|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
12-08-2010, 03:41 PM
|
||||
|
||||
حصريا اولى حلقات برنامج سمر سعد مع الفنان زيكا ستار
بسم الله الرحمن الرحيم " اعزائى المشاهدين كل سنة وحضرتكم بالف خير وصحه وسلامة وربنا يتقبل صيامكم انشأ الله , النهارده اولا حلقات برنامج سمر سعد , الحقيقة انا حبيت اعمله هنا مع نجوم المنتدى عشان اكيد احنا كلنا نجوم وكل واحد فينا شايف فى نفسه نجم النجوم يبقى واجبى انى ققدر كل واحد واخليه نجم فى بيتى , النهارده الحقيقة انا مستضيفة ضيف دمه خفيف جدا وعزيز على الوسط الفنى كله " المنتدى يعنى" ودخل الوسط بدخله جامده واشتهر بسرعه جبارة هستضيف النهارده الفنان زيكا ستار , ابقوا معنا بعد الفاصل .................................................. ..................... تدخل سمر ومعها الضيف زيكا داخل المنزل وهى تعطى له نبذة عن البرنامج ثم تدخل به اول غرفة الغرفة الاولى: " ورجعنا تانى بعد الفاصل اهلا وسهلا بيك يا زيكا ويارب بيتى يكون عجبك , اولا انا هسالك على بعض الحاجات اللى الناس ماتعرفهاش عنك - اسمك الحقيقى - سنك - المهنة " زيكا وصل ايميل من احد المعجبين بيقولك ليه اخترت اسم الشهرة زيكا ستار وانت اصلا اسمك احمد تقوله ايه؟!" " فاصل قصير وهنروح لاجرأ غرفة فى البيت وهى تانى غرفة ابقوا معنا" .................................................. ............................... الغرفة التانية: "ورجعنا تانى ولسة معانا زيكا وربنا يستر على الحلقة دى , بص بقى يا نجم هنبدا الاول باللى الصحافة كتبته عن زيكا وعايزين نعرف ردك ايه ! - كتبت صحيفة "القسم العام" زيكا نجم الموسم ايه سر نجاحك وشعبيتك ,ايه سر نجاحك يا زيكا هل اسمك ولا عشان عملت علاقات صداقة كتير فى الوسط الفنى " المنتدى يعنى"؟! - فى احد المجلات " اتكتب عنك انك انسان مغرور " ايه ردك على الكلام ده تنفى ولا توافق؟! - من يوم مادخلت الوسط الفنى وانت داخل بمنتهى التحدى مع كل زملائك انت جرىء للدرجه ؟! - بصراحه كده يا زيكا مين اكتر حد فى الوسط انت بتتحداه وحطه فى دماغك دايما وطبعا منافسة شريفة؟! - زيكا يكثر من دعاياه للابداعاته -زيكا حصل بينه وبين اعضاء كتير مشاكل بالرغم ان ناس كتير حبته " فاصل اعلانى ونرجعلكم تانى مع زيكا" .................................................. ................................. الغرفة التالتة: " ورجعنلكم تانى بعد الفاصل ولسة معانا الفنان الشقى زيكا نكمل .... "بص يا زيكا انا حطالك فى الغرفة دى سيديهات افلام واغانى وكتب وافلام كرتون وكل حاجه للتسلية اوك والمطلوب ترد على سؤالى.... -ايه الفيلم اللى قولت لما شفته" انا كان ممكن اكتب قصة الفيلم دى احسن من كده"؟! - ايه الفيلم اللى قولت كنت هموت وامثله؟! " زيكا موبايلك بيرن تفتكر مين بيتصل يطمن عليك؟!" -زيكا لما بيكون مبسوط كده وفرحان اووى ويحب يتسلطن يحب يسمع ايه؟! -من وجهة نظرك ايه أجرا فيلم مصرى؟! - افضل كتاب عند زيكا وافضل فيلم؟! "فاصل قصير وسوف نعود انتظرونا" .................................................. ........................... الغرفة