|
|
|
#1
23-07-2010, 11:39 PM
|
|||
|
|||
ارجو الرد
ارجو من طلاب علوم وذوى الخبره يفيدونى انا رايحه تالته ثانوى ولسه باخد القرار علمى رياضه وناس قالتى انه علوم كويسه هى كويسه ولا لا وايه حكايه اخصائى تحاليل وهى مضمونه ولا لا وهى فى اى قسم وهو انا مجموعى لو ما جابش سوهاج او اسيوط ممكن اقبل فى باقلى الجامعات ولا لا
|
|
#2
24-07-2010, 12:18 AM
|
|||
|
|||
علوم كلية ممتازة وكلية قمة ومش عايزة اي كلام
وانا بفضلها عن كليات قمة تانية كتيييييييييييييير بالنسبة لموضوع اخصائي التحليل انتى بتدخلى الكلية وتطلعى بتقدير امتياز تقريبا وبعدين بتكملى تحليل او صيدلة مش فاكر بالظبط ولو مجموعك مجبشى سوهاج او اسيوط بتيجى اي كلية بالتتابع يعنى انتى كاتبة الاول سوهاج وبعدين اسيوط وبعدين المنيا وبعدين الفيوم يفضل ماشي لغايت ما يجى مجموعك وتدخلى الكلية بس كدة بالتوفيق ان شاء الله اخوكى في الله / أحمد طالب بكلية علوم قسم رياضة
|
|
#3
24-07-2010, 05:23 AM
|
|||
|
|||
|
كليه العلوم كليه كويسه جدا خصوصاا لو انتى بتحبيها
واقسام كليه العلوم 1-قسم كيمياء سبيشيل (يشمل دراسه الكميا التحليله والعضويه والفزيائيه والغير عضويه و الكيمياء التطبيقيه و الصناعيه و الكيما ءالحيويه) الشغل: كميائيين في مصانع الادويه والكيماويات و شركات مستحضرات التجميل شركات اصباغ وبلاستك وحديد وصلب و 1-مصانع الزيوت والدهون والصابون والمنظفات الصناعية والصناعات المتعلقة بها – المواد الوسيطة والأصباغ العضوية – المذيبات ومشتقاتها – مواد الصباغة – صناعة الجلود – المواد العطرية – الزيوت الطبيعية أو البترولية – مواد مستحضرات التجميل – تكرير البترول ومشتقاته والصناعات البتروكيماوية – الراتنجات والكاوتشوك والبلاستيك واللدائن – المبيدات – المواد الغذائية والجيلاتين – عمليات التبييض والصباغة والطباعة والتجهيز للألياف الطبيعة والصناعية – صناعة الألياف الصناعية كالحرير الصناعي والنايلون – الأسمدة العضوية – عمليات التخمير – تكرير السكر والصناعات المتفرعة منه – حفظ الأغذية والمشروبات – استخلاص السليلوز- وصناعة الورق – تقطير الفحم والقطران و صناعة الكوك – الجلود الصناعية – كيميائيات التصوير الفوتوغرافي - الكيماويات المعملية وغيرها من الصناعات التي تدخل في أي فرع من الفروع السابقة وتطبيقاتها – الكيمياء التخليقية التي تدخل في مجال صناعة الأدوية أو الصناعات الأخرى التي لم يرد ذكرها عاليه أو ما يستحدث في علوم الكيمياء 2- صناعه البطاريات الجافة والسائلة وبطاريات و خلايا الوقود - الطلاء الكهربي بأنواعه المختلفة – استخلاص المعادن بالطرق الكهربائية – صناعات التحليل الكهربي لتحضير العناصر المختلفة مثل الكلور والصوديوم والألمنيوم – تحضير الغازات الصناعية المختلفة – المعالجة الأنودية والتلوين – تنقية المياه وصرف المصانع بالطرق الكيميائية والكهروكيميائية في الأمن الصناعي - تنقية الهواء – تكنولوجيا المساحيق واستخدام العوامل الحفازة – مراقبة و تأكيد الجودة وتطبيق الجودة الشاملة - التعرف على التآكل ومسبباته فى الأجواء المختلفة خاصة فى المنشآت والتجهيزات المعدنية الصناعية والبترولية والبحرية – تحضير مثبطات التآكل واستخدامها فى الصناعات المختلفة مثل الصناعات البترولية والمراجل البخارية والمبادلات الحرارية والصناعات المعدنية مثل صناعات الحديد والصلب بأنواعه المختلفة – السبائك وأنواعها المختلفة وصناعة النحاس والألمنيوم – متابعة سرعة التفاعلات الكيميائية وآلياتها. 