مفاجئه من العيار الثقيل!!!!

[sherif4766923]

الى جميع الاخوه فى اداره بلقيس وجميع الادارات على مستوى الجمهوريه التعليميه ياريت تراجعوا مفرادات المرتب لان بها خطأ كبير فى العلاوات وهو ده اللى عامل الفرق بين المحافظات فى المرتب حيث ان فيه محافظات بتحسب العلاوه من اساسى المرتب ومحافظات بتحسبها من مربوط الدرجه والصح ان العلاوه تحسب من الاساسى وليس المربوط
سوف تجد الخطأ
1- فى علاوه 2008 فهى كانت 30% وبناء على الاساسى فى وقتها المفترض العلاوه ان تكون 44.4ج وليس 14.4
2- علاوه 2009فهى كانت 10% وبناء على الاساسى فى وقتها المفترض ان تكون 14.4ج وليس 4.8ج
3- علاوه 2010 فهى 10% وبناء على الاساسى فى وقتها المفترض ان تكون 15.3ج وليس 4.8ج
العلاوه تحسب من اساسى اخر مرتب قبضه المتعاقد قبل نزول قرار العلاوه
وهذا طبقا للماده الثانيه من القانون 128 لسنه 2009
والقوانين السابقه بشأن منح العلاوه الخاصه للعاملين وكذلك الماده الثانيه من قرارات وزير الماليه التى تنص باحتساب العلاوه الخاصه المقرره من الاجر الاساسى والمكافأت الشامله المستحقه للعامل فانه يتم حساب العلاوات الخاصه لهم على اساسى المرتب فى اخر شهر قبل العلاوه ..


واحب اقول ليكم اكيد ناس منكم هتسأل طيب ليه مفيش غلط فى علاوه 2006 و2007
هقولكم ان الرئيس فى السنتين دول اصدر قرار
ان العلاوه 10 % بحد ادنى 30 ج لسنه 2006
وحد ادنى 35 ج لسنه 2007
وبناء عليه مظهرش الغلط لان العلاوه اقل من الحد الادنى فأدوكم الحد الادنى طبقا لقرار الرئيس لكن عشان 2008 / 2009 / 2010 مفيش حد ادنى للعلاوه ظهر الغلط واحب اقول لكم ان اللى مش مصدق يسأل فى مدريه التنظيم والاداره فى محافظته عن القوانين والقرارات الى مكتوبة بالاحمر وقلولهم اساسى مرتبكم كام وهمه هيقولوا ليكم نفس الكلام
ياريت تطالبوا بحقكم
وقارنوا ما بين مفرادات مرتبكم ومابين مفرادات مرتب متعاقدين التربيه والتعليم بسوهاج
على فكره احنا فى سوهاج كان عندنا نفس الغلطه وانا اشتكيت وكنت بفضل الله سبب فى ان المرتب اتصحح واخدنا فروق المرتب
المطلوب من كل الادارات على مستوى المحافظه انها تشتكى للمحافظ وللتنظيم والاداره بناء على الجزء اللى انا كاتبه بالاحمر وتكتب فى الشكوى اسوه بمحافظه سوهاج

[MUSTAFAEGYPT]

ربنا يستررررررررررر الوزارة احنا بنقبض فلوس اقل بكثير من المفروض نقبضه

[zemosat]

مش مهم الفلوس دلوقتى المهم التثبيت
لأنك لنا تتثبت هتاخد حقوقك على داير المليم

[مسيو عاطف]

ولا مفاجأة ولا حاجة
عادى
احنا مين علشان حد يعبرنا
سيبها لله
هو المنتقم

[سيف رسول الله]

مشكور اخي الحبيب وياريت الناس الي بتقول الحقيقة نسندهه مش نقف امامها ونحبط من معنوياتها

[muhammad ellithy]

في إدارة قوص التابعة لمديرية التربية و التعليم بقنا كانوا بيحاسبونا علي مربوط الدرجة في العلاوات العام الماضي فطالبنا بحقوقنا بالشكاوي و الفاكسات لكل الجهات المسؤلة
وحصلنا علي حقنا
ما ضاع حق ورائه مطالب
لازم نطالب بالتثبيت
ونشوف خطوة جماعية نعملها

[تامر سرواح]

ما هو دا الحنا بنقل عليه فى الازهر من زمان ياجماعة

[ايهاب بدر الدين]

حتى الظلم فى المرتبات هما بيقبضونا من جيب ابوهم

[ayman3body]

مشكور على المعلومة القيمة
وياريت الكل يطالب بحقه المسلوب لأننا سنسأل عنه يوم القيامه

[الفتى الزهرى]

لنا الله وحسبى الله ونعم الوكيل

[مستر / طاهر أبو خزيم]

حسبى الله ونعم الوكيل فى كل من يحاول ان يخصم من مرتبات المتعاقدين مخالفا للقانون

[mmm6666]

حسبى الله ونعم الوكيل فى كل من ظلمنا

[Mr.AI]

لا اله الا انت سبحانك انى كنت من الظالمين

[تامر سرواح]

افيقوووووووووووووووا

[mratwa7]

المسئولين بيصيفوا و سايبين الشباب يهيسوا