الرابعه: " ورجعنا تانى مع زيكا , عفريت الوسط الفنى . نكمل الغرفة دى بقى اسمها افتح قلبك -هل زيكا ممكن يفتح قلبه لمعجبينه ولا بيفضل لا؟! -فى وجهة نظرك لازم المؤلف يكون رومانسى ولا لا افضل؟! -زيكا بيختار الحياه العملية ولا العاطفية اكتر؟! " زيكا وصل للبرنامج هدايا عشانك كلها من معجبينك هبقى الفهملك فى كيس بلاستيك وانت خارج المهم نكمل - بتحس ان مصر بتفرق بين الولد والبنت ولا عادى؟! انت بتحب الموضه ولا اللى بيناسبك افضل؟! - زيكا بصراحه تدى لنفسك كام فى الاخلاص لحب الناس -امتى زيكا هيقول " انا لايمكن اكتب تانى " - " امتى زيكا هيقول انا هعتزل الوسط الفنى "المنتدى يعنى" " زيكا فاصل وهنرجع مع اخر غرفة انتظرونا" .................................................. ............................. الغرفة الخامسة: "ورجعنا تانى مع اخر غرفة مع الفنان المحبوب زيكا, زيكا انت هتجاوبنى يأما بالنفى او بالموافقة اوك نبدأ - زيكا يعتزل الوسط الفنى" المنتدى بسبب التجاوزات من المنتجين "المشرفين" - زيكا ستار عامل دعاية جامده لرابطة ثقافية -زيكا انسان طموح لابعد حد زيكا ضد وزير التربية والتعليم ..... هسألك شوية اسأله عن الوسط الفنى وعلاقتك بأصدقائك:- - ليه اختارت بالذات ابطال قصتك دول " بلاك بلاك- ومحمد حلمى - وسمر سعد- وسؤئة الطيوبة"؟! -مين تتمنى يشاركك اعمالك دايما فى الكتابه والابداع طول العمر - مين شايف انه يستحق التقدير دايما فى الوسط الفنى - اول كتاب زيكا هيعمله ويشتهر بيه تدى لمين اول نسخة منه وباهداء منك كمان لحد من الوسط - زيكا تحب تقول ايه لقناة " بوابة الثانوية العامة" الراعى الرسمى لبرنامج سمر سعد -اخر سؤال هل عجبك بيتى واستمتعت ولا لا؟! .................................................. ............................ " فى نهاية الحلقة انا بشكر الفنان زيكا على تواجده معايا فى اولا حلقات البرنامج وبتمنى ينورنى دايما واتمنى الحلقة تكون خفيفة وجميلة على قلوبكم والقاكم غدا مع ضيف جديد وحصريا فى برنامج سمر سعد وليكم منى اعز تحيه وسلام عليكم ورحمة الله وبركاته"
__________________
 ~Love your life ~ |
|
#2
12-08-2010, 03:43 PM
|
||||
|
||||
|
برجاء عدم كتابة اى مشركة لغاية لما زيكا يرد على الموضوع
__________________
~Love your life ~ |
|
#3
12-08-2010, 03:44 PM
|
|||
|
|||
|
حجز الكرسي االاوول ،،  و بانتظار السيد زيكا ستار ،،  موفقة سمر ،،  همسة ، سوري عالمشاركة ،،
لكنها كتبت قبل ان ارى رد حضرتك ،، اعتذر مرة اخرى  ،، |
|
#4
12-08-2010, 04:12 PM
|
||||
|
||||
|
لا ولا يهمك يا نقاء واول كرسى ليكى بس الباشا يشرف
__________________
~Love your life ~ |
|
#5
16-08-2010, 03:26 AM
|
||||
|
||||
|
هااااااااااااااا
يا سمر زيكااا كدهـ شكله خلع هع هع هع  ههههههههههههههههه بقالو كتير مش ظاهر  ربنا يرجعه بالسلامة انابشاور اهوه // حدشايفني  اللي بعده 
آخر تعديل بواسطة الأميـرمحمد ، 16-08-2010 الساعة 03:30 AM |
|
#6
16-08-2010, 03:29 AM
|
||||
|
||||
|
ههههههههههه يارب يجى انا الضيفة التانية يا سمورتى اوعى تنسي .........