3-صناعة الأحماض والقلويات، الأملاح بجميع أنواعها – نواتج تفحيم الخشب وتثبيت النتروجين والصناعات المتعلقة به – الأسمدة الكيميائية بأنواعها المختلفة – مواد الطلاء المعدنية والبويات – صناعة الزجاج والخزف والصيني والحراريات ومواد البناء (اسمنت، جبس .. الخ) – صناعة الحديد والصلب واستخلاص المعادن بالطرق المختلفة – صناعة المطروقات – صناعة السبائك – صناعة الوقود الصلب والسائل والغازي وكذلك صناعة المواد غير العضوية المختلفة التي تدخل تحت أي فرع من الفروع السابقة أو تطبيقاتها – العمليات الكيميائية في الصناعات التي لا تدخل تحت بند الصناعات الكيميائية 4- تحليل الخامات والمواد الأولية والوسيطة والمنتجات النهائية في الصناعات السابق ذكرها – مطابقة مواصفات المنتجات للمواصفات القياسية – التعرف على المكونات الرئيسية للمواد الكيميائية بالطرق التحليلية الكيميائية والفيزيائية المختلفة – تحديد نسب الشوائب والملونات في النواتج الكيميائية الصناعية – تحلية وتحليل المياه ومعالجتها المستخدمة في الصناعة والتعرف على انسبها للعمليات الصناعية التي تدخل فيها – تدوير النفايات الكيميائية – تحليل عينات من الهواء والماء والتربة في البيئة – التحليل الكمي للمواد الغذائية ومواد التلوين والإضافات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية في نطاق المواصفات القياسية المعمول بها – الإسهام في تقدير الجودة للمنتجات الكيميائية المختلفة وتقرير مدي مطابقتها للمواصفات المقررة ومدي مناسبتها للاستخدام في الأغراض المختلفة – متابعة سرعة التفاعلات الكيميائية أو آلياتها عن طريق تحليل النواتج المناسبة أثناء حدوث التفاعل في مفاعلات الإنتاج (تحليل السوائل تحليل الغازات) أو عن طريق اخذ عينات دورية من نفايات الإنتاج – التحليل الكيميائي والبكتريولوجي للمواد الكيميائية والأدوية والمحاليل والبول والدم والمصل وفقا للشروط المتطلبة في القائمين بهذه التحاليل – التحليل الدوري للآثار والمقتنيات الفنية للتعرف على مقدار ما قد يكون قد أصابها من تلف تحت الظروف التي توجد فيها والإسهام في صيانتها وترميمها والمحافظة عليها – تحليل السموم والمخدرات وآثار الجرائم المختلفة وأعمال التزوير والتزييف في نطاق الأدلة الجنائية والنظم القانونية والشرعية. 5- إجراء البحوث ورصد الملوثات المختلفة وقياس نسبها ومقارنتها بالمعايير القياسية المحددة لها ، ووضع المعايير للمكونات المختلفة للهواء والماء والتربة والمخلفات الصناعية ومعالجتها ، وتقدير مدي الأضرار على البيئة المحيطة والكائنات الحية الموجودة بها (إنسان ، حيوان ، نبات) وكذلك الاشتراك في وضع المعايير المشار إليها وتحليلها ومقارنتها بالمعايير القياسية عن طريق التحاليل الكيميائية المشار إليها تحت بند الكيمياء. 