مجرد إقتراحات

<div align="center">بسم الله الرحمن الرحيم </div>
أولا

باهنا على نقل المنتدى لسير فر جديد ولو أن كان ليه بعض التحفظات على عملية نقلة فى الظروف الحالية
ثانيا بما أننا دخلين على جديد فقلت ياريت يبئا كله جديد فى جديد
طبعا هقدم شوية أقتراحات بسيطة كده بما أننا كلنا بنحب المنتدى وكلنا خيفين على مصلحته
وطبعا بعد أنتشار ظواهر غريبة وجديدة فى المنتدى وبعد زيادة عدد أعضاه بصورة كبيرة مما يصعب عملية التحكم فيه

بالتالى

قمت بالاشتراك مع العضو أحمد منير ( كريزى إيفان ) بعمل عدة أقتراحات ياريت يتم النظر فيها
أولا بقترح تعين إدارى معين يكون له نفس صلاحيات الاستاذ أشرف وأكدي كلنا عرفينه (الاستاذ جمعة) ده طبعا هيخف على الاستاذ أشرف من مسئولياته وهيحصل نوع من التوازن بالنسبة لعملية التواجد داخل المنتدى يعنى هتكون زى عملية تبادلية
ثالثا :

عمل نوع من الكنترول على الغرفة الصوتية أى خاصية تمكن المدرس من طرد أى طالب يخل بالاداب أو يخرج عن حدود الادب والنظام من خلال الاى بيه الخاص بالعضو ودى خاصية تكون موجوده ومتاحة مع مدرسى الموقع
*بقترح حذف قسم الالعاب لانه ليس له هدف ولا معنى وكمان ده منتدى ثانوية يعنى شهادات ومستقبل وكل الناس دى بتدخل علشان تتعلم مش تلعب
•حذف قسم اجازة الصيف وكذالك منتدى الرجالة لان اجازة صيف ملوش لزمة زى ما احنا عارفين ومش شايف هدف منه وكذالك قسم الرجالة كل الهدف منه الدخول ومعاكسة البنات بمواضيع زى البنت مناخيرها أطول من الولد وأزاى تنكد على البنت بتاعتك واكيد طبعا البنات مش هيسكته وطبعا كلنا ملاحظين موضيع الضحك الجانبية بين الشباب والفتيات وكذالك منادة الشباب للفتيات بااسماء دلع ....!

•دمج أقسام الركن الدينى ببعضها البعض يعنى (القراء ن والحديث والسيرة والصحابة مع بعضهم البعض – وكذالك صوتيات ومرئيات وواحة النشيد ) وتعين مدرس أزهري عليهم يكون ملم بشئون الدين حتى لا يكون هناك اى شبهت خطا ولتجنب الفتاوى اللى ينشفها من بعض الأعضاء والجدال في الباطل ... ودى هاتكون مهمة أساتذة الموقع فى البحث عن مثل هذا الأستاذ ويكونه مشكورين
•عودة قسم الفتاة المسلمة بكلمة سر
•دمج قسم الجرافكس والصور مع بعض

رابعا :
يكون فيه نوع من أنواع الرقابة شوية على موضوع الرسايل صدقونى ياجماعة موضوع الرسايل ده خطير جدااا يعنى الاعضاء الجدد ميكنش ليهم حق استخدام الرسايل تحذف عنهم الخاصية دى حتى يصلوا إلى نسبة مشاركات معقولة يتم بموجبها حصولهم على هذه الخاصية

خامسا :

