الارتباط وقواعدة

[my love]

القواعد السليمة للإرتباط السليم ..
مناقشة موضوع زى ده هتكون معقدة وهيتطور المجال فيها لأن الشباب عصبى فى موضوع الحب ده زيادة عن اللزوم لو محبش ميقدرش يعيش ..
مش هأرجع لورا وأقولكم حرام وإلا حلال خلونا نتناقش فى إطار إجتماعى لتققيم الموقف بأمر سليم ..

- أولاً الإرتباط شئ جميل جداً وأسمى عاطفة خلقها الله تعالى هيا عاطفة الحب لكن للأسف الإنسان مسابش حاجة إلا لما بوظها ولوثها وخلى شكلها وحش حتى الحب بقا فيه غش وخداع وخيانة ومصلحة وحاجات كتير أوى ..
كل يومين فلان حب فلانة وإرتبطوا وكمان شوية ده طلع ندل ودى طلعت مش عارف إيه وهو يرتبط بعديها بيومين ببنت تانية صاحبتها عشان يغيظها تقوم هيا متغاظة ومرتبطة بالود أنتيمه وهلم جره وكل شغل مياعة وضحك ع الدقون وتلاعب بإسم الحب وخلاص ..
لازم نعترف إن 99% من حالات الإرتباط فاشلة وده بسبب الطرفين سواء الولد أو البنت ..وخلونا نقول الولد طالب فى جامعة والبنت زيه هيتخرج مش لاقى يآكل هيروح لأهلها ويرجع أفاه يأمر عيش وهى فى الوقت ده هتكون بنت بابا وماما المطيعة اللى بتسمع الكلام وتقوله خد الدبدوب بتاعك وهات حاجتى بلا وش وتتجوز وهو بعديها بسنتين وإلا اكتر يتجوز وممكن يقابلوا بعض وميعرفوش بعض .. ومن ده كتير وممكن نقول 100 قصة ورواية ..
أول شئ يا شباب الخير لازم تعرفوا إن الشئ اللى بيتولد فى الضلمة عمره ما هيخرج للنور أبداً والشئ اللى بيبنى على أساس ضعيف بيفشل فى أغلب الأحيان لأنه مع الزمن بيضعف أكتر ومبيقدرش بعد كده يقف على رجليه ..
يعنى لو هنبدأ مسألة الحب لازم يكون فيه شرطين


أن الحب ده يكون فى النور .. مش فى سينما وإلا كافيه من إياهم ..
أن يكون بمعلومية أهل الطرفين .





<div align="center">المبدأ الثانى : </div>

البنت اللى مبتحترمش أهلها ومبتقدرش ثقتهم فيها تبقى مش هتحترمك ولا هتقدر ثقتها فيك .. إحنا عايزين نحط للإرتباط إطار إجتماعى موثوق يبقى ماشى فيه .. عن طريق الأهل عشان ميبقاش شئ تافه زى ما كله بيقول .. يبقى إنتى تقولى لوالدك ووالدتك ( شايف حد هيكتبلى فى الرد أهلى صعايدة مش هيوافقوا ) أظن إحنا دلوقتى فى زمن مفيش ولد أو بنت بيتجوزوا غصب عنهم إلا ما يندر حدوثه .. يعنى بمعنى أصح إذا كان شاب كويس ومتدين وبتحبيه وماله لو تقولى لبابا أو ماما الأقرب ليكم وتعملوا حاجة قدامهم أحسن ما يكون من وراهم وأكيد هما هيحترموا رأيكم ومشاعركم وإحترامكم ليهم قبل كل شئ .. نيجى للناحية التانية خايفة تقول لباباها دلوقتى لأحسن هو عصبى وممكن يقعدها فى البيت . . طاب يا حلو البنت اللى مالهاش شخصية وخايفة تقول لباباها وإحنا لسا على البر أومال جوا هتعمل إيه ؟؟
برضه لازم يكون فى إحتياطات يبقى والدها عارف ظروفك وإمكانياتك عشان متآخدش بمبمبة فى الآخر وتقول يا ريت اللى جرى ما كان .. طاب هو مش عايز يقول لمامته لأحسن مامته عايزاه لبنت خالته .. يبقى ولد معندوش شخصية والمفروض يآخد الرضعة من مامته قبل ما ينزل وبعد كده يبقى يقول أنا عايز أرتبط وأحب حب بجد ..

