رسالة للمعلمين المساعدين

[محمدقبيص]

السلام عليكم
بعد التحية والكلام المعسول
في خلال الفترة السابقة تابعت الكثير من مشاركتكم في موضوع التعيين الخاص بنا
والذي تعاملنا فيه الحكومة المصوني بسياسة (( العصا والجزرة ))
واحنا حتى الآن مش عارفين حنوصل للجزرة (( التعيين )) في أي يوم - شهر - سنة - قرن - بعد المعاش
ولا كمان حكاية المعاش والتأمينات واشتراك الحج والعمرة اللي عمالة الحكومة تلهفه فس استقطاعات المرتب
حنستفيد منها ولا ده مسألة نصب رسمي وضحك على (( الدقون ))
والبعض منكم زق واللي عايز يسافر واللي عايز ينسحب واللي زعلان من التاني عشان بيقول أخبار وبتحصلش
واللي ................ واللي
وأنا أدعوكم لحملة 15/8 كزقفة احتجاجية بعنوان (( عاوز تتعين ...................... يلا بينا نشارك ونغير ))
دعوة للقضاء على التحكم القهري للحكومة ووزارئها اللي بيدور على مصلحة عيالهم ويحوشلهم قرشين أسف مليارين وياريت لو فيه جنسية تانية عشان المحروس يلاقي مستقبل برة ويطفش م العزبة بتاعة أبوه لما تخرب ويجيب عاليها وطيها ...
ايه رأيكم في كلام واحد محبط ولا هو بتاع سياسة ولا حاجة انما القهر والظلم جاثم على صدره

ويارب عقدتنا تتفك .............
معلم مساعد 2005
وفي النهاية كل عام وانتم بخير لحلول شهر رمضان الكريم جعله الله في ميزان حسناتنا وحسرة وندامة على حكومة مصر ووزرائها ...... :
والسلام عليكم ورحمة

[zemosat]

بسم الله الرحمن الرحيم

الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ (173) فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ (174)

صدق الله العظيم

[mohammad00]

السلام عليكم ورحمة الله وبركاتة
هذه مطالبنا يا أكابر الحكومة ... ألا تخجلون ؟!!!!!!!!!!!!!!!!!

[mratwa7]

ان شاء الله كلنا مع الوقفه الاحتجاجيه الحضاريه يوم 15 -8 - شعارانا التثبيت و المساواه
طلبتنا محدده تثبيت المعلمين المساعدين - لن نسمح بتدخل عناصر حزبيه او سياسيه
الموضوع يتلخص ان فى ظلم واقع على موظف و بالتالى الموظف ده عمل وقفه احتجاجيه امام وزارته لعرض مشكلته و لفت نظر الحكومه ليه علشان ياخد حقه!!!!!!!!!!!

[mratwa7]

المشاركة الأصلية كتبت بواسطة mohammad00

السلام عليكم ورحمة الله وبركاتة
هذه مطالبنا يا أكابر الحكومة ... ألا تخجلون ؟!!!!!!!!!!!!!!!!!

ما شاء الله - شغل رائع - لو اتحولت للوحه كبيره نرفعها يوم 15-8 ان شاء الله هنتثبت تانى يوم

[اسماعيل ناجى]

إياكم من مثبطى الهمم
من الجبناء والمنافقين
وقلبى معكم ................... وسدد الله خطاكم

[جارةالوادى]

ان شاء الله كلنا معك يد واحدة ومطالب محددة لن نرضى عنها بديلا وان شاء الله يكون اكبر تجمع للمعلمين المساعدين ومحدش يعتمد على زميله انه يقف بديل عنه لان كل واحد فينا بيعبر عن نفسه اولا وبيعبر عن الجميع ثانيا واؤيد جدا انها وقفة محددة لابد ان لاتتخللها اى جهات حزبية او شعارات سياسية هى وقفة من المعلم المساعد واليه ليست لاحد اخر ولن نتنازل عن طلبنا الرئيسى ولو ببضعة جنيهات
التثــــــــــــــــــــــــــــــــــــــــــــــ ــــــــــــــبيت ولاشىء سواه

[mohammad00]

المشاركة الأصلية كتبت بواسطة mratwa7

ما شاء الله - شغل رائع - لو اتحولت للوحه كبيره نرفعها يوم 15-8 ان شاء الله هنتثبت تانى يوم

شكرا لك.. وناويها إن شاء الله ... بعد التعديل الطفيف فيها سوف تكون لوحة عرضها 2 متر والارتفاع 50 سم ....

[MUSTAFAEGYPT]

مشكووورررررررررررررررررررررررررررررررررر وكلامك صحيح ومنطقى 100%

[عمرمحمدأحمد]

كلام جميل جدا وده حقنا لاننا سكتنا عليه كتير وبضم صوتى معاك بس عايز نعرف تفاصيل وترتيبات للوقفه دى فعلا كل طلبات الحكومه نقذناها أنا سجلت ماجستير وقالى مينفعش لازم تاخد تربوى اخدت التربوى قالو مينفعش لازم icdl وخلصتها مبقتش عارف هما عايزين أيه بصراحه اتحطمنا وأنا شايف ان الواقفه دى لازم يكون نتيجتها تثبيت وياريت الناش كلها تبقى معانا ونرجو من ناشر الموضوع اعطاء تفاصيل اكتر عن الوقفه علشان انا معاك وهبلغ كل اللى اعرفهم من النهارده هنشر الخبر

[mak2007]

ان شاء الله كلنا مع الوقفه الاحتجاجيه الحضاريه يوم 15 -8 - شعارانا التثبيت و المساواه