|
||||||
| القسم الأدبى قسم يختص بنشر ما يكتبه كبار الشعراء والأدباءء والفلاسفة |
 |
|
|
أدوات الموضوع | انواع عرض الموضوع |
|
#1
16-06-2007, 01:52 PM
|
||||
|
||||
 كيف تتكلّم مع الناس ؟  عنوان غريب مش كده؟؟ عمرك لقيت إنك مش عارف تتواصل مع حد معين؟؟ رغم إنك فعلا عايز تكلمه؟ لقيت مرة واحد مابتحبّش تتكلم معاه خالص؟؟ كده لله في لله؟؟ هل مرة لقيت إنك مش عارف تبيع سلعتك للزبون بتاعك رغم إنك حاولت بكل إخلاص؟ أكيد أيوه.. مش كده؟ طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها (التحدث بإيجابية) في البداية عايز أوضح لك حاجة مهمة جدا عن عقلنا اللاواعي هنعرفها من المثال الصغير ده : هاقول لك جملتين عايزك تركز فيهم قوي وتنفّذ اللي فيهم ماتفكرش في وردة حمراء ها ها ها.. ينفع؟ طيب خد دي كده ماتتخيّلش سيارة سوداء ها؟ خدت بالك من اللي حصل ده؟؟ أكيد أكيد فكرت لا إراديا في الوردة الحمراء وفي السيارة السوداء كمان  إيه اللي حصل ده؟ اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعلشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء يعني إيه؟؟ يعني لو أنا عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟ ********* طبعا المسألة مش مسألة وردة حمراء وسيارة سوداء عشان تفهم قصدي اقرا الأمثلة دي البائع: الأسعار بتاعتنا مش غالية.. احنا مش حرامية ونصابين الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية ونصابين) هيفهم منها إنهم (حرامية ونصابين).. ده أكيد يبقى المفروض البائع يقول مثلا: أسعارنا مناسبة جداً.. احنا يهمنا ثقة العملاء ********* نفهم من كده إيه؟؟ نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض الطبيب: ماتخافش.. الحقنة مش بتوجع خالص هه.. إيه رأيك في المثال ده؟؟ يلاّ مع بعض نطلع الكلمات السلبية : أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف ثاني كلمة سلبية هي: (مش بتوجع).. دي هتخليه يتخيل الألم والوجع يبقى المفروض يقولها ازاي؟؟ الطبيب: اطمئن.. هتحس براحة بعد ثواني (ملاحظ إننا ماذكرناش كلمة "حقنة" أصلا؟) ملحوظة: كتجربة شخصية, لكل الأطباء اللي بيقروا الموضوع ده.. التكنيك ده أفادني كتير جدا -كدكتور - في إقناع المريض بأخذ الحقنة تجنب الكلمات السلبية زي: ماتخافش، ماتقلقش، زي شكة الدبوس كلّمه يا دكتور عن الراحة والشفاء وإن حقنة البنج مريحة لأنها حقنة بنج أساساً .......................................... خدت بالك؟ ببساطة لأن هي دي الحقيقة, بس المهم هنوصلها له بأي طريقة؟ البنت لخطيبها: ماتقلقش يا حبيبي.. عمري ما هاخونك أو أكرهك طبعا كلنا حسينا بصدمة من الكلام ده.. لكن احنا عرفنا ليه.. عشان الكلمات السلبية زي: ماتقلقش- هاخونك – أكرهك المفروض الجملة دي تتقال كده البنت لخطيبها: اطمئن يا حبيبي.. أنا مخلصة لحبنا وهافضل أحبك على طول شايف الجمال اللي في المعنى؟؟ مع إننا ممكن نلاحظ ببساطة إن الجملتين لهم نفس المعنى ............................................... نستفيد من الكلام ده إيه بقى؟؟ نخش على الحكمة بتاعة التهاردة مهم جدا معنى الكلام الذي نقوله.. والأهم هو: كيف نقول هذا المعنى استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس..واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات السلبية على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهوّن على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات الإيجابية ********* قبل ما نختم بقى تعالوا نلعب لعبة اختار الجمل والكلمات الإيجابية اللي توصل المعنى بصورة صحيحة, وحط قدامها علامه: صح أنا مش عبيط.. أنا فاهم كل حاجة صح غلط خليك ذكي وركز معايا صح غلط الجو النهارده كويس صح غلط ياباشا البضاعة بتاعتي مش بتعفن بسرعة صح غلط ماتقلقش.. الموضوع بسيط صح غلط هابطّل السجاير, واكون إنسان جديد صح غلط البارفان ده ريحته مش وحشة خالص.. بالعكس صح غلط ماتفتكرش إن صحتي راحت.. أنا زي الفل صح غلط مش هاخذلك يا معلّم صح غلط أنا إرادتي قوية جدا.. ثق في كده صح غلط ماتبقاش غبي يا بني.. فتّح مخك معايا صح غلط بحبك صح غلط طبعا حلّيت الواجب كله لوحدي..إنت فاكرني باكدب؟ صح غلط ********* حلها بقى بروقان واعرف إنت بقيت متحدث إيجابي ولاّ لأ مرّن نفسك من النهارده على إن كلامك يكون إيجابي.. ولاحظ الفرق اللي هيحصل في حياتك ماشي يا جماعة.. حط بقى مرادفات (إيجابية) للجمل (السلبية) اللي فاتت لو حبيت.... وورينا شطارتك يا بطل  بقلم: د.شــريف عــرف من على اميلى محمد المظلووووووم جدااااااااااا