الموضوع له ملابسات كتير أكيد هتبان من الردود وبينا كده نتناقش لحد ما نوصل حل نقفل بيه مشروع الإرتباط الودى ونبدأ مشروع تانى ناجح وبنسبة أكبر إسمه مشروع الإربتاط الموثوق

[dr.mansorawy]

<div align="center">ولله هو فكرة الموضوع كويسة والكلام الى اتقال دى وجهة نظر واقرب اللى الصحيحة


بس انا شايف ان السير على طريق الدين اكيد هيؤدى الى الحياة الصحيحة المثالية ومش معنى ان احنا ى القرن ال 37 يبقى نمشى على النظام المودرن

هو زى ما انت قلت الحب أسمى شئ لكن لازم نحافظ علية و مش يبقى واحد شاف واحدة عجبتة خلاص ينفجر فيها عاطفيا وهى نفس النظام المفروض تدرس الشخصية دى كويس وتبقى عارف انك لو قلت كلمة بحب دى هيترتب علية اية يعنى هل دا هو نصك التانى هل هو دا اللى هتستحمل عيوبة ومحاسنة

هل مع اول شكلة هتقول لازم نــــــــســـــــيـــــــــب بعض ودا الل يحصل علطول احنا مننفعش لبعض وتبقى تجربة عابرة


مسؤلية كبيرة اوى محتاجة تفكير كبير دا لو انت او انتى عايزين تبقوا فى الصح

غير كدة يعتبر لعب فى منطقة خطرة او بمعنى اصح دخول الحمام مش زىخرجة بس هنا مش بتخرج مستريح انت بتخرج وحياتك متدمرة واصعب حاجة هى اللعب بالعواطف فلو انت او انتى متأكد 300% ان دا هو نصك التانى تبدأ تفكر فى بعد كدة وتقولهم فى البيت انا كذا كذا وهما رأيهم اكيد هيبقى الصح لأنهم عارفين ظروفك و هما ادرى منك متقولش اهلى كدة كدة هيرفضوا



وفى النهاية عايزك تحط شريك حياتك هو هدفك الاسمى انك تحافظ على قلبك ومشاعرك كاملة لأن هو دا اللى يستحقها واعلم انك مع كل تجربة عاطفية فاشلة تفقد جزأ من قلبك ومشاعرك الى ان لا يتبقى شئ لشريك حياتك ومش هتعرف او تعرفى تديلة الحب اللى يستحقة وبالتالى حياتكم مش هتكون سعيدة

و دا اللى بيثبت ان الاسلام هو الصح وان اى علاقة من غير ارتباط رسمى وعلنى بتؤدى اغلبها لعدم النجاح دلوقتى وبعد كدة لما تتجوز


شكرا على عرضك الموضوع</div>

[احمدمحمود]

اولا الموضوع تحفة وانا معاكم يا شباب
اغلب الشباب اول ما يشوف واحدة حلوة يموت فيها ويعيش فى دور المحب الولهان ويسهر بليل يعد النجف اللى فى البيت(مش لسه هيخرج البكونة يعد النجوم)وده مش حب دى مراهقة
واغلب البنات اول ما تشوف واحد وسيم تفضل متنحة وبعد كده خلاص بقى بقيت عاشقة ليه وهى ممكن متكنش تعرف حتى اسمه
وتعيش بقى وتحلم بقى بليل انه بيخطفها على (توك توك)ابيض فى ابيض وماسك فى ايده موبيل ب(cover)ابيض فى ابيض
ويكون خط مش كارت. ودى كمان مراهقة


لازم كل واحد وكل واحدة يسيبه من المراهقة والكلام الفارغ ده ويفكر من الاول هل هو بيحب ولا دى مراهقة

[ازهريه]

هو توبيك هايل بجد بس تقولى لمين بئه

[Ahmad™]

والله يا مان فكرة انك تتجاهل نظرة الدين يبقي الموضوع كله غلط
ما بني علي باطل فهوا باطل.
الاسلام دنيا ودين.
كل حاجه موجوده في الاسلام
تقوم تتجاهل الدين؟؟؟؟؟؟؟؟؟؟؟؟؟؟
والله يا مان احنا لو تجاهلنا الدين هتفسد الارض ومن عليها

والسلام عليكم ورحمة الله وبركاتة

[midoragab]

موضوع حلو

بس الحب ملهوش قواعد بيجي بظروفه زي ما بيقولوا

و لازم كل من الولد و البنت يكونوا علي اد المسئوليه و يكون في جدية من الاتنتين من ناحية الارتباط لانها مش سلطة