__________________
_________________  مادام هـنـاك فـي الـسـمـاء مـن سـيـحـمـيـنـي .... فـلـيـس هـنـاك فـي الأرض مـن سـيـبكيني |
|
#7
16-08-2010, 03:31 AM
|
||||
|
||||
|
دهـ عشم سمر في الزبادي
ههههههههههههههـ |
|
#8
16-08-2010, 03:39 AM
|
||||
|
||||
|
هههههههههههههههههههههههههههههههههه
|
|
#9
16-08-2010, 09:04 AM
|
||||
|
||||
|
بسم الله الرحمن الرحيم
السلام عليكم ورحمة الله وبركاته الغرفة الاولى: -اولا انا هسالك على بعض الحاجات اللى الناس ماتعرفهاش عنك - اسمك الحقيقى - أحمد زكريا مصطفى المشتولي. - سنك - مواليد 28/8/1991 يعني ايام وابقى 19 سنة ان شاء الله . - المهنة - يعني انا 1 اعدادي هندسة شبرا ... ان شاء الله مهندس .. " زيكا وصل ايميل من احد المعجبين بيقولك ليه اخترت اسم الشهرة زيكا ستار وانت اصلا اسمك احمد تقوله ايه؟!" - طبعا بشكر جمهوري الجميل على اهتمامه .... والاسم ده حكاية لوحده .... الاول : كل اساتذتي وزملائي لما بقيت اخطلت بيهم كلهم بقوا يقولوا زيكا يعني لان احمد منتشر اوي ، وعشان يفرقوا لما يندهولي ، بيندهوا باسم الاب ، وراحوا مدلعين الاسم ( واعتقد ان زيكا الطف من زكريا (  ) ...وبما اني بحب الكتابة والتأليف ، كنت دايما شايف نفسي قبطان سفينة (قال سندباد يعني) فكان اسم الشهرة ( كابتن زيكا) قام تامر حسني عجبه الاسم وقاللي عايز اعمل فيلم اسمه (كابتن زيكا ) قلتله لأ يا تمورة ، انت حبيبي آه لكن انت كده هتاخد اسمي كله ؟؟ راح مخليها (كابتن هيما ) ، وانا اتضايقت بقى كل واحد يقوللي كابتن زيكا ؟؟؟ بدل كابتن هيما ؟؟؟ فكرت اني اغير اسم الشهرة وبما اني شايف نفسي دايما حاجة العالم كله عارفها .... فكرت في ستار ، وقعدت 3 ايام افكر في الاسم .. لحد ما وصلت ل (Zika*Star) بس ^^. .................................................. ........................................... " فاصل قصير وهنروح لاجرأ غرفة فى البيت وهى تانى غرفة ابقوا معنا" .................................................. ......................................... الغرفة التانية: "ورجعنا تانى ولسة معانا زيكا وربنا يستر على الحلقة دى , بص بقى يا نجم هنبدا الاول باللى الصحافة كتبته عن زيكا وعايزين نعرف ردك ايه ! يادي الصحافة والصحفيين بقى ... انا بطلت اقرأ جرايد من كتر الكلام والاشاعات الكتير اللي بتطلع دي مش عارف اعمل ايه ... لكن بما اني في اجرأ حوار في رمضان ، فانا هرد على كل المكتوب ^^... - كتبت صحيفة "القسم العام" زيكا نجم الموسم ايه سر نجاحك وشعبيتك ,ايه سر نجاحك يا زيكا هل اسمك ولا عشان عملت علاقات صداقة كتير فى الوسط الفنى " المنتدى يعنى"؟! سر النجاح حاجة من عند ربنا وتوفيق مش اكتر ، اهم حاجة التعامل مع الزملاء (اعضاء المنتدى ) يكون من غير تكلف ، ادخل اي موضوع واتكلم عادي مع الكاتب وكأني اعرفه من 20 سنة ( مع اني 19 سنة ) بس عشان احسسك قد ايه اني بتكلم من غير اي رسميات ... دي بتخلي اللي قدامك كمان يبدأ يتكلم من غير اي شكليات و بتكون صداقة سريعة ومتينة ، والحمد لله الطريقة بتنجح وعرفت كده وقت ما كل الفنانين في الوسط الفني وقفوا جنبي يوم ما فكرت