انا داخل كيمياء ؟

[mohamed hmam]

السلام عليكم
انا عضو جديد فى المنتدى الرائع دة انا كتبت رغباتى واخترت مادة الكيمياء لانى احبها بس ممكن من فضلكم حد يقولى ازاى اذاكر فى تانية كام ساعة فى اليوم االمشكلة انى ممكن اذاكر 4ساعات او اكثر ولاكن ما استفيد الاقليل يعنى الاربع ساعات كتيييييييير على الى استفده مش عاارف ليه المهم ابدأ الدروس من شهر 8باذن الله طيب ازاى اذاكر لتانية علشان اجيب مجموع حلو هل الخروج ممنوع نهائى الا يوم واحد فى الاسبوع كما يقولون ولا ايه مش عاارف من فضلكم ساعدونى وشكرا

[أ. الدادمونى]

أولاً: برحب بيك فى منتدى العلوم (الكيمياء)

ثانياً: طالما انت وفقت لاختيار مادة الكيمياء، إذن انت وضعت ليك هدف بناء عليه اخترت مادة الكيمياء .. أهنئك على هذا الاختيار وأقول لك عزيزى: إن شاء الله مع حسن تنظيم الوقت والحرص على تحقيق هدفك تحصل على مجموع عالى فى ثانية ليكون حافزاً ودافعاً لك فى ثالثة.

ثالثاً: يجب أن يكون هدفك واضح ومحدد وطموح وتحرص على تحقيقه؛ بمعنى إن كان هدفك هو الالتحاق بكلية الصيدلة فتكون الصيدلة ماتقولشى لو جت هندسة زى بعضه، تجارة مش هتفرق أهى شهادة ميبقاش هدف (إذن هدف واضح ومحدد).

وطموح؛ بمعنى أن يكون عندك دافع على التفوق والتميز وليس مجرد الحصول على المجموع الذى يدخلك الكلية التى تتمناها وحسب، فمثلاً إن كانت الكلية تتطلب الحصول على مجموع 90 % وكل هدفك هو الحصول على 90 % لتدخل هذه الكلية فلن تحصل عليها، ولكن ليكون هدفك هو الحصول على مجموع 100 % ، فعندما سأل أحد الأئمة الصالحين ابنه، أى بنى: ماذا تريد أن تكون؟ فأجاب: أريد أن أكون عالماً مثلك يا أبى. فقال له: لن تكون، يا ينى إنى أردت أن أكون مثل الامام على رضى الله عنه فى علمه فصرت لما أنا فيه الآن. (إذن هدف طموح).

وتحرص على تحقيقه لأنك لم تطلب المستحيل، وكل ما عليك هو الاجتهاد، وأن يكون هذا الهدف هو دافع لك للجد فى المذاكرة ويناديك هذا الهدف تعال ذاكر وذاكر وذاكر........ (ضع هدفك أمام عينيك).

رابعاً: بالنسبة لمواعيد المذاكرة: عليك بعمل جدول للمذاكرة، وأن يتفق هذا الجدول بانتظام مع مواعيد حصصك ودروسك، ويجب عليك مراعاة الآتى:
1) لا تجعل اليوم كله لمذاكرة مادة واحدة.
2) مواعيد الحصص فى أيام الأسبوع من السبت حتى منتصف الخميس.
3) اجعل نصف الخميس المتبقى للخروج والترفيه والترويح عن النفس.
4) اجعل يوم الجمعة لمراجعة ما ذاكرت خلال الأسبوع ولحل الأسئلة والامتحانات (ويجب عليك عدم وضع مواعيد أساسية لدروسك فى يوم الجمعة حتى تستطيع فعلاً مراجعة ما درسته خلال الأسبوع).

خامساً: وقد أطلت عليك، بالنسبة لكيفية المذاكرة، يجب أولاً قراءة الدرس كله ثم قسمه إلى أجزاء ثم احفظ جزء بجزء وعليك كتابة ما حفظته (أى تكون المذاكرة بالورقة والقلم) وليست مجرد قراءة عادية، وابتعد عن الأماكن التى يكون فيها ضوضاء كالتلفزيون فقد تنسجم معه جزئياً أو كلياً ولا تستوعب ما تذاكر أوما تحفظ، وابتعد عن الحجرات التى بها سرير فقد تتعود على الاسترخاء، فلا يكون لك طول بال وتصبح كسولا خمولاً.

