مرتبات الاسكندرية

[Samar Essam]

انبارح طلبت منكم حد يقول لو كان مش بيقبض زي حالتنا و قولتلكم إن شهر أبريل و مايو قبضناهم في يونيو أما يونيو و يوليو و بيقولوا كمان أغسطس لسه مش هنقباضهم دلوقتي و ما أعرفش امتي فحد عنده أي معلومات أو حد معانا أو زييينا؟ ياريت التفاعل يا جماعة و ياريت الموضوع ما يتحزفش و لو لمدة يومين.

[جارةالوادى]

ربنا معاكم وياريت حد فعلا من الاخوة اللى مرو بنفس الظروف يقولو لك عملو ايه لان الحكاية دى بايخة جدا
ويارب ارفع عنهم الهم والكرب والبلاء وارزقهم رزقا حلالا طيبا من عندك يارب العالمين

[mashaer_112]

ما انا معاكم في العامرية بس باين كده معندهمش فلوس يدفعوا لنا

[Samar Essam]

المشاركة الأصلية كتبت بواسطة mashaer_112

ما انا معاكم في العامرية بس باين كده معندهمش فلوس يدفعوا لنا

يعني حضرتك قبضت و لا لأ؟؟

[msrahmedseef]

انا من الدقهلية ولسة ما قبضتش شهر 7 لحد الان والله اعمل اية مصير شهر 8 كمان

[moh ali moh]

انا من ادارة العامرية قبضت شهر ابريل في يوليو , اما بقي شهر 5 و6 و7 لم نقبضهم الي الان.
حسبي الله ونعم الوكيل
والله لو رحمة ربنا لكان الواحد عمل في نفسه حاجة من الذل والقرف اللي هو شايفه , الواحد حاسس انه عبد عند الحكومة مش عارف بس البلد دي عايزة ايه مننا, نسرق ولا ننهب ولا نمشي غلط.
يا رب صبرنا والطف بينا وارحمنا ما لنا الا رحمتك نرجو

[islamcomalo]

الحكاية ان الميزانية ضاع منها جزء كبير فى العام المالى2008/2009 بشكل غامض
وجات على دماغ كل مدرسين العامرية سواء متعاقد او اساسى وحتى الااساسى
كل شهر4و5و6 مابيقبضش كادر المعلم الا فى شهر 7 وكل ماتيجى امدادات للادارة
يبعتوا جزء
ده حتى هى الادارة الوحيدة اللى بتأجل حوافز ال25% بتاعة شهر 7
لغاية اخر السنة ونقبضها فى شهر 6
لكن مافيش حاجة بتضيع هى كل الحكاية انها بتتأخر فى هذه الادارة الفقرية

[امل اليكس]

انا كمان من ادارة العامرية معاكم نفس الحال

[said_math]

ميزانيه ايه.....البلد فيها فلوس
وكفايه كداااااااا

[alfy_shokry]

ارسلوا فاكسات الى الجهاز المركزى للمحاسبات ومجلس الدولة والشعب يمكن يكون عندهم حل ربنا معاكم

[Samar Essam]

شكرا لكل اللي رد علي سؤالي لأنكم طمنتوني إني مش لوحدي لكن السؤال دلوقتي .. هانعمل ايه؟ أول حاجة فكرت فيها فاكس للوزير بأننا عموما في العامرية مش بنقبض و انتوا كمان لكن ده كفاية و لا في حاجة تانية ممكن نعملها

[حسين القاضى]

إحنا فى الشرقية بالتحديد إدارة كفر صقر بنقبض 325.25

وبنقبض آخر كل شهر فى الموعد تقريباً ومفيش زيادة فى شهر سبعة

أرجو التواصل ... لو حد مرتبه زاد قى 7 يعرفنا

[مستر عماد رجب]

قبضنا شهر سبعة 276,5 المرتب العادى 310

[Samar Essam]

....................

[Samar Essam]

المشاركة الأصلية كتبت بواسطة مستر عماد رجب

قبضنا شهر سبعة 276,5 المرتب العادى 310

أ / حسين بيقولك فيه زيادة بس مش عارفها( و الزيادة دي 30 جنيه أو 30 % مش عارف و بيتخصم منها لصندوق الزمالة لغاية ما توصل في النهاية ل10 جنيه يعني يا استاذ حسين حضرتك زدت من 310 ل 326 أو 320علي كلام الزملاء في المنتدي)أما حضرتك يا مستر عماد فمخصوم منك أكثر من اللي مفروض تزيده؟؟؟؟؟؟؟و احنا فالله أعلم امتي هنقبض أصلا علشان أقولك هايكون كام.