اعتزل بسبب اشاعة سخيفة اطلقها احد الصحفيين بتهجمي على احد الفنانين .. بس الحمد لله جت سليمة وعرفت قد ايه الناس بتحبني ... - فى احد المجلات " اتكتب عنك انك انسان مغرور " ايه ردك على الكلام ده تنفى ولا توافق؟! في بعض الاحيان بيتفهم الطموح والثقة بالنفس انه غرور ، انا عارف ان دماغي دي مفيش منها اتنين في الدنيا ... الحمد لله ذكائي مش اللي هو ذكاء الاختراعات ، بس اللي يقدر يخليني اتعامل مع البشر بجميع انواعهم ، مواهبي كتيرة واقدر اكون التلميذ النجيب لأي استاذ عايز يحافظ على تراث او علم او اي حاجة ، في بعض الاحيان ناس ممكن بتفهم ان عشان والدي دكتور جامعة ومن عيلة كبيرة اني بتكبر او حاجة ، لكن الحمد لله ولا واحد حس بالشعور ده قبل كده ، من تواضع لله رفعه ، وعمري ما فرقت بين حد ... لكن ثقتي في نفسي بلا حدود .. - من يوم مادخلت الوسط الفنى وانت داخل بمنتهى التحدى مع كل زملائك انت جرىء للدرجه ؟! اللي عايز يثبت نفسه في مكان كبير لازم يكون كبير ، والاعضاء كانوا باينين من مواضيعهم ، لو مكانتش مواضيعي هادفة و توصل لقلوبهم على طول ، يبقى مليش لازمة ، والحمد لله انا دايما قد التحدي ... - بصراحه كده يا زيكا مين اكتر حد فى الوسط انت بتتحداه وحطه فى دماغك دايما وطبعا منافسة شريفة؟! بصراحة الوسط كل فنانين مبدعين ، والمواضيع دايما بتاخد حقها من الردود ، واي موضوع ملوش لازمة ، يوم ما يتحط يروح الصفحة التالتة على طول ، اما المواضيع الحلوة بتفضل موجودة في الصفحة الاولى دايما ، وانا دايما بنافس على مكاني في الصفحة الاولى .. - زيكا يكثر من دعاياه لابداعاته.. بحبها تاخد حقها ، لأني عارف قد ايه انا تعبت فيها .. ولأني بحب شغلي يسيب بصمة وحاجة يفتكرني بيها زملائي . -زيكا حصل بينه وبين اعضاء كتير مشاكل بالرغم ان ناس كتير حبته لأ ، هي مش مشاكل لكن سوء التفاهم وارد ، ودايما بصفي خلافاتي لان مفيش حاجة تستاهل .... .................................................. .................................. " فاصل اعلانى ونرجعلكم تانى مع زيكا" .................................................. ................................. الغرفة التالتة: " ورجعنلكم تانى بعد الفاصل ولسة معانا الفنان الشقى زيكا نكمل .... "بص يا زيكا انا حطالك فى الغرفة دى سيديهات افلام واغانى وكتب وافلام كرتون وكل حاجه للتسلية اوك والمطلوب ترد على سؤالى.... -ايه الفيلم اللى قولت لما شفته" انا كان ممكن اكتب قصة الفيلم دى احسن من كده"؟! والله حصلت كذا مرة ، وفي فيلم اندم اني ضيعت وقتي على قصة مكشوفة اوي كده مع انها ممكن تكون عاجبه كتيـــر اوي ... وفيلم 2012 انا كنت كاتبه قبل كده ، بس مش على 2012 ، بس كاتب نهاية للعالم ، وان الناس هتلجأ لبناء سفن فضاء ، وهيهربوا فيها ، كنت هعيط لما شفت الفيلم لقوة التشابه بينه وبين القصة .. وعلى الجانب الاخر ، انا دايما بحب اخرج من الفيلم بحاجة جديدة ، بالعكس ساعات بقول اني صعب اوصل لفكرة زي دي ، واحب اجمع الافكار ، بس للامانة ، انا بقيت اقرأ الافلام ، وفعلا في الفترة الاخيرة بقت الاحبكة الفنية للقصة مكشوفة ، ومعظم الافلام بقت مكشوفة ، لاني دايما بحط