"بدر" يمدد عقود المعلمين "المؤقتين"

[miss math2010]

لحين خوضهم الاختبارات..

"بدر" يمدد عقود المعلمين "المؤقتين"

أوضح الدكتور أحمد زكى بدر، وزير التربية والتعليم، أنه قرر الإبقاء على المعلمين المتعاقدين للعمل فى المدارس بعقود مؤقتة فى وظائفهم الحالية، لحين خوضهم اختبارات المعلم المساعد التى ستعقدها الوزارة لاحقا.

وأكد الوزير أنه أعطى تعليمات لمديريات التربية والتعليم فى المحافظات بمد أجل العقود المؤقتة.



هو كلنا مش امتحنا

[miss math2010]

هو مش اغلبنا امتحن ومع ذلك اتجددله ؟؟؟

http://www.youm7.com/News.asp?NewsID...97&IssueID=124

[roosy]

ومفيش كلمة غلط تطلع كده على اللى خلص الفيلم دا من زماااااااااان

[احمد ناجى على سميع]

يا جماعة .... اكيدالمقصود بالكلام ده المعلم حديث الحصول على دبلومة التربوى واصبح مؤهل تربويا

[محمد ابوصلاح]

اخواني واصدقائي فيه معلمين مساعدين لسه مش دخلوا الامتحان حتي الان منهم لم يحصل علي الدبلومة التربوي ومنهم تاريخ العقد بتاعه بعد 1/10/2008 فهو يقصد هذا

[miss math2010]

استاذ محمد كلنا نعرف ان فى كتير ممتحنش او مش حالفه الحظ فى الامتحان اللى فات
بس فى كتير خلص ومع ذلك اتجدد العقد

[samirhassan]

خلينا نايمين أحسن اصل احنا لم يعد عندنا دم.
حاجة تكسف أكتر من 100000 مائة ألف مش عارفين ياخدوا حقهم ياريت يكون عندنا دم ونقف قدامهم
حسبى الله ونعم الوكيل
لم يعد هناك رجاله
الى الله المشتكى

[جارةالوادى]

المقصود بهم الذين لازالو ياخذو معلم مساعد وحتى اللى اخد ودخل الكادر اهو اخد صابونة وبرضو اتجددله هههههههههههههههههههههههه هياها يااخى مش فارقة خالص الدبلوم زى الدراسات العليا زى اللى معندوش تخصص كله فى الهوا سوا

[waleed81]

حسب الله ونعم الوكيل

[ايهاب بدر الدين]

مش عارف الوزير ده بيعمل كده ليه فينك يا يسرى الجمل

[mhegazi]

يتهيألي ان المقصود بده المعلمين اللي بالحصة

[darwee]

ياريت نعرف من دول اي هيمدده الوزير ياريت نعرف علشان احنا انتجنن

[darwee]

نتوجه بخالص الشكر ونتمنى أن نرى نمازج للأختبارات التى سوف تتم
ولى تعليق على ماينشر حول الموضوع
بصراحة خطة الوزارة تهدف الى البحث عن معلم يعلم فعلا ومعلم بياخد مرتب وملوش دعوة بالمادة الى بيدرسها وبصراحة على مستوى كل مدرسة نلاقى أثنين من أصل عشرة هما المتمكنين من المادة العلمية ويرجع ذلك لأنهم بيدو دروس خصوصية فبيكون معرض لأسئلة الطلبة والأجابة عليها بالأضافة الى خبرته وممارسته المستمرة التى تبدء فى 1/8 وتنتهى بنهاية العام بخلاف الباقين الذين لا يملكون حتى دفتر التحضير ولا دفتر درجات والله على ما أقول شهيد والترقيات بتم بعدد السنوات وبقانون واحد فالكل سواسية فأنا من أشد المعجبين بتطبيق نظام الكادر لأنه هيظهر لنا مدرس فاهم مدنه ومدرس مجرد موظف بل فاضى للقيل والقال وشراء الخضروات شكرا لكم والأمثلة أمامكم كثيرة والمجاملات موجودة للمناقشة وبصراحة ووضوح أو على موقع مدينة بيلا

[مسيو عاطف]

طب واللى امتحنوا وقدموا الى سى دى ال
ايه مصيرهم

[بأحب الفراعنة]

ياجماعة المقصود المعلم اللى تاريخ تعاقده 1/1/2009 دول لسة ممتحنوش وانتوا الدفعة بتاعة 2008 دى كلها هتتعين خلال الايام اللى جاية قبل الدراسة كمان بس هيرخموا اكتر واكتر
الحل فعلا وقفة صامتة امام مكتب الوزير