مجهول يقوم باشعال النيران في حجرة التعينات بالمنشاه

[saad200]

قام اليوم الأحد شخص مجهول الهوية في مدينة المنشاه محافظة سوهاج باشعال النيران في الحجرة الخاصة بملفات جميع المتعاقدين على مستوى المدينة مما أدى الى أن أصبحت الأوراق الخاصة بجميع المتعاقدين من أصول الشهادات الجامعية والعسكرية و icdl وكذا جميع الأوراق التي قدمناها من خمس سنوات أصبحت رماد
فماذا نفعل ؟! وهل لا يتم تثبينا بعد هذا العمل ؟
فلكم الله ياأبناءالمنشاه!!!!!!!!!!!!!!!!!!!!!!

[تامر سرواح]

يارب استرها يارب
وان كنت اشك انه احد المدرسين الذين لم تكتمل اوراقهم وهو عايز كله يبقى زى بعضه

[mak2007]

يا نهار أبيض
وحترجعوا تجمعوا الورق تانى دى لفة كبيرة اووووووى
ربنا معاكم

[mmm6666]

ربنا معاكم

[mena gerges123456]

عليك الان وبسرعه عمل الاوراق مرة اخري قبل التثبيت

[hohoh]

اكيد هنستنى لما ابناء المنشأة يلموا ورقهم
عليه العوض ومنه العوض

[ABDOURAGAB]

والله راجل ابن راجل لان احكومة مش عاوزه غير كده طيب عملوا القرية الذكية ليه والحوكمة الالكترونية ليه طب مات هي بيانتكم كلها مسجلة على قاعدة البيانات بتاعت الوزارة يبقى حرام يبهدلوكم كده فكدة احسن عمل يا ريت يتم في باقي المحافظات

[zemosat]

أهم حاجة الأوراق اللى فى الأكاديمية

[إيهاب النجار]

الله معاكم
ولكن البيانات مسجلة على قاعدة بيانات وإن كان فيه تعيين تجمعوا الورق بس يكون فيه تعيين

[roqayah]

لماذا حدث هذا هل نقابل الخطأ بخطأ أكبر منه لا طبعا اللى عمل هذا العمل مخطئ كبير

[طارق حامد2]

ربنا يكون فى عونكم
انا خايف الموضوع ينتشر فى باقى المحافظات

[داليا عبد الرحمن]

لا حوله ولا قوه الا بالله

[MISS.DINA]

المشاركة الأصلية كتبت بواسطة ABDOURAGAB

والله راجل ابن راجل لان احكومة مش عاوزه غير كده طيب عملوا القرية الذكية ليه والحوكمة الالكترونية ليه طب مات هي بيانتكم كلها مسجلة على قاعدة البيانات بتاعت الوزارة يبقى حرام يبهدلوكم كده فكدة احسن عمل يا ريت يتم في باقي المحافظات

حرام عليك والله يعنى مش صعبان عليك اصول الناس اللى راحت دى طب اى ورق ممكن يطلع تانى بس الا سى دى ال هيعملو فيها ايه ربنا ينتقم منه مش عارفة الناس دول هيعملو ايه بجد ربنا معاهم ويستر علينا

[nourhan200005]

ربنا يستر وربنا معكم ان شاء الله

[kholio_]

الله يكون في عونهم جمعا

بس أحب أذكرهم بأن هذه الشهادات ممكن تتطلع تاني
أصل المؤهل : أساسا كان شهادة مؤقتة من الكلية وبيطلع مة أخري بصورة شخصية ورسوم مالية
أصل الشهادة العسكرية : بتتطلع تاني من إدارة التجنيد والتعبئة برسوم مالية + صورة من الشهادة
أصل العقد : طبعا العقد يكون من 3 نسخ واحدة مع كل متعاقد والتانية في مدرسته التي يعمل بها والثالثة هي اللي في الملفات التابعة للإدارة فيصور نسخة ويختمها من الادارة ويرسلها مرة أخري

أصل شهادة icdl: دي اللي صعبة شوية بس بإذن الله بتطلع واحدة غيرها ممكن يتقدم للمركز اللي امتحن فيه ويقدم طلب لإستخراج الشهادة مرة أخري ويدفع رسوم مالية والله أعلي وأعلم

أما باقي الاوراق الاخري من شهادة بحضور دورة أو دورات تدريبية فسلهة في أستخراجها مرة أخري

وأدعوا جميعا
وربنا يصبرهم ......... وينتقم من الظالم الفاعل