الى كل اخصائيين التحاليل خريجي كليه علوم

[the spider mido]

ما هي الخطوات التي يجب القيام بها لتكون اخصائي ومعك ترخيص مزاوله المهنه؟

[biomedical doctor]

.................................................. ...............

[biomedical doctor]

التحاليل الطبييه تنقسم
الي الكمياء الحيوى الاكيلينيكه والميكروبيولوجى
الاكلينيكه والهيماتولوجى الاكلينيكه والباراسيتولوجى الاكلينيكه

طبعا بعد دراسه الاساسيات من الفسيولوجى والسيتولوجى والامبريولوجى والهيستولوجى

ثم دراسه الكميا التحليله بكل فروعها ودراسه الكيما الفزيائيه ثم دراسه
ميكروبيولوجيا تطبيقه (مضادات حيويه واختباراتها)
ودراسه لميكانزمات التفاعلات الخ
ودة للي بيفرقنا وبيميزنا عن الفئات الاخري زي خريج طب
ويسمى علم التحاليل الطبيه ب
biomedical science or medical
technology or clinical analysis
ويسمى دكتور التحاليل
ب
biomedical doctor or biomedical scientist or clinical scientist or
medical technologist

وبيكون خريج كليه العلوم
ودة هو دكتور التحاليل في كل بلاد العالم
وبيكون خريج كليه العلوم اما قسم
biomedical science or medical technology or biochemistry or chemistry or
microbiology or biology

وكل هذة الاقسام تخضع بعد التخرج لبرنامج مدته سنه ويليها تدريب في مستشفي و يسمى البرنامج ب
biomedical science or medical technology
ليصبح دكتور تحاليل معتمد بعدها

طبعا هذة الشهادة لاول مرة تطبق في مصر وهى موجودة في الجامعه الامريكه وتصبح
دكتور تحاليل معتمد من الجميعه الامريكه للباثولوجيا الاكلينيكه والقائيميين علي البرنامج ده هم خريجين كليه علوم وعلي رائيسهم الدكتور حسن عزازاي
وهو دكتور تحاليل خريج كليه علوم ومحاضر عالم في التحاليل الطبيه ومن اشهر دكاترة التحاليل في العالم في تخصص الكمياء الحيويه الاكلنيكه
و بعد الشهادة دي ممكن تسافر برة تشتغل بيها في اي مكان في العالم
دة بالنسبه للوضعنا برة

وازاى انك ممكن تروح تشتغل دكتور تحاليل في اي مكان وانت معاك شهادة معتمدة من
الجميعه الامريكه للباثولوجيا الاكلينيكه وترخيص دولي معترف بيه من كل دول العالم
.....................................
والقانون يعطينا الحق في فتح معمل كيماحيوى ومعمل ميكروبيولوجى فقط

ويعطى لخريجى طب الحق في تحضير ماجستير ودكتوراه الباثولوجيا
الاكلنيكه(الكمياالحيوى والميكروبيولوجى والهيماتولوجى والباراسيتولوجى )

بدون دراسه لهم اثناء فترة الكليه وبدون دراسه شامله في الاساسيات للي قلتها قبل
كدة زى الكمياء التحليله وخلافه

...........................................
اذا كليه العلوم بها كل تخصصات التحاليل
سواء كانت كميا حيويه او ميكروبيولوجى او هيماتولوجى او باراسيتولوجى
بعد دراسه شامله للاساسيات
.................................

اولا الكيما الحيوى

الدبلومه متاحه في معظم الجامعات منها علوم الاسماعليه وعلوم شبين وعلوم
الاسكندريه الخ


طبعا تحاليل الكيماء الحيوى او ما يسمى ب الكمياء الحيويه الاكلينكيه او الكمياء الحيويه
الطبيه او بتسمى بالكيميكال باثولوجى هو علم الكمياء المسئول عن تشخيص كل امراض
الجسم مثل امراض الكلي والكبد والقلب والسرطان الخ

فيشمل انزيمات الكبد وامراضه و انزيمات الكلي وامراضها وانزيمات القلب و بيولوجيا السرطان ودلالات الاورام و تحاليل السكر وتحاليل الدهون والهرمونات وكل التحاليل الكميائيه
بالجسم وهو اكبر فرع في التحاليل الطبيه ويمثل حوالي 60%-80% من التحاليل الطبيه

اما بالنسبه للماجستير والدكتوراه فمثلا لو عايز تحضر في الكمياء الحيويه تخصص
بيولوجيا السرطان ودلالات الاورام مثلا في المعدة بتاخد دكتور كمياحيويه اورام من
كليه علوم وبتختار دكتور باطنه من كليه طب
او مثلا لو عايز تحضر ماجستير كمياءحيويه في بيولوجيا السرطان ودلالات الاورام مثلا في المثانه
يبقي معاك دكتور كمياءحيويه اورام من كليه علوم وبتختار دكتور بتاع مسالك بوليه من كليه طب
او مثلا لو عايز تشتغل علي انزيمات القلب بتختار دكتور كمياءحيويه من كليه علوم تخصص انزيمات ودكتور قلب من كليه طب

