الى أبناء سوهاج المتعاقدين !!!!!!!!!!!!!!

[saad200]

**الي جميع المتعاقدين بسوهاج هام جدا!!

**أنصحكم إخواني وأخواتي بالذهاب إلى مقر الأكاديمية لمراجعة بياناتكم والتأكد من تسجيل icdl وذلك قبل يوم الخميس 29/7/2010م وقبل ضياع الفرصة وفوات الأوان..

**أنا شاب من مركز المنشاة ذهبت والله بالصدفة لمقر الأكاديمية وإذ بالمصيبة التي أخرصت لساني فأنا من الناس اللذين حصلوا على شهادة icdl من عام 2008ومقدمها إلى الأكاديمية ومطمئن وعندما ذهبت بحث المسئول عن اسمي فلم أجد تسجيل شهادة icdl وهذه طبعا خطأ موظف لكن أنا ضاع عليّ التقديم بالمراحل الاولى الذي أرسلت أسمائهم فبالله عليكم ماذا أفعل وكيف أسترد حقي مع العلم أن معي الإيصال من الأكاديمية بالأوراق التي أخذوها مني !!!!!!!!!!!!! **** انصحوني ماذا أفعل بالله عليكم؟؟

[mena gerges123456]

انا من سوهاج ؟


اداره سوهاج التعليمية ؟

وهل يفعل هذا موظف الاكاديمية انا لما وديت التقرير مضاني علي ورق فية الي بيودوا


البيانات التي كتبها عند تسليمي التقرير

الكود اسمي رقم البطاقة الامضاء دة مش دليل اني وديت خلاص ؟

[عمر مصطفى احمد]

لو معاك حاجه بتثبت روح اشتكيه فى النيابه الادارية

[عمر مصطفى احمد]

بس انا عندى استفسار يا جماعه لو انا لسه معداش على العقد بتاعى سنه ينفع اقدم ورقى فى الاكاديميه

[حازم الهنتش]

يبعت اسمك بفاكس للوزارة ولسة بدرى على التعيين

[طارق الادريسى]

رجاء من أبناء سوهاج الكرام
من يذذهب للاكاديميو المهنية للمعلم يتأكد من اسمي
فأنا من البلينا وتعلمون بعد المسافة
الاسم طارق سليمان جادالكريم
ولجميع أبناء سوهاج التقدير والمحبة
أخوان وأخوات

[mrmoh]

والله يا حضرات كل شئ جائز في هذه البلد وخصوصا سوهاج
محمد ادارة جرجا

[امجد7007]

انا سألت على بياناتى فى الاكاديميه (سوهاج) انا وزميل ليا ووجدنا كل شئ تمام والحمد لله مع العلم انى لما اديتهم شهادة الاى سى دى ال مادونيش اى اثبات انهم استلموها منى

[eva2010]

هو ياجماعة انتو بتودو الاصل ؟؟؟ انا قدمت افادة بالسبعة من شهر 4 ويمكن تطلع الشهادة خلال الفترة دى تنصحونى اعمل ايه اكتفى بالافادة ولا اروح اسلم الاصل زيكم او حتى صورة طبق الاصل افيدونى

[mmm6666]

ربنا معاكــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــم

[جارةالوادى]

المشاركة الأصلية كتبت بواسطة eva2010

هو ياجماعة انتو بتودو الاصل ؟؟؟ انا قدمت افادة بالسبعة من شهر 4 ويمكن تطلع الشهادة خلال الفترة دى تنصحونى اعمل ايه اكتفى بالافادة ولا اروح اسلم الاصل زيكم او حتى صورة طبق الاصل افيدونى

لاء متسلمش الاصل صورها وخد الاصل معاك وخلى الموظف يطلع عليها (الاصل)وبعدين يختمها ويكتب عليها صورة طبق الاصل (الصورة يعنى)
انما محدش بيسلم الاصل

[eva2010]

شكرا ليكى ياجارة الوادى بس على فكرة انا بنوتة مش ولد

[امجد7007]

المشاركة الأصلية كتبت بواسطة eva2010

هو ياجماعة انتو بتودو الاصل ؟؟؟ انا قدمت افادة بالسبعة من شهر 4 ويمكن تطلع الشهادة خلال الفترة دى تنصحونى اعمل ايه اكتفى بالافادة ولا اروح اسلم الاصل زيكم او حتى صورة طبق الاصل افيدونى

طالما وديتى الافاده خلاص متوديش حاجه تانى ولأن اسمك كده اتبعت وخلاص يعنى ملهاش لزمه الشهاده توديها لكن ياريت لو تتأكدى ان اسمك اتبعت ومثبوت الاى سى دى ال

[eva2010]

شكر ليك ياأستاذ امجد وانشألله هاروح الاكاديمية ويارب حد يفيدنى

[mhegazi]

المشاركة الأصلية كتبت بواسطة eva2010

هو ياجماعة انتو بتودو الاصل ؟؟؟ انا قدمت افادة بالسبعة من شهر 4 ويمكن تطلع الشهادة خلال الفترة دى تنصحونى اعمل ايه اكتفى بالافادة ولا اروح اسلم الاصل زيكم او حتى صورة طبق الاصل افيدونى

من الافضل تسليم الشهادة وعلى فكرة هو بيطلع على الاصل بس وبياخد الصورة
ولان كدة كدة اللي مقدم الافادة اكيد حيطلب منه الشهادة (( وده رأيي )