نفسي مكان المؤلف ، وبقيس درجة تقدمي على هذا الاساس .. - ايه الفيلم اللى قولت كنت هموت وامثله؟! لأ كتير اوي ، ومتهيألي ( هاري بوتر ) هو اكتر حاجة متأثر بيها جدا .. واي فيلم بطله بيكون رمز ، انا احب اكون مكانه .. " زيكا موبايلك بيرن تفتكر مين بيتصل يطمن عليك؟!" موبايلي مبيرنش كتير ، لكن اقرب ناس ليا ( محمد فكري ، نائل ) هما اكتر ناس بتتصل بيا .. -زيكا لما بيكون مبسوط كده وفرحان اووى ويحب يتسلطن يحب يسمع ايه؟! مليش تقل خالص على الاغاني النضيفة بتاعت زمان . اسمع اي حاجة تواكب الفرحة ، ودايما ( عمرو دياب ) تقريبا... -من وجهة نظرك ايه أجرا فيلم مصرى؟! الافلام المصرية التافهة تقليد اعمى للغرب ، تحت شعار التغيير ، وقضايا جديدة .. وفي افلام كتيرة وجريئة ، وفرضوها علينا ، لكن الشباب رافض الافلام دي جزئيا وكليا . - افضل كتاب عند زيكا وافضل فيلم؟! افضل كاتب هو اقرب كاتب ليا ( كاتبة) J.K.Rolling كاتبة ( هاري بوتر) ، اما كاتب عربي ( د نبيل فاروق بكل تأكيد ) .. .................................................. ..................... "فاصل قصير وسوف نعود انتظرونا" .................................................. .................... الغرفة الرابعه: " ورجعنا تانى مع زيكا , عفريت الوسط الفنى . نكمل الغرفة دى بقى اسمها افتح قلبك -هل زيكا ممكن يفتح قلبه لمعجبينه ولا بيفضل لا؟! لازم افتح قلبي دايما واتكلم بطبيعتي ، واقدم حاجة تفيد ديني وبلدي ، لان القارئ او المشاهد لما يتفرج على بطل فيلم ، بيمثل مشاهد رخيصة ، ويتكلم على موضوع ديني مثلا ، عمره ما هيقتنع بيه ، دايما احنا كمشاهدين بنحب ممثلين ، اللي بيمثلوه وبيكتبوه ، هو اللي بيعيشوه وبيتعاملوا بيه في الحياة . -فى وجهة نظرك لازم المؤلف يكون رومانسى ولا لا افضل؟! مش عارف ، هي مهمة لناس ، ومش مهمة لناس تانيين ، لكن انا نفسي اتقن اللون ده لانه شائع كتير. -زيكا بيختار الحياه العملية ولا العاطفية اكتر؟! الحياة العاطفية تكمل الحياة العملية ، اظن ان دفء وحنان الحياة العاطفية يساعد على تحمل مشاق الحياة العملية. " زيكا وصل للبرنامج هدايا عشانك كلها من معجبينك هبقى الفهملك فى كيس بلاستيك وانت خارج المهم نكمل اه و حياتك ، ومتنسيش تاخدي عناوينهم وارقام تليفوناتهم ، عشان اشكرهم بنفسي .. ^^ - بتحس ان مصر بتفرق بين الولد والبنت ولا عادى؟! لأ عادي ، الولد واخد ادواره والبنت كذلك ، بس المهم ان البنت تاخد بالها من نفسها شوية وتعرف انها لما تكون محترمة بتبقى حاجة غالية اوي للانسان المحترم ، وهيكون مستعد يلف وراها الكرة الارضية ( اسألوني انا) انت بتحب الموضه ولا اللى بيناسبك افضل؟! الشياكة من اولوياتي في الحياة ، مظهري كمسلم وكشخص مثقف وكعنوان ليا حاجة مهمة جدا ، وانا الحمدلله كوول جدا ، ولكن بعيدا عن التسقيط بقى وعمل الشعر اشكال غريبة كده وحاجات ملهاش لازمة خالص يعني . - زيكا بصراحه تدى لنفسك كام فى الاخلاص لحب الناس . الناس اللي بحبهم مليون في المية اخلاص.. ومتسامح جدا ، وانسى الاهانة بأي رد فعل جميل يزيلها .. -امتى زيكا هيقول " انا لايمكن اكتب تانى " لما الاقي نفسي غير قادر على ايجاد الجديد، واني