تقديم ميعاد الوقفة

[hassan43]

بسم الله الرحمن الرحيم
انتو عاوزين تعملوا وقفة
لو كنتم عاوزين تعملوا حاجة كنتم عملتوها من زمان .. و لكن للاسف احنا كده نقعد ساكتين على حقنا و منعملش حاجة غير ان نكلم بعضنا و نشكو حالنا لبعضنا و مفيش حد بيتحرك ..
احنا شعب لا نجيد الا الكلام و مش بنصحى الا بعد فوات الاوان
معلش يمكن تحسو ا فى كلامى بعض التشاؤم..
لكن انا بالعكس متفائل الى اقصى الحدود
و بعدين
هل حد فكر ان يوم 15 / 8 هيكون موافق يوم 6 رمضان
يعنى الناس صايمة و الدنيا حر
و اكيد الكل فى اللحظة دى مش هيفكر فى اعتصام او احتجاج
و انتو عارفين هيكون التفكير فى أيه..
من فضلكم محدش يفهمنى غلط
ليه متكونش الوقفة يوم الخميس القادم 5 / 8
أو الاحد 8/8 ليه ناخرها الى يوم 15 / 8
ليه احنا علطول قاعدين منتظرين و بنكون " رد فعل "
يا جماعة لازم نقدم المعاد و مانستناش اكتر من كده
كفاية كفاية كفاية السنين دى كلها
لازم و حتما يسمعوا صوتنا و يحسوا بينا
يا اخوانا احنا مش بنطالب بحاجة غير حقنا ..
الايام بتعدى و احنا بنصبر نفسنا اما بالكلام مع بعضنا أو تصريح من هنا و خبر من هناك
احنا تعبنا بجد .. تعبنا من الكلام .. عاوزين افعال
عاوزين أفعال ..

[(هند)]

السلام عليكم
نسيت تسال جمال مبارك شغال بعقد ولا متثبت؟؟

[أحمد السماك]

الأخوة والأخوات الأفاضل ........ تحية طيبة وبعد
بدون فلسلفة أو الدخول فى جدل لا داعى له
- نحن نحتاج أولاً إلى وقفة مع النفس نتعلم منها ما يلى
☻كيف تكون كلمتنا كلمة واحدة
☻الاختلاف بيننا فى مواعيد او غيرها لا يكون فى مصلحتنا
☻الكلام الكثير بدون عمل ليس له أى معنى وليس له أى أهمية
فلنتكلم كيفما نشاء فهذا هو عصر الكلام المفتوح ولكن كيف بنا أن نصل لحل لمشكلتنا التى تتمثل فى .....
1- مثلما يقال لنا من حين لآخر أننا (استغفر الله) على كف عفريت وهذا طبعا بالنسبة لى شخصيا كلام خاطئ مائة فى المائة ولا يجوز ترديده لأن أرزاقنا جميعا على المولى عز وجل ونحن نؤمن بالله وبقضاءه .....ولكن أنه كلام المقصود به أن اسمائنا مكتوبة بالقلم الرصاص مثلما يردد الكثير واننا ممكن أن تمحى اسمائنا باستيكة فى لحظة
2- العديد من يعول اسر وراتبه حتى الان لا يتجاوز 350جنيها مصرياً .... وهنا أوجه كلامى لأصحاب العقول الفطنة ممن يجلسون فى مكاتب مكيفة وسيارات مكيفة .... إن هذا الراتب القليل لا يكفى لشراء حلوى لأحفادكم فى ساعة صفا
3- المشكلة الحقيقة أننا كثيروا الكلام فكيف نترجم هذا الكلام
ولكى لا يتهمنى أحد بأننى أيضا كثير الكلام فأننى أقول صراحة أننا لو حقا نريد المطالبة بحقنا سنطالب ولكننا (التشتت والجبن) يحول دون ذلك .
شهر 8 شهر 9 مفييش وقفات وانا على يقين بذلك وإن اخطأت انا وحدثت فلن تأتى ثمارها لما سبق شرحه وياريت الرد على هذا الموضوع يكون رد موضوعى ولا يتهمنى احد بالنظرة التشاؤمية لأننى والحمد لله ألم جيدا أن ديننا الإسلامى الحنيف يحذرنا من التشاؤم والسلام عيكم ورحمة الله وبركاته

[جارةالوادى]

احنا معاااااااااك يااخى اى ميعاد ان شاالله لو دلوقتى بجد ملينا وزهقنا

[جارةالوادى]

يارب انى مظلوم فانتصر يارب يامفرج الكروب وقاضى الحاجات فرج كروبنا واقضى حوائجنا برحنتك وعدلك وكرمك ياكريم يالله اللهم امين

[أحمد السماك]

العضو اذى شتمنى انا لن أدخل معك فى وصلة من الشتائم لأن دينى وتربيتى وأخلاقى وبيئتى تحتم عليا ألا أرد على أمثالك ...... وأننى أشك أصلا انك مدرس فواضح أنك من المتسولين و المتسكعين فى الطرقات لأنك لو مدرس ما أخرجت هذه الألفاظ فدعوة لك بالتزام البيت والبكاء على الخطيئة وأن كنت حقا من المربين فأولا لك أن تنظر إلى تربيتك أولا والسلام عليكم ورحمة الله وبركاته

[أمير الشعـراء]