وأخيراً: أذكرك بأن الله لا يضيع أجر من أحسن عملاً، وأن الله بيده كل شئ فادعوه كثيراً لأن يرزقك الخير، وارضى بما قسمه لك، واشكره يزيدك ويبارك لك.

وإن كان هناك لك أى سؤال آخر راسلنى على البريد الالكترونى.

مع خالص تمنياتى لك أنت وزملاءك بالتوفيق.

[mohamed hmam]

اشكرك على الرد وانا استفدت والحمد لله وانا فعلا نفسى ادخل هندسة ادعييييييييلى

[أ. الدادمونى]

ربنا يوفقك يا بش مهندس

[أ. الدادمونى]

قبل المذاكرة
(اللهم إنى اسألك فهم النبيين وحفظ المرسلين وإلهام الملائكة المقربين، اللهم إجعل ألسنتنا عامرة بذكرك وقلوبنا بخشيتك وأسرارنا بطاعتك أنك على كل شىء قدير .. حسبنا الله ونعم الوكيل)

بعد المذاكرة
(اللهم إني أستودعتك ما قرأت وما حفظت وما تعلمت فرده عند حاجتي اليه انك على كل شيء قدير، حسبنا الله ونعم الوكيل)

يوم الأمتحان
(اللهم إنى توكلت عليك و سلمت أمرى إليك لا ملجأ ومنجا منك إلا إليك)

دخول القاعة
(رب أدخلني مدخل صدق وأخرجنى مخرج صدق وإجعل لي من لدنك سلطانا نصيرا)

قبل البدء بالحل
(رب أشرح لي صدرى و يسر لي أمري واحلل عقدة من لساني يفقه قولي بسم الله الفتاح، اللهم لا سهل إلا ما جعلته سهلا فأنت تجعل الحزن إذا شئت سهلا يا ارحم الراحمين)

أثناء الأمتحان
(لا إله إلا أنت سبحانك إنى كنت من الظالمين يا حى يا قيوم برحمتك أستغيث، رب إنى مسنى الضر وأنت أرحم الراحمين)

عند النسيان
(اللهم يا جامع الناس ليوم لا ريب فيه أجمع على ضالتى)

بعد الإنتهاء
(الحمد لله الذى هدانا لهذا وما كنا لنهتدى لولا أن هدانا الله)
-----------------------------------------------------------------
نسألكم الدعاء
أسرة مدرسى الكيمياء بالموقع

[المشتاقة إلى الجنة]

ربنا يوفقك وان شاء الله ربنا مابيضيعش تعب حد
لكن ياريت ماتسمعش كلام اى حد يقولك (عشان تجيب مجموع تقعد ع الكتاب ماتقومش )
الكلام ده غلط
ربنا ما أمرناش اننا ننتحر فى الثانوية العامة
لن أمرنا بأننا نعمل اللى علينا على قدر استطاعتنا
ولا يكلف الله نفسا إلا وسعها
يعنى تعمل اللى عليك بغض النظر عن ده بيذاكر 10 ساعات وتانى بيذاكر 14 ساعة
واهم حاجة انك تتوكل على الله وتشيل الناس من دماغك خالص وماتشغلش بالك بأى حد يتكلم عن انا ذاكرت او ماذكرتش
لان للأسف انا اتأثرت كتير السنة اللى فاتت بالكلام ده
بس الحمد لله انا جبت 97 هو قليل فى الزمن اللى احنا عايشين فيه ده
لكن عسى ان تكرهوا شيئا وهو خير لكم وان تحبوا شيئا وهو شر لكم
فنصيحة ليك ذاكر على قدر استطاعتك
بس طبعا ماتقوليش انا استطاعتى ساعة !!
لأ كل انسان عنده طاقة ويقدر يستغلها لكن هو اللى بيوهم نفسه انه مايقدرش
فاعمل اللى عليك واجتهد وربنا يوفقك ويوفقنا جميعا
وعلى فكرة *
هاتستفيد جامد قووى من المنتدى هنا
السنة اللى فاتت انا كنت احياء وبصراحة المدرسين هنا ربنا يبارك فيهم
وربنا يوفقنا بقى فى الكيمياء

[أ. الدادمونى]

بارك الله فيك أيتها المشتاقة إلى الجنة

هدف عظيم ، يجب ألا نغفل عنه فى هذه الدنيا

فنحن نجتهد فى الدنيا من أجل الآخرة ...

