فيه حد مش بيقبض من شهور؟؟؟؟؟؟؟

[Samar Essam]

أنا تعاقد ( معلم مساعد ) ادارة العامرية بالأسكندرية و مرتباتنا اتأخرت شهر ( أبريل و مايو ) و قبضناها في يونيو و دلوقتي لسه ( يونيو و يوليو و بيقولوا كمان أغسطس) .
حد في اسكندرية حصلت معاه الحكاية دي لأن يظهر ان موضوع اللاب توب هايجي علي دماغنا . يا ريت التفاعل في الموضوع و الرد عليا بسرعة.

[mhegazi]

اول حاجة ده شئ غريب فعلا
حضرتك تعاقد ( معلم مساعد ) والقبض متأخر شهور ده عمره ماحصل
ده كان بيحصل زمان ايام عقد ال104 لكن معلم مساعد لا
ربنا يعينك بس ممكن تشتكوا في الوزارة
بجد بجد ربنا يعينكم .

[simsim12]

احنا في ادارة السنبلاوين محافظة الدقهلية
لسة مقبضناش شهر يوليو
بيقولوا عشان العلاوة هيعملوا شهر يوليو واغسطس مع بعض

[جارةالوادى]

ربنا يعينكم ويرفع هذا البلاء عنكم واضح جدا ان المديرية مش بتدى الادارة دعمكم بالكامل كل شهر وبتتاخر فيه الحاجات دى مش بتحصل مع المعلم المساعد دااحنا بنقبض فى نفس اليوم مع الاساسى لازم تشتكو فى الادارة وبعدين ترفعوها لمديرية التربية والتعليم بالاسكندرية وربنا يعينكم ويفرج كربكم

[hassan43]

احنا فى الاقصر للا سف لسه ماقبضناش شهرين 6 ، 7
و لما سالنا على التاخير قالولنا تحمدو ربنا انكم قبضتو شهر 6
ده فى ناس لسه مقبضتش شهر 5 و يمكن مقبضوش المكافأة
و بيتحججوا بالميزانية الجديدة
و الله أعلم بشهر 8
و اهو رمضان هل هلاله و مش عارفين نعمل ايه فى المصاريف
نستلف و لا نعمل ايه ...
و اسمنا معلمين .. و الله الواحد بقى يتكسف لما حد بيقولوا انت شغال ايه .. او بتقبض كام .. و الله بقيت حاجة تخجل ..
اين كرامة المعلم .. يا ناس
ربنا معانا
للعلم انا تعاقد معلم مساعد

[على الباجورى]

سؤال متي إمتحان الدور الثاني لكادر المعلم المساعد ؟ أرجو الافادة

[miss math2010]

هيتحدد اخر شهر 8 تابع الموقع

[بدر الشاعر555]

احنا هنا في الاقصر ادارة القرنة مقبضناش مرتب شهر 5و6و7
ولما سالت قالو مفيش ميزانية
الاداري بيقول مرضيوش يستلموا استمارة شهر 7و8 عشان في اختلاف
علي العلاوة 2005
اللي تزود الاساسي 30 جنيه عايزين يخلوها 4.80
اللي قبض شهر سبعة يقول واللي عندو وجهة نظر يقول

[Samar Essam]

ألف شكر لتعاطف الأستاذ حجازي و الأخرين بس أتمني مشاركات الباقين لرفع شكوي باسم الجميع

[medo10000]

احنا كمان القاهرة ادارة الزيتون مقبضناش شهر 7

[مدرسة الانجلش]

المشاركة الأصلية كتبت بواسطة simsim12

احنا في ادارة السنبلاوين محافظة الدقهلية
لسة مقبضناش شهر يوليو
بيقولوا عشان العلاوة هيعملوا شهر يوليو واغسطس مع بعض

حضرتك متأكد ؟؟
انا من الدقهلية زيك
ولسه مقبضناش شهر 7

[امل اليكس]

المشاركة الأصلية كتبت بواسطة midniss

أنا تعاقد ( معلم مساعد ) ادارة العامرية بالأسكندرية و مرتباتنا اتأخرت شهر ( أبريل و مايو ) و قبضناها في يونيو و دلوقتي لسه ( يونيو و يوليو و بيقولوا كمان أغسطس) .
حد في اسكندرية حصلت معاه الحكاية دي لأن يظهر ان موضوع اللاب توب هايجي علي دماغنا . يا ريت التفاعل في الموضوع و الرد عليا بسرعة.

انا كمان من ادارة العامرية وبعاني معاكي من موضوع تاخر المرتبات ده ومفيش فايدة حنعمل ايه ؟

بس ايه حكاية الاب توب دي هي حقيقة ولا كدبة ؟

في اخبار في ادارة العامرية عن الاب توب ؟

[عامر فاروق]

انا من سوهاج ولم نقبض شهر 7 حتي الان
دي اهانة لكرامة المعلم

[alassal]

احنا ادارة البياضيه بالاقصر
لم نقبض حتى الان5/ 6/7

وكمان مقبضناش المكافئة

[simsim12]

المشاركة الأصلية كتبت بواسطة مدرسة الانجلش

حضرتك متأكد ؟؟
انا من الدقهلية زيك
ولسه مقبضناش شهر 7

ايوة متأكد واحنا تقريبا كل سنة دا اللي بيحصل
بيضموا الاتنين مع بعض (7 و 8 ) عشان مفردات المرتب الجديدة بتوصل متأخرة من المديرية