المشاركة الأصلية كتبت بواسطة أحمد السماك

الأخوة والأخوات الأفاضل ........ تحية طيبة وبعد
بدون فلسلفة أو الدخول فى جدل لا داعى له
- نحن نحتاج أولاً إلى وقفة مع النفس نتعلم منها ما يلى
☻كيف تكون كلمتنا كلمة واحدة
☻الاختلاف بيننا فى مواعيد او غيرها لا يكون فى مصلحتنا
☻الكلام الكثير بدون عمل ليس له أى معنى وليس له أى أهمية
فلنتكلم كيفما نشاء فهذا هو عصر الكلام المفتوح ولكن كيف بنا أن نصل لحل لمشكلتنا التى تتمثل فى .....
1- مثلما يقال لنا من حين لآخر أننا (استغفر الله) على كف عفريت وهذا طبعا بالنسبة لى شخصيا كلام خاطئ مائة فى المائة ولا يجوز ترديده لأن أرزاقنا جميعا على المولى عز وجل ونحن نؤمن بالله وبقضاءه .....ولكن أنه كلام المقصود به أن اسمائنا مكتوبة بالقلم الرصاص مثلما يردد الكثير واننا ممكن أن تمحى اسمائنا باستيكة فى لحظة
2- العديد من يعول اسر وراتبه حتى الان لا يتجاوز 350جنيها مصرياً .... وهنا أوجه كلامى لأصحاب العقول الفطنة ممن يجلسون فى مكاتب مكيفة وسيارات مكيفة .... إن هذا الراتب القليل لا يكفى لشراء حلوى لأحفادكم فى ساعة صفا
3- المشكلة الحقيقة أننا كثيروا الكلام فكيف نترجم هذا الكلام
ولكى لا يتهمنى أحد بأننى أيضا كثير الكلام فأننى أقول صراحة أننا لو حقا نريد المطالبة بحقنا سنطالب ولكننا (التشتت والجبن) يحول دون ذلك .
شهر 8 شهر 9 مفييش وقفات وانا على يقين بذلك وإن اخطأت انا وحدثت فلن تأتى ثمارها لما سبق شرحه وياريت الرد على هذا الموضوع يكون رد موضوعى ولا يتهمنى احد بالنظرة التشاؤمية لأننى والحمد لله ألم جيدا أن ديننا الإسلامى الحنيف يحذرنا من التشاؤم والسلام عيكم ورحمة الله وبركاته

بعد تلك الكلمات الرائعة
أدعو زملائي للصمت التام
فلقد أصاب الزميل الرائع لب الحقيقة
والله نحن فعلا هكذا
ونستحق كل ما يحدث لنا

[أمير الشعـراء]

على فكرة أستاذ أحمد السماك
أعتقد أنه لا يقصدك
ولكن مهما كان من يقصده ( وأنا أعتقد لأنني أعرف من يقصد ) عيب عيب عيب
يجب أن يحترم الانسان المنتدى وينتقى ألفاظه
وأنت رائع بأخلاقك

[أمير الشعـراء]

المشاركة الأصلية كتبت بواسطة (هند)

السلام عليكم
نسيت تسال جمال مبارك شغال بعقد ولا متثبت؟؟

طبعا ياهند بعــقــد
كلنا سواسية أمام القانون
بس عقد 150 سنة
قابلة للتجديد

ياريت نغـير الموضوع ده

[ايهاب بدر الدين]

وجهة نظر مظبوطة

[momo44055]

لاص احنا معاك فى الموضوع ده ياريت بقى نخلص من الامر ده

[waleed81]

معكم يا اخواني في الوقفة 8/8/2010 م

مدرس متعاقد من 2003 وحتي 2006 م بعقود ادارية
ومن 2006 الي 2008 م عقد وزاري
ومن 2008 الي 2010م عقد وزاري مميز
ومن 1/1/2010م لم اعرف ما هو مسيري في التربية والتعليم
وحصلت علي شهادة مقدمة في طرق التدريس 2/5/2009م
امتحنت الكادر 20/11/2009م وتم الاجتياز ( انجليزي + عربي + تربوي + تخصص )
امتحنت ICDL من 1/ 12/ 2009 الي 30/12/2009م وحصلت علي الشهادة وتم تسليم صورة منها الي الاكاديمية
حد يقولي بعد هذه المعاناة في تثبيت علشان انا بجد زعلان جدا جدا

[أحمد السماك]

الأخوة الأفاضل أصحاب الأخلاق العالية الرفيعة هذا المكان لا مجال فيه للسب أو الشتائم وأياً كان قصد الشخص الذى سب أو شتم فهذا امكان محترم ولا يجوز بدا التجاوز فيه ويجب احترامه وأننى أستغرب من أنه يوجد رد فعل من قبل إدارة المنتدى ...ياسادة هذا غير مقبول وأسلوب لا يجب أن ننزل إليه وشكرا للمحترمين والمحترمات والسلام عليكم ورحمة الله وبركاته

[الأستاذة أم شاهندة]

تم وقف العضو الذى تطاول بالسب على زملائه
جزاكم الله كل خير وأنجح مسعاكم لنيل حقوقكم
بالتوفيق

[مدرسة الانجلش]

المشاركة الأصلية كتبت بواسطة أحمد السماك

العضو اذى شتمنى انا لن أدخل معك فى وصلة من الشتائم لأن دينى وتربيتى وأخلاقى وبيئتى تحتم عليا ألا أرد على أمثالك ...... وأننى أشك أصلا انك مدرس فواضح أنك من المتسولين و المتسكعين فى الطرقات لأنك لو مدرس ما أخرجت هذه الألفاظ فدعوة لك بالتزام البيت والبكاء على الخطيئة وأن كنت حقا من المربين فأولا لك أن تنظر إلى تربيتك أولا والسلام عليكم ورحمة الله وبركاته

يا استاذ احمد هو مش يقصدك انت
وبعدين هو عارف انك تعاقد
وعموما لا يصح ان يقال مثل هذا اللفظ هنا في هذا الصرح المحترم مينفعش يتقال الالفاظ دي لا هنا ولا في اي مكان
احنا ناس محترمين وبنربي اجيال