أنا شايف وبامانة أن سبب إنحدار مستوى المنتدى طلاب الجامعات بشكل خاص وأنا اسف فى ده أنا فعلا طالب جامعى بس لحظت حاجة مهمة فينا أننا بنتعمد أسلوب المنظرة والرسم فى طريقة حورانا وبنعامل الطلاب على انهم شوية أطفال ومش عايز أقول أن معظم الاعضاء دى بيتبعه الاسلوب ده خصوصا لى لافت أنتباه الفتيات داخل الموقع وبالتالى بتحصل المشاكل لو ولد غلط فى بنت اكيد الولد اللى يعرف البنت دى مش هيسكت لانه يعرفها وهكذا (فايريت يكون فيه تحذير شديد اللهجة لشباب الجامعات وتنبهم أن ده منتدى الثانوية العامة يعنى هم مجرد ضيوف ..... ليس لهم الحق فى فرض سطوتهم على الاعضاء ) وطبعا ده مش هيتم غير بشده من الادارين والاستاذ أشرف بوجه خاص .... أنا هتكلم بصراحة الادارين يتلككه وكذالك الاستاذ أشرف أى عضو عمل مخالفة صغيرة يتعاقب عليها عقاب كبير أنا أسف فى دهة بس التغاضى فى الخطا الصغير بيشجع على الغلط الكبير
وفى النهائية بحب أنبه أن دى مجرد اقتراحات ....... وياريت أسمع تعليقات السادة المشرفين عليها ....
بالمناسبة اللى كان بيميز منتدى الثانوية عن اى منتدى اخر ..........انه كان بجد منتدى الثانوية وأسف أنى أقول أنه بداء يكون منتدى شات ودردشة وأعتقد أن ده أبتدا يظهر للعيان من خلال المواضيع اللى بنشفها فيه

فائق احترامي ... وأسف على الاطالة

[=ivan=]

يا جماعة فى حد هنا ؟؟؟

لو فى حد يرد !

معادنا اخر الاسبوع يا مرشدى .. او يوم الخميس بالتحديد

<div align="center">فى انتظار باقى اراء المشرفين
وبخاصة مدير الموقع </div>

[_the_sad_smile_]

10/10
كلام مظبوط

بس انا شايفة حكاية قسم الفتاه المسلمة بكلمة سر دة هيسبب مشاكل وملوش اى مصلحة وفعلا انا اقتنعت جدا لما شالوا كلمة السر
ويا اسلام طلاب الجامعات مش ضيوف دول صحاب الموقع يعنى مكانش مجرد ثانوية وسابوة

بس والاراء كلها عجبانى مجهود تشكروا عليه والمفروض ياخد بالاعتبار يا استاذ اشرف
صح؟

[=ivan=]

يا رب حد يرد عليكى ....ااامين

[gomaa]

طبعا"
صعب أنى أخذ صلاحيات المدير لسببين
الأول أن المركب اللى لها ريسين بتغرق
والثانى أن الأستاذ أشرف بيدفع فلوس من جيبه للشركة المستضافه وانا عرضت عليه أساهم معه
فى هذه الفلوس والراجل الحقيقة رفض

بالنسبة لباقى المقترحات معقوله عدا مقترح ألغاء منتدىالنف الألعاب لأنه طبيعى فيه شوية تفريج عن النفس بين الحين والحين
حتى يستطيع الذهن العوده لنشاطه

بالنسبه لحكاية منتدى الرجاله ومنتدى البنات طبعا" شئ يجعل الشك يدخل فى نفوسنا أى معلومات البنت عايزها دينيه
خاصة تقدر تحصل عليها من ملايين من المواقع المتخصص .
وفعلا" يجب حزفهم فعلا" لأنهم يصنعون طبقيه ولا أريد أن أتحدث فى ذلك والطبقيه تصنع الخلافات والمشاكل وتظهر الابيض اسود .
وشكرا" جزاك الله كل خير

طيب انا مع حضرتك فى كل كلامك
بالنسبة لموضوع ان حضرتك تشارك الادارة مع الاستاذ اشرف
انا كل اللى اقصده ان ده هيخفف الحمل عنه شوية وهيكون التواجد مستمر زى ما قولت عملية تبادلية وبالتالى هيكون
فيه سرعة فى التصرف فى حال ظهور اى مشكلة
وبالنسبة لقسم الالعاب انا كل اللى بقول عليه ان الالعاب على الاقل يتم حصرها انا حصرت حوالى 40 لعبة فى القسم
منهم حوالى 30 بيحملوا نفس الهدف والمعنى مع اختلاف الاسم
شكراا على ردك يا استاذى الفاضل
وفى انتظار رد الاستاذ اشرف

شكراا على المجهود يا استاذ اشرف
تشكر عليه بجد المنتدى بئا جميل فعلا
بس برضه لسه موضوع المدرس الازهرى اللى يقدر يمسك القسم الدينى با اكمله