2-قسم الكمياء الصناعيه والتطبيقيه (يتم فيه دراسه علي الكميا الصناعيه والتطبيقيه ) الشغل ككميائيين في المصانع السابقه 3-قسم الكيميا الحيويه -قسم الكيمياء الحيويه والطبيه (يتم فيه دراسه الكيما الحيويه وخوصوا الكيما الحيويه والاكلينيكه) تخصص الكمياء الحيويه الاكلينيكه ( السريريه ) وهو علم الكمياء المسئول عن تشخيص الامراض مثل وظائف الجسم المختلفه من كلى وكبد وقلب ودهون ومعادن ودلالات الاورام السرطانيه وبيولوجيا السرطان وكل التحاليل الكيمائيه الموجودة في جسم الانسان الشغل : كميائي طبي اكلينكى(دكتور تحاليل)(اخصائي تحاليل طبيه) تخصص في التحاليل الطبيه وهو العلم الخاص ببيولوجيا السرطان ودلالات الاورام وانزيمات الكبد وانزيمات الكلي وانزيمات القلب والهرمونات واالامراض الخاصه بيهم والتحاليل الخاصه بيهم بالاضافه الي كل التحاليل الكميائيه في كل سوائل الجسم وممكن تتخص في الماجستر في فرع منهم في في السرطان ودلالات الاورام و بيولوجيا السرطان ودلالات الاورام يوجد كشعبه من شعب الكيماء الحيوه في الماجستير والدكتوراه واثناء الماجستير بتنزل مستشفيات وتتعاملي مع مرضي وتسحبي منهم عينات دم او بول او ايا من سوائل الجسم ممكن بعدها تفتح معمل تحاليل طبيه خاص بتحاليل الكميا الاكلينيكه ووممكن تحضر ماجستر ودكتوراه في التحاليل الطبيه في تخصص الكميا الاكلنيكه وممكن تبقي دكتور في في كليات العلوم او الطب سواء المصريه او الاجنبيه 4- قسم الميكروبيولوجي (يدرس بالبكتريا والفطريات والفيروسات والطحالب والمناعه) يدرس الميكروبيولوجى الميكروبيولوجيا الاكلنيكه والميكروبيولوجيا التطبيقيه والعامه فمثلا مجال الميكروبيولوجيا الاكلينكيه الطبيه وهو تخصص اخر في التحاليل الطبيه ودة بيبقي خاص بدراسه الامراض الميكروبيه سواء بكتريه او فطريه او فيروسيه والتحاليل الخاصه بيهم سواء كانت في اي منطقه من الجسم واثناء الماجستير بتنزل المستشفي وتتعامل مع مرضي وتاخد منهم عينات البكتريا والفطريات والفيروسات واحيانا بتبقي رساله الماجستير في مستشفي معينه واحيانا بتلف في كذا مستشفي علي مستوى الجمهوريه عشان تلاقي مريض عنده المرض دة وممكن بعدها تفتح معمل تحاليل طبيه خاص بتحاليل الامراض الميكروبيه وبيبقي اسمه ميكروبيولوجى طبي اكلنيكى ( دكتور تحاليل) (اخصائي تحاليل طبيه) ووممكن تحضر ماجستر ودكتوراه فيها وتدرس في كليات العلوم او الطب سواء المصريه او الاجنبيه وفيه دكاترة تحاليل من كليات العلوم في تخصص الميكروبيولوجيا الطبيه دكاترة في كليات برة في امريكا وفي اوربا بردو ............................................. و مجال الميكروبيولوجيا التطبيقه 1- زى مجال تصنيع الادويه ودى بتشمل انتاج ادويه كتيرة جدا منها المضادات الحيويه والفيتامينات و الادويه الخاصه بالسرطان والادويه الخاصه بالجلطات والادويه الخاصه بالهضم وانتاج اللقاحات والامصال من البكتريا والفطريات المختلفه وممكن