أحب أقولك ألف مبارك لحصولك ع 97 %

وربنا يوفقك يارب

[المشتاقة إلى الجنة]

متشكرة جدا يا استاذ
جزاك الله عنا كل خير
للأسف الشديد كتير من الطلبة فى الثانوية العامة مايحبوش انه حد يسبقهم وبالتالى هايبدأ هنا الحقد والحسد
وما شابه ذلك من الصفات الذميمة اللى المفروض ماتكونش بينا كمسلمين
فنصيحة منى لك طالب لسة داخل ع الثانوية العامة
اعلم يقينا بأن درجتك مقدرة لك وما علينا الا الأخذ بالأسباب والتوكل على الله وليس التواكل طبعا
يعنى ماحدش يقول انه مادام درجتى مكتوبة فأنا مش هاذاكر (اللى يجيبه ربنا كويس )
طبعا اللى يجيبه ربنا كويس
لكن يستحيل هايدينا من غير ما نعمل اللى علينا
ولا تقل يارب عندى هم كبير ,, لكن قل يا هم عندى رب كبير

[أ. الدادمونى]

بارك الله فيك أيتها المشتاقة إلى الجنة

زادك الله علماً وايمانا

صحيح مطلوب التوكل على الله فى كل شىء وليس التواكل، فيجب علينا كمسلمين أن نأخذ بالأسباب لكننا نترك الأمر كله لمسبب الأسباب ورب الأسباب (الله) رب العالمين..

وبالنسبة للتنافس بين الطلاب، أعتقد أنه مطلوب ولكن يكون تنافس شريف ... بمعنى أن تسوده روح الأخوة والمحبة، وتمنى التوفيق للجميع..
----------------------------------------------------------------------------
وإليكم أعزائى الطلاب هذه النصائح

* خطوات على طريق التفوق

أولا: الدعاء، ففيه طلب المعونة من الله، ويزيد درجة الثقة بالنفس، لأنها أصبحت
فى معية الله

ثانيا:الأوقات بين الأعمال المعتادة
6 ساعات بين الإفطار والغداء
6ساعات بين الغداء والعشاء
4 ساعات بين العشاء والنوم
12 ساعة بين العشاء والإفطار
8 ساعات بين النوم والاستيقاظ
ساعة بين الأكل وبدء المذاكرة
10 دقائق راحة بعد كل ساعة مذاكرة أو 30 دقيقة بعد كل 3 ساعات وهكذا0

ثالثا:أهم الملاحظات
1- عدم المذاكرة في أوقات متأخرة من الليل (بعد الساعة 12)
2- لا تشرب أشياء منبهة (شاي , قهوة , الخ )
3- ذاكر وذهنك نشيط 0
4- ذاكر وجسمك نشيط 0
5- مواعيد محددة للمذاكرة يوميا0
6- لا زيادة لساعات المذاكرة في ليله الامتحان0
7- لا تتأخر عن موعد النوم 0
8- النهوض المبكر في الصباح بانتظام0
9- تنظيم الوقت تنظيما جيدا 0
10- اقرأ قراءة صامته0

رابعا:أهم الأساسيات
1- الصلاة (واستعينوا بالصبر والصلاة )
2- قراءة القران (يعودك على القراءة حتى لا تمل أثناء المذاكرة و يزيدك تركيزا )
3- ذكر الله (الذاكر لله حي وان سكنت فيه الجوارح والأعضاء
والغافل عن ذكر الله ميت وان تحرك بين الأحياء )
4- الاستيقاظ المبكر (صلاة الفجر في المسجد ثم بدء المذاكرة )
5- جميع الصلوات في جماعة بالمسجد ( قال رسول الله : من صلى لله أربعين يوما في جماعة لا تفوته تكبيرة الإحرام كتبت له براءتان براءة من النار وبراءة من النفاق )
6- الصبر وتحفيز الهمم (كن من أهل الهمة تكون من أهل القمة )
7- لا تيأس ( اليأس يقطع أحيانا بصاحبه لا تيأسن فان الكافي الله
الله يحدث بعد العسر ميسرة لا تجزعن فان الصانع الله
يا صاحب الهم إن الهم منفرج أبشر بخير فان الفارج الله
والله مالك غير الله من احد فحسبك الله في كل لك الله )
خامسا:الجدول الثابت للمذاكرة
يجب أن تعد لنفسك جدول ثابت للمذاكرة به نفس عدد الساعات يوميا ومادتين على الأقل كل يوم.