بقيت زيي زي اي حد. - " امتى زيكا هيقول انا هعتزل الوسط الفنى "المنتدى يعنى" لو اتظلمت او لو اختفى تأثيري على الاعضاء وبقى وجودي زي عدمه. بس لسه بدري موووت .................................................. .............................. " زيكا فاصل وهنرجع مع اخر غرفة انتظرونا" .................................................. ............................. الغرفة الخامسة: "ورجعنا تانى مع اخر غرفة مع الفنان المحبوب زيكا, زيكا انت هتجاوبنى يأما بالنفى او بالموافقة اوك نبدأ - زيكا يعتزل الوسط الفنى" المنتدى بسبب التجاوزات من المنتجين "المشرفين" آه ، لو اتظلمت كتير على حاجة متستاهلش. - زيكا ستار عامل دعاية جامده لرابطة ثقافية آه ، ولو اتشغلت هتبقى حاجة مش هينساها التاريخ (صدقيني) -زيكا انسان طموح لابعد حد آه ، جدا ، ولا اعترف بكلمة مستحيل طول ما قلبي بينبض ، ، وكل حاجة خلقها ربنا ، سخرها لينا مش عشان يعجزنا بيها ، فمفيش حاجة اسمها مستحيل. -زيكا ضد وزير التربية والتعليم والله انا ضد النظام السياسي كله. _______________________________________________ ..... هسألك شوية اسأله عن الوسط الفنى وعلاقتك بأصدقائك:- - ليه اختارت بالذات ابطال قصتك دول " بلاك بلاك- ومحمد حلمى - وسمر سعد- وسؤئة الطيوبة"؟! عشان اكتر ناس متواجدة بالقسم العام ، منهم ناس من اقرب واعز اصدقائي ^_* ، اسمائهم تنفع اسامي ابطال قصة ، وعلى فكرة في قدهم مرتين تاني بس عشان الاسم مايناسبش القصة مش اكتر زي مثلا ( أريد الجنة ) ... -مين تتمنى يشاركك اعمالك دايما فى الكتابه والابداع طول العمر اللي يقدر يبتكر حاجة جديدة في شغله وابداعه ، ويكون حاجة مش طبيعية ، ويقدر يواجه كل التحديات. - مين شايف انه يستحق التقدير دايما فى الوسط الفنى كل عضو بيضيف حاجة من ابتكاره ، ويضيف معلومة تنفع دينه وبلده واعضاء وزائري منتداه ، له كل الاحترام والتقدير ، واعتقد كتير جدا هنا يستحقوا هذا الاحترام و التقدير. - اول كتاب زيكا هيعمله ويشتهر بيه تدى لمين اول نسخة منه وباهداء منك كمان لحد من الوسط اول نسخة من غير مجاملة وانا مبخافش ولا بتكسف من اي كلمة بقولها ، هتكون ليكي يا سمر ، ومحمد حلمي ، لأنكم من اقرب الناس ليا ، ودايما بتسألوا وبتحكوا ، وكمان نيرة . - زيكا تحب تقول ايه لقناة " بوابة الثانوية العامة" الراعى الرسمى لبرنامج سمر سعد مش عارف ، يعني بجد المنتدى ملوش لازمة من غير اعضاء زي الفل بيقدموا المساعدة وفي خدمة الشعب ^^ -اخر سؤال هل عجبك بيتى واستمتعت ولا لا؟! بجد حسيت اني نجم ، وطبعا لو اتحقق ده هتكوني اول مذيعة تعمل معايا حوار ، وانا عن نفسي عمري ما هنسى الحوار ده ، ده موضوع ملوش مثيل في الوجود ، وبجد انتي اكثر من رائعة يا سمورة ، وان شاء الله تحققي كل الاماني اللي تتمنيها . واتمنى تكون شخصيتي وضحت من غير تكلف او اصطناع ، انا اتكلمت بجد ، وكنت عايز اسئلة اصعب من دي ، بس مش مشكلة. كل سنه وكل الاعضاء بخير ، وانتي بخير يا احلى سمر في الدنيا. ورمضان كريم. .................................................. ............................ والسلام عليكم ورحمة الله وبركاته .
