حملة لا تفسد رمضانك .... تعالوووو بسرعة

[reda_mafia50]

السلام عليكم ورحمة الله وبركاته


ازيكم

كل سنة وانتم طيبين

رمضان كريم

طبعا خلاص معدش فاضل غير ايام معدودة على رمضان

واحنا عندنا شوية عادات كده طول السنة بتحصل غلط فى غلط ومايصحش تحصل فى رمضان

عاوزين نلحق نهىء نفسنا لاستقبال الشهر الكريم

جايلنا ضيف كريم وعاوزين نستقبله واحنا فى احسن صورة

ومن بعض العادات الغريبة اللى الناس اتعودت عليها فى رمضان ::


1- في رمضان بتكثر العزومات ولازم نعزم ونتعزم ودي فرصة جيدة جدا لصلة الرحم
وكان النبي بيدعي لمن دعاه للأكل بقوله: أكل طعامكم الأبرار.
ولكن، لازم أن نرتب أولوياتنا. الفرق بين المغرب والعشاء بيكون ما يزيد على الساعة.
كفاية اننا نقعد مع بعض الساعة دي روح العزومة وخد معاك هدية حلوة وكل واستمتع مع عائلتك أو أصحابك،
ولكن في معاد ...صلاة العشاء استأذن بأدب وانزل صلي العشاء والتراويح في المسجد

لا تفسد رمضانك بكثرة العزومات


2- أصل الصيام انه بينقي القلب من العيوب وبيكسر شهوة النفس.
ولما بكسر شهوة النفس بكسر السجن اللي النفس حابسة فيها الروح فبتخلي روحي تبقى معلقة بربنا "وروحانياتي عالية".
فقلبي بيكون جاهز انه يفهم رسايل ربنا من المواقف اللي بمر بيها.
من أكثر الأوقات اللي ربنا بيرسل لنا رسائل هي الصلاة. فلازم نحافظ على الصلاة ولا نأخرها ولا نجمع الصلوات
عشان من أحب الأعمال إلى الله الصلاة على وقتها

لا تفسد رمضانك بتضييع صلواتك‬


3- كتير من الأوقات الواحد "بيبني" في قلبه بأنه يذكر ربنا ويقعد مع صحبه صالحة ويقرأ قرآن
ويتفكر في النعم، وفجاة يحصل موقف يخليه ينفعل ويتصرف ب*** ويقول كلام غير لائق.
خرج بره الجو الحلو اللي بيبني فيه بقى له شهور وسنين

لاتفسد رمضانك بكثرة إنفعالك‬


4- وفى رمضان بنات كتير اوى بتتحجب واللى بتطول حجابها وتوسعه بمناسبة رمضان
وبعد كده الدنيا بتتقلب محدش عارف ايه اللى بيحصل للناس
طالما ربنا هداكى لشىء اثبتى عليه
ومايبقاش رمضان بالمظاهر وبس

لا تفسدى رمضانك بتضييع حجابك


ودى بعض التصميمات من حملة استاذ مصطفى حسنى
لا تفسد رمضانك

اتمنى انها تعجبكم

واللهم بلغنا رمضان

[amenelhoda]

جزاك الله خيرا

[Mr. Hatem Ahmed]

جزاك الله خيراً