منها تشتغل في مصانع الادويه في قسم الميكروبيولوجى وممكن الواحد يربط بين الميكروبيولوجيا الاكلينكه الطبيه بالميكروبيولوجيا التطبيقه يعنى يعمل رساله ماجستير في مرض وعلاجه مثل مرض التنيا وانتاج مضادحيوى ليه 2- زى تنقيه الميه من البكتريا والفطريات ومنها ممكن تشتغل في شركات الميه 3- زى انتاج المواد الحافظه والانزيمات ومنها ممكن تشتغل في شركات الاغذيه 5- قسم البترول والغاز الطبيعى ( قسم خاص) وهو موجود في بعض الكليات مثل القاهرة والاسكندريه وبور سعيد وهو قسم خاص بفلوس بحوالي عشرة الاف جنيه في السنه الراعي للقسم دة اكبر شركات البترول في مصر وفي اوربا ومنها شركه شلمبر والاوائل بيتم تعينهم في شركات البترول المختلفه الشغل : مهندس بترول شركات البترول المختلفه 6- قسم الجيولوجيا وهو قسم يدرس طبقات الارض ويتعرض ايضا لدراسه البترول ويدرس كل ما في اعماق الارض الشغل : جيولوجى في قطاع وزارة البترول وقطاع وزارة الري 7- قسم الجيوفزياء وهو قسم يدرس الاعماق الارض من الناحيه الفزيائيه وهو قسم جديد في كليات العلوم وبيببقي وظيفته في مواقع حقول البترول نفسها في الكشف عن البترول وايضا في الكشف عن المياه الجيوفيه الشغل : جيوفزيائي في شركات البترول المختلفه 8-قسم علوم الحاسب وتكنولوجيا المعلومات وهو قسم يدرس الحاسب بكل فروعه والبرمجه وهو مثل قسم علوم الحاسب في كليه حاسبات ومعلومات وسواء قسم علوم حاسب من كليه علوم او قسم علوم حاسب من كليه حاسبات ومعلومات فهم تابعيين لنقابه العلميين الشغل كمبرمج في شركات الكمبيوتر المختلفه 9- قسم الرياضه والاحصاء وهو قسم يدرس كل ما يتعلق بالرياضيات الشغل اما يشتغل كاحصائي في الشركات المختلفه او كمدرس رياضيات 10-قسم النبات (يدرس كل ما يتعلق بالمملكه النباتيه) ويختص بدراسه كل ما يتعلق بالنبات سواء تقسم او تشلايح او فسيولولوجى او سلوك او مورفولوجى الخ الشغل في مراكز البحوث المختلفه 11-قسم الحيوان(يدرس كل ما يتعلق بالمملكه الحيوانيه وعلي رائسها الانسان) يدرس كل ما يتعلق بالمملكه الحيوانيه وعلي رائسها الانسان فيدرس الفسيولوجى اي علم وظائف الاعضاء والامبريولوجى اي علم الاجنه والهيماتولوجى اي علم امراض الدم والسيريولوجى اي علم المناعه والاناتومى اي علم التشريح والباراسيتولوجى اي علم الطفيليات الشغل : ممكن يشتغل في التحاليل الطبيه اذا حضر دراسات عليا في الطفيليات او في الهيماتولوجى اي امراض الدم وممكن يشتغل في اطفال الانابيب اذا حضر دراسات عليا في علم الاجنه وممكن يشتغل في اي مركز من مراكز البحوث المختلفه 12-قسم الفيزيا ء -قسم الفزياء الالكترونيه -قسم الفزيا الحيويه مش عندى معلومات عنه كافيه لكن للي متاكد منه ان قسم الفزيا الالكترونيه بيشتغل في مصانع الالكترونيات وقسم الفزيا الحيويه الطبيه بيبقي شغله علي الاشعه والاشعاعات واثرها علي الخلايا وقسم الفزيا الاسبيشيل بيبقي شامل كل حاجة عن الفزيا 13 قسم البيوتكنولوجى و يدرس التكنولوجيا الحيويه اي الدى ان ايه وتحاليله وكل ما يتعلق بيه الشغل في معامل التحاليل الكبيرة للي فيها