__________________
 حاسس انى محطم
|
|
#4
16-06-2007, 03:11 PM
|
|||
|
|||
موضع متميز وجميل
حكاية انك تقنع ناس برايك دى مهمة يعنى عندك انا درست علم نفس مادة جميلة حاولت من خلال دراستى ليها انى انمى موهبة عندى الا وهى اقناع الاشخاص زى المحامى اللى ممكن يقلب الحق باطل والباطل حق بالنسبة لموضوع انك مش تلقى حد تتكلم معاه او شخص متوحد فا ده ممكن يعود لحاجة اسمها الكريزما هل انتا انسان كريزمى ؟ بتجذب الناس ليك ولا لا الموضوع جميل فعلا وهحاول اقراه مرة واتنين تانى وتم التثبيت
|
|
#6
16-06-2007, 08:16 PM
|
|||
|
|||
|
جميل جدا يادكتور ميرسى ربنا يخليك بجد الموضوع شدنى كتير
وفهمنى حجات كتير وعلى فكره الموضوع رغم طوله مملتشى وانا بقرئه ( سلبيه ) قصدى الموضوع شيق ( ايجابيه ) ههههههههههههههههههههه ميرسى جدا وجزاك الله كل الخير سلام
|
|
#8
17-06-2007, 09:28 PM
|
|||
|
|||
|
موضوع راااااااائع
جزاك الله خيرا ,,,
|
|
#10
01-07-2007, 04:13 PM
|
|||
|
|||
|
<div align="center">انا على فكرة قريت الموضوع قبل كدة ورديت عليه وعجبنى
بس انا فكرت فى حاجة :: قال الله تعالى فى سورة ال عمران مخاطبا المؤمنين :: {وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ } يعنى استخدام العبارات دى اكيد مش ليها تأثير سلبى لان دة قران يعنى البلاغة واستخدام الالفاظ الصحيحة رايكم اية فى الموضوع دة ؟؟</div>
|
|
#12
01-07-2007, 06:09 PM
|
||||
|
||||
<div align="center">جزاك الله خيرا
ومرسيه على الموضوع التحفه ده ويا ريت ما تحرمناش من المواضيع دى </div><div align="center"> </div>
__________________
 Always remember two things Don’t' take any decision when you are Angry Don’t' make any promises when you are Happy
|
|
#13
01-07-2007, 06:23 PM
|
|||
|
|||
|
<div class='quotetop'>إقتباس(mazloom geddan @ Jul 1 2007, 07:07 PM) [snapback]338299[/snapback]</div>
اقتباس:
[/b][/quote] ماشى انا قريت تفسير الاية برضة انا بتكلم على كلمة :"<span style="color:#FF0000"> ولا تهنوا " وكلمة " ولا تحزنوا "" مش دول عبارات سلبية قياسا على الموضوع بتاع حضرتك ؟؟ لان فيها ذكر الوهن وذكر الحزن ؟؟!!! على فكرة انا مش بهاجم الموضوع , والموضوع فعلا عجبنى بس جت فى بالى الاية دى !!
|
|
#14
02-07-2007, 01:29 AM
|
||||
|
||||
|
اولا انا اسف ع عدم الرد السريع لانى كل ماجى اكتب حاجه الاقى المغرب بيأذن وبردوو العشاءءء
فمعرفتش اكتب حاجه ثانيا اشكراا لحضرتك على الاهتمام الجيد لحاجه زى دى فعلا القران يعنى البلاغة واستخدام الالفاظ الصحيحة لانه كلام الله وطبعاا استخدام العبارات دى اكيد مش ليها تأثير سلبى ليه ......................... بقى قولت لانه قران وقران يعنى كلام الله للبشر وليس كلام البشر للبشر انفسهم بس ده الفرق بين دى ودى لان المعامله مع البشر حاجه وكلام الله حاجه تانيه وبعدين مفيش فى الايه حاجه فيها سلبيه ولا حاجه يعنى خللى بالك انا عمرى ما ادافع عن الموضوع اطلاقا دا مجرد راى لكن ادافع عن القران طبعا ولو الموضوع فيه حاجه نلغيه خالص والله يعنى مفيش اى مشكله بس هو الموضوع وما فيه ان كلام الله عز وجل غير كلام البشر وبعدين الايجابيه او السلبيه ليست فى الكلمات فقط ولكنها فى الافعال ... وياريت نسمع راى الاعضاء لتعم الفائدة............................. واكرر شكرى تانى لحضرتك لانى فرحت فعلا انى فيه ناس تدافع عن القران الذى هجرناه ربنا يكرمك ويزيدك ع اهتمامك جزاكى الله خيراااااااااا ياريت الاعضاء يعرفووواااااااااا ويشاركوو ا
__________________
حاسس انى محطم
|
|
#15
04-07-2007, 07:08 PM
|
|||
|
|||
|
<div class='quotetop'>إقتباس(mazloom geddan @ Jul 2 2007, 02:29 AM) [snapback]338628[/snapback]</div>
اقتباس:
واسفة على التأخير فى الرد بس كنت مشغولة اوى فعلا حضرتك نبهتنى لحاجة مهمة فى الفرق بين كلام الله عز وجل للبشر وكلام البشر نفسهم للبشر يمكن فعلا دة الاساس اللى اتبنى عليه الموضوع جزاك الله خيرا على الاهتمام وشكرا مرة تانية على الموضوع
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:44 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