سادسا:حول المذاكرة
مكان المذاكرة
1- تهويه جيدة 0 2- حرارة معتدلة 0 3- هدوء كاف 0 4- إضاءة كافيه 0
5- مصباح مكتب 0 6- مكتب واسع 0 7- كتب قريبة 0 8- كرسي معتدل 0
أشكال الراحة
1- برنامج اذاعى قصير 0 2- برنامج تلفزيوني لفترة وجيزة 0 3- مكالمة تليفونية قصيرة 0
4- الاستحمام 0 5- ممارسة الرياضة 0 6- استرخاء 0 7- الجلوس مع الأسرة 0
8- تناول الطعام 0 9- أداء الصلاة 0 10- قراءة القران 0 11- قراءة خفيفة لكتاب أو قصة0

وأهم شيء المذاكرة أول بأول وان كنت معملتش كده أبدأ من دلوقتى .. درس من الجديد ودرس من القديم

( منقول)

[نانى طلعت]

بارك الله فيك استاذ الدادمونى

انا اختارت كمياء بس للاسف انا ذكية جدا بس مش بذاكر كتير وخايفة بس لما بذاكر بحصل كويس

ربنا يستر

[عاطف خليفة]

اخي الحبيب محمد الدادموني
جزاك الله خيرا
ولكل احبتي في الثانوية لي ملاحظة بسيطة
1- التوكل علي الله واقامة الفرائض اولا
2- ذاكر يا اخي كل يوم مادتين مثلا كيمياء + فرنساوي
واليوم التالي رياضة + انجليزي
وثبت العربي كل يوم دردش فيه شوية
3- ذاكر دروسك اولا باول
4 الزم كتاب الوزارة والدليل في الاسئلة
وفقكم الله

[المشتاقة إلى الجنة]

الله يكرمك يا استاذ الدادمونى
وبصراحة استفدنا كتير من كلام حضرتك
ربنا يكون فى عوننا جميعا

[أ. الدادمونى]

جزيل من الشكر لكل أحبائى

أخى الحبيب د. عاطف خليفة

أعزائى : نانى طلعت والمشتاقة إل الجنة

مع خالص دعواتى لكم بالتوفيق

[المشتاقة إلى الجنة]

آمين يارب
ادعى لنا يا استاذ
انا دلوقتى على وشك اخلص الباب الرابع
فيه أمل اخلص بدرى عشان العضوية
اصل بصراحة قرأت موضوع حالا لطالبة هنا بتقول الباب التاسع وحاجات كده
انا اترعبت والله
وكمان انا مابخدش درس ووالدتى مدرسة كيمياء فبتشرح لى فى البيت وخايفة اكون مقصرة او كده
فطمنونى
وجزاكم الله افضل الجزاء

[أ. الدادمونى]

بسم الله ما شاء الله

ربنا يوفقك أيتها المشتاقة إلى الجنة، وأحب أطمئنك إن لسه الوقت كاف إن تخلصى وتراجعى وتحلى كل الامتحانات اللى هتنزل على المنتدى بإذن الله
لأن زميلتك اللى بتسأل على الباب التاسع
فى الأزهر، ونظام التعليم فى الأزهر مختلف لأنهم بيبدأوا من الباب السادس: الحساب الكيميائى.
فلا تقلقى حتى ولو كان أحد زملاءك وصل لك أو حتى فاتك فى أى باب .. دا انتى بتقولى ماماتك مدرسة كيمياء ... يعنى أكيد لها خطة معينة فى المنهج ...
المهم :
1- عدم القلق، لأنه يشتت التركيز
2- التدريب حل امتحانات وأسئلة كثير..
ونصيحة صغيرة .. انت بتحبى مادة الكيمياء وواضح ان بتحلى أى سؤال على المنتدى عن فهم ... فلا تتسرعى فى الإجابة ... قبل ما تكتبى الإجابة ... فكرى قليلاً..
دعواتى لك بالتوفيق وتحقيق الهدف إن شاء الله إن شاء الله ...