__________________
|
|
#10
16-08-2010, 09:22 AM
|
||||
|
||||
|
اخيرا وبعد طول انتظار
__________________
الحمد لله خلصت مرحلة التعليم الواطى ربنا يستر ف النتيجه ادعولى والنبى دعوه لكل مصرى قاطع موبينيل و المصرى اليوم عشان نخسر ساويرس كتييييييير |
|
#11
16-08-2010, 09:24 AM
|
||||
|
||||
|
واخيرا وبعد طول انتظار
ظهر زيكا بعد ان كان غطسان مش عارفين فين والحلقه كانت مستنياه وكل المشاهدين قاعدين قدام الشاشه المستديره ومستنيين ضيفهم العزيز ولكن الضيف ما جاش يا عم تعالى ما جاش برده عمركم شوفتوا حلقه من غير ضيف الضيف اتأخر طب ليه يا ترى المواصلات صعبه مثلا او الانابيب بقيت غاليه شويه مثلا او ان الدنيا خدته مننا يارب الدنيا ترجعه تانى سليم ده غالى علينا اوى والله و لكن دخل فجأه ورد ع الاسئله الحمد لله الحمد لله ربنا ما يغطسك تانى يابنى اقعدوا بالعافيه  على طريقة سيد ابو حفيظه يا زيكا اوعى تزعل منى بجد انا بهزر معاك وانا سعيد انك جاوبت ع كل الاسئله دى بجد انا كنت منتظرك من زمان عشان تجاوب عليهم
__________________
الحمد لله خلصت مرحلة التعليم الواطى ربنا يستر ف النتيجه ادعولى والنبى دعوه لكل مصرى قاطع موبينيل و المصرى اليوم عشان نخسر ساويرس كتييييييير |
|
#12
16-08-2010, 11:33 AM
|
||||
|
||||
|
انا بجد بشكرك جدا يا زيكا والف شكر بجد واحنا كلنا كنا منتظرينك من زمان والحمد لله انك رجعتلنا بالسلامة والف شكر ليك مرة تانية وانتظرونى فى الحلقة الثانية مع النجم سؤئة الطيوبة
__________________
~Love your life ~ |
|
#13
16-08-2010, 11:57 AM
|
||||
|
||||
|
بجد برنامج رااااااااااااااااااااااااااااائع ياسموره واستفدت منه جامد ومن طريقتك فى عرضه
متميزه دايما ياقمر
__________________
  |
|
#14
16-08-2010, 12:32 PM
|
||||
|
||||
|
تحففففففففففة ردرورك يا زيكاااااااا..........
وسمر انتى بجد روووووووعة وشكرا ليكى انا الضيفة التانية هع هع
__________________
_________________ مادام هـنـاك فـي الـسـمـاء مـن سـيـحـمـيـنـي .... فـلـيـس هـنـاك فـي الأرض مـن سـيـبكيني |
|
#15
16-08-2010, 03:48 PM
|
||||
|
||||
|
شكرا على ردودكم يا ناس يا طيبين ،
وانت ياعم حوده شكلك غلباوي زي سيد ابو حفيظة وانا مبزعلش من حد على فكرة طالما بيقول كلامه وهزار ورمضان كريم علينا كلنا
__________________
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:26 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
