عاوز تهدو .... هاتلو جدو

ابن الثانوية · #1 25-07-2010, 02:23 AM

بعد التحيه والسلام...
أحب أطرح وجهة نظري المتواضعة في موضوع جدو
أولا مين جدو دا أصلا اللي الناس طالعه ونازله عليه

جدو راح ... جدو قال.... جدو لعب ... جدو مشى

على ايه كل دا

دات لسه مبقاش لاعب اساسي على الاقل في المنتخب

مكنش حظو انو جاب اجوان في كاس افريقيا الدنيا تقف عشانو

مع احترامي
بس اي مهاجم احسن منه بكتير
احنا لو بصينا على جدو من الناحيه الفنيه هتلاقي لاعب مستواه اقل من المتوسط

مين جدو اللي لسه ملعبش كورة ولا طلع من البيضه عشان يقول
ادخل السجن احسن من اللعب في الزمالك

مع اني اهلاوي صميم بس عيب
الزمالك فرقه كبيره جدا وليها احترامها وليها وزنها وليها تاريخها العظيم
ميجيش عيل زي دا يقول الكلمتين دول

طز فيه وفي اللي هيلعبو

حتة عيل هيتنفخ على فريق بحجم الزمالك ويتامر على الاهلي

والله اي لاعب على الدكه في الزمالك احسن منه

يا جماعه ....
الموضوع مش مستاهل ان الجرايد تكتب عن جدو وان الناس تتكلم عنو كل شوية

احنا داخلين على كاس افريقيا لازم ناخدو والموسم الجديد هيبدا

مش هنضيع كل دا عشان عيونك يا سي جدو

انا عن نفسي لا اتمنى رؤية لاعب بهذه الاخلاق في الملاعب المصريه

عموما.....

دي كانت وجهة نظري ف الموضوع
مع تحياتي وتقبلي لاي نقد او وجهة نظر مخالفه

Golden Eagle · #2 25-07-2010, 09:37 AM

بص أنا مختلف معاك
1 - أنا معترف تماما ً إن قصة هداف أفريقيا دي حظ 100 % تمام ؟؟؟
لكن مش معني إنه محظوظ إنه مش كويس
يعني قبل قصة الأهلي و التعاقد ما كنتش مقتنع بيه اللي خلاني أقتنع بيه كورة واحده ف ماتش إنجلترا ( لما عدي من تيري بسرعته )
هو خامة كويسة طول + مهارة + سرعة ( بدنيا ً و سرعة ف نقل الهجمة علشان كدا هو أحسن ف خط النص من الهجوم )
و انا شفته ف ماتش الاتحاد مع الاسماعيلي كان كويس بس مش موفق
يعني بصراحة انا متفائل بيه

2 - قصة أدخل السجن دي أنا أول مرة أسمعها منك ع فكرة ( مش باكدبك و الله ) بس خد بالك في مصادر ف الرياضة معروفة إنها غير موثوق فيها زي اليوم السابع و المصري اليوم ( أنا مشترك ف موقع ممنوع نقل الأخبار من المواقع دي + مواقع الزمالك كلها لأن اخبارها غير موثوقة )
المهم حتي لو قالها حط نفسك مكانه
واحد زي ابراهيم الابيض لما يقولك كنت تتمني تمشي جنب سور الزمالك
و يقول هاجيبه و اركنه ع الدكة
و يقول هافضل وراه و هادخله السجن
ردك هايكون إيه ؟؟؟ علما ً بإن الناس دي خلفت وعدها معك بعدم إعلان العقد قبل التفاوض مع الاتحاد + طالبين منك فلوس ما أخدتهاش و هما عارفين كدا
بصراحة لو قال كدا يبقي 10علي 10 و مالوش ف السياسة
و هاديلك أمثة تخلي السجن احسن م اللعب ف الزمالك
دور ع النت عن اللاعب محمد عبد الله
لو مكسل اقولك انا
الزمالك استغني عنه قبل غلق باب القيد بساعات
و زيه ايمن عبد العزيز جه م الاحتراف علشان الزمالك و بعد كدا استغنوا عنه
و ف الموسم اللي فات واحدتالت ( إسمه حاجة عزمي مجاهد يمكن امير )
مجلس إدارة الزمالك يسئ لكيانه بطريقة غبية

yara attia · #3 25-07-2010, 10:29 AM

عندك حق هو اصلا اشتهر ببركة دعوة الوالدين بجدوالله

يعني فعلا هو اشتهر زيادة عن اللزوم

وبعدين هو يطول اصلا انه يبقي في نادي الزمالك

ده هو المفروض يبوس ايده وش وظهر

وبجد فعلا عيب الكلمة الي قلها ديه

وانا والله مش عرفة الناس جبته علي ايه مش كانوا 5 اجوان الي جابهم دول يعني في كاس افريقيا

والناس بقي حبته علي غروره وتكبره ديه ولا ايه ؟؟؟؟؟

سوري اذا حصل مني اي تجريح

تقبلو مروري

MR : ABO BATTA · #4 25-07-2010, 03:42 PM

بدون كتر كلام
جدو صفقة عادية خالص ولكن اللي كبر الأمور ووسعها هو تصارع الأهلي والزمالك على اللاعب
اما كون اللاعب كويس من عدمه فهذا سيتضح بعد ما نراه يلعب في الأهلي ولو اني متوقع انه مش هيلعب زي كتير الأهلي جري عليهم وفي الآخر مش لمسوها ومشيوا

شكرا لكم ولصاحب الموضوع

eng mostafa mahmoud · #5 25-07-2010, 05:57 PM

مشكورررررررررررررررررررررررر