وهكذا

......................
ثانيا الميكروبيولوجى

الدبلومه متاحة في معظم الجامعات

طبعا المبكروبيولوجى او الميكروبيولوجيا الطبيه او تسمى بالميكروبيولوجيا
الاكلينكيه او الميكروبيولوجيا التشخيصيه هو علم الميكروبيولوجى المسئول عن تشخيص
الامراض البكتيريه والفطريه والفيروسيه والامراض المناعيه
و يشمل تحاليل البكتريا والفطريات والفيروسات ايا كانت سواء مولوكيلا اي عن طريق
الدى ان ايه او سيرولوجيكال اي عن طريق المناعه او كلاتشرال عن طريق المزارع

الماجستير والدكتوراه طبعا بتختار موضوع الرساله فلو عايز مثلا في الماجستير تحضر
في مرض التنيا وهو مرض فطري يصيب الجلد بتاخد دكتور فطريات من كليه العلوم ودكتور
جلديه من كليه طب

او مثلا لو عايز تحضر في المانجيتس اى الالتهاب السحائي يبقي دكتور فطريات او
بكتريا (لانها بتيجى من الاتنين) من كليه علوم ودكتور مخ واعصاب من كليه طب

وهكذا



وبعدها بتنزل المستشفيات زى مستشفيات الجامعه مثلا وتبدائ تعزل الميكروب من المريض

وبتكون معاك كاميرة تصوير خاصه بيك عشان تصور بيها
ودى مهمه جدا لو انت شغاله علي ميكرب خارجى
زى الجلد او الاظافر او العين الخ

وتبداء تشخصيها وتكمل علي حسب رسالتك

وممكن تربط بين الميكروبيولوجيا الطبيه والتطبيقيه في رساله واحدة

بعنى بعد ما تخلص الجزء الاول

تبداء تعمل مضاد حيوى للفطر او البكتريا دى



وممكن تشتغل علي جزء المناعه
بردو
سواء مناعه فطريه او بكتريه او فيروسيه
ولو انت عملت في المناعه
فيه كليات
بطلع الماجستير
اسمه ميكروبيولوجيا والمناعه

ودة بيبقي علي حسب ادارة الكليه نفسها
او ممكن تتكتب التخصص مناعه بكتريه او مناعه فيروسيه او مناعه فطريه تحت ماجستير
الميكروبيولوجى

....................
ثالثا الهيماتولوجى

الدبلومه موجودة في بعض الجامعات ومنها علوم شبين

الماجستير موجود في بعض الجامعات ومنها علوم شبين
وبتشتغل علي امراض دم



ز الانيما او
زى النيتروبنيا اي مرض نقص النيتروفيلز وده نوع من انواع كرات الدم البيضاء



او النيتروسايتوزيز او الليكوبنيا او
الليكوسايتوزيز او البوليسزيميا او السلازيما الخ

.........................

رابعا الباراسيتولوجى

الدبلومه موجودة في بعض كليات العلوم ومنها علوم شبين

الماجستير موجود في بعض الجامعات ومنها علوم شبين

وبتشتغل في امراض الخاصه بالباراسيتولوجى زى الفاشيولا والامبيا والجارديا الخ

[biomedical doctor]

طبعا الترخيص المعمل بيبقي ياما الدبلومه او الماجستير او الدكتوراه

بتاخد الدبلومه الاول وتقدم بيها عشان الانجاز
وبعد كدة تكمل ماجستير علي مهلك
وخصوصا دبلومه الكمياء الحيويه لانها تمثل 80 في الميه من التحاليل

وتروح النقابه وتقدم ورق الدبلومه وتاخد كانريه اخصائي تحاليل طبيه
وتاخد منهم ورقه بتوديها وزارة الصحة عشان فتح المعمل والمزاوله
وبعدها لما بتروح هناك
المهم بعدها بترفع القضيه وبتقعد ست شهور وتكسبها لانها مضمونه ميه في الميه و بتاخد ترخيص المعمل بتاعك
وبيكون ليك الحق بفتح معمليين

طبعا شوفت التعطيل بعد الدبلومه ودة كله عشان يقللو عددنا لصالح اخصائي التحاليل بتوع طب و دي للي عامله بلبله و كنا عامليين احتجاجات عليها ومازالت
وفكرنا اننا نشتكي لمنظمه الصحه العالميه ومازالت الحمله للي احنا عاملينها مستمره
ولكن دلوقتي فيه معامل كتير لينا اكتر من خريي طب

وعشان تبقي بروف في التحاليل تقوم تكمل ماجستير كمياءحيويه او ماجستير ميكروبيولوجي او ماجستير هيماتولوجي او ماجستير باراسيتولوجي
وممكن زي ماقلتلك تاخد ترخيص المعيه الامريكه لعلوم المختبرات
وتشترك في جمعيات علميه عالميه
زي جميعه الامريكه للميكروبيولوجي
وتكتبها علي معملك

فتكتب عضو الجميعه الامريكه لعلوم الميكروبيولوجي
ودة كله طبعا بالمزاكرة الاجتهاد

[the spider mido]

شكرا على مرورك وردك