تقنيات تحاليل الدى ان ايه ومراكز البحوث المختلفه 14- قسم الكيميا والميكروبيولوجى وهو قسم يدرس نص مواده كمياء ونص موادة ميكروبيولوجى وله الحق في اخد الصفتيين ككميائي او كميكروبيولوجى 15-قسم الكميا الحيوى والميكروبيولوجى وهو قسم يدرس نص مواده كمياء حيويه ونص موادة ميكروبيولوجى وله الحق في اخد الصفتيين ككميائي حيوى او كميكروبيولوجى 16-قسم الكميا والحيوان نصف مواده كميا ونص موادة علم الحيوان(فسيولوجى -مناعه -هيماتولوجى -امبريولوجى-تشريح-تقسيم) 17-قسم الكيما والنبات نصف موادة كميا ونصف موادة علم النبات
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
#4
24-07-2010, 12:16 PM
|
|||
|
|||
|
شكرا على هذه المعلومات القيمة دكتور احمد
طيب لو سمحت سؤال هل دبلومة التحاليل بعد ما الواحد يتخرج من علوم دى كويسة ولا لاء وياترى دبلومة الميكرو احسن ولا البيو كيميسترى لو سمحت ممكن تفيدنى ارجوك انا فى كلية علوم قسم ميكرو وكيمياء لسة متخرج جديد
|
|
#5
24-07-2010, 01:33 PM
|
|||
|
|||
|
اقتباس:
طبعا كويسه ومفيده جدا وبالنسبه للدبلومات التحاليل دبلومه البيوكمستري اقوى وكمان وبعدها تقدم في وزارة الصحة عشان تاخد ترخيص اخصائي تحاليل طبيه (كميائي طبي) وكدة تفتح معمل تحاليل خاص بالكمياء الحيويه الطبيه فقط ولو عوزت تفتح معمل ميكروبيولوجى تاخد دبلومه ميكروبيولوجى ها تقدم في وزارة الصحة عشان تاخد ترخيص اخصائي تحاليل طبيه (ميكروبيولوجى ) وكدة تفتح معمل تحاليل خاص بالميكروبيولوجى وعشان تفتح معمل تحاليل فيه الكمياء الحيوي والميكروبيولوجى عليك انك تاخد دبلومه في الكمياء الحيوى ودبلومه في الميكروبيولوجى او دبلومه في الكمياء الحيوى وماجستير في الميكروبيولوجى او دبلومه في الميكروبيولوجى وماجستير في الكمياء الحيوى
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
#7
24-07-2010, 03:39 PM
|
|||
|
|||
|
اقتباس:
وكذالك لو حد قسم كمياء حيوى لازم ياخد دبلومه كمياء حيوى
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
#8
24-07-2010, 11:06 PM
|
|||
|
|||
|
اي تخصص منهم هو تخصص في التحاليل الطبيه
هناك اربع انواع من معامل التحاليل 1-معمل تحاليل كمياحيوي 2-معمل تحاليل ميكروبيولوجى 3-معمل تحايلل باثولوجى اكلينيكى 4-معمل تحاليل باثولوجى وهناك اربع اشخاص يحصلون علي درجه اخصائي تحاليل طبيه 1- الكيمائي الطبي يعنى قسم كيميا او قسم كمياحيوى وتاخد دبلومه كمياحيوى او ماجستير كيماحيوى او دكتوراه كمياحيوى 2-الميكروبيولوجى هنا للاسف القانون يقولك لازم تكون معاك كيميا في البكالوريوس يعنى لازم تكون قسم مزدوج وافضل قسمين هم و قسم كميا وميكروبيولوجى او قسم كيمياحوى وميكروبيولوجى ويعدها تفتح تاخد دبلومه او ماجستير او دكتوراه في الميكروبيولوجى وتفتح معمل ميكروبيولوجى 3-الباثولوجي الاكلينيكى وهو لخريج طب وهنا تكمن المشكله خريج طب لايدرس الكميا الحيوى ولا الميكروبيولوجى ولا اي من هذة المواد ففقط درس في سنه اولي بيدرس مادة واحدة في الكمياالحيوى وفي سنه تالته بيدرس مادة واحدة