاجة انا معاكى

وبعد اذنك بس انقل الموضوع لقسم : اقتراحات ومشاكل

[احمد رضا]

هيا بس حاله من القلق و الضغط العصبي

و معلش يا جماعه لازم نستحمل بعض شوية و في بعض الاعضاء و المشرفين احب اقولهم مهما حد استفزكم

يا ريت تمسكوا اعصابكم و متمسكوش حد عليكم غلطه

اخوكم احمد