ميكروبيولوجى دة طوال دراسته في السبع سنين في كليه طب ليه مش بيدرس كدة لان كليه الطب مش من مهامها انها تدرس العلوم الاساسيه للي هى الكميا والكمياالحيوى الخ ولكن يوجد عندهم ماجستير اكلينكال باثولوجى الاكلينكال باثولوجى هو تلات علوم وهم الكمياالحيوى والميكروبيولوجى والهيماتولوجى خريج طب بيدرسهم سنه واحدة شامله زى تمهيدى الماجستير عندنا وبعد السنه دى يحضر رساله الماجستير في اي فرع فيهم ويفتح معمل فيه التلات تخصصات ودة ظلم لينا لان احنا في كليه علوم عندنا التلات تخصصات بعد دراسه شامله ليهم في مرحله البكالوريوس لان احنا عندنا سنه اولي وسنه تانيه بنبقي بيولوجى عام وبناخد فيهم كل المواد وبعدها نتخصص في حاجة او حاجتيين زى قسم الكمياحيوى وميكروبيولوجى ودة قسم هجين مابين قسميين بيدرس نص مواد كيماحيوى ونص موادة ميكروبيولوجى بعد دراسه شامله للبيولوجى وكل العلوم المتعلقه بالتحاليل 4- الباثولوجيست ودة اما خريج طب او علوم ولكن التخصص دة نادر اما تلاقيه في كليات العلوم لكن فيه خريجيين كليه علوم معاهم ماجستير ودكتوراه في هذا التخصص والباثولوجى هو خاص بتحاليل الانسجة وبياخد جزء من النسيج ويحلله .................................................. .............. طبعا عايزة تبقي بروفيسور في التحاليل ادخل قسم مزدوج خصوصا قسم الكميا والميكروبيولوجى او الكميا الحيوى والميكروبيولوجى واعمل دبلومه مثلا في الكميا الحيوى يبقي اخدت الفه الاولي وهى انك ااخصائي تحاليل طبيه( كميائي طبي ) واعمل ماجستير في الميكروبيولوجى وتبقي اخصائي تحاليل(ميكروبيولوجى) او تعمل العكس وانا عن نفسي بكالوريوس كيميا وميكروبيولوجى دبلومه دراسات عليا في الكمياالحيوى وحاليا بعمل ماجستير في الميكروبيولوجى ممكن تاخد دبلومه هيماتولوجى لكن وزارة الصحة والقانون المتخلف للي من سنه 54 هيقف ادامك يعنى للي معاه دكتوراه في الهيماتولوجى من كليه علوم مش من حقه يفتح معمل تحاليل هيماتولوجى ههههههههههه بياخدها للتسليه للي بيدرس الهيماتولوجى من كليه علوم في مصر بيدرسه للعلم لان وزارة الصحة شايفه ان لو خلو من علوم يفتح معمل هيماتولوجى هيبقي فيه ناس متخصصه في كل فروع التحالييل هتلاقي معمل تحاليل ميكروبيولوجى وفيه واحد متخصص ميكروبيولوجى وهتلاقي معمل تحاليل كمياحيوى وفيه واحد متخصص في الكمياالحيوى وهتلاقي معمل تحاليل هيماتولوجى وفيه واحد متخصص في الهياتولوجى هيبقي عندك تلات متخصصين في التحاليل وكل واحد فيهم متخصص في فرع ولا عزاء لخريج طب ساعتها للي خريج طب هيبقي عنده مشكله لانه بيدرسهم كلهم بشكل عام في سنه واحدة فقط بشكل عرضي اما احنا متخصصين فبندرس بشكل طولي وبالتالي وزارة الصحة شايفه ان لو خلو للي معاه دكتوراه هيماتولوجى يفتح معمل هيماتولوجى خريج كليه علوم هيقعد خريج كليه طب في بيته من الصبح وطبعا وزارة الصحة تتواطئ لصالح خريجى طب يعنى علي كدة للي معاه دكتوراه في الهيماتولوجى من كليه علوم بياخدها للتسليه فقط
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
#9
24-07-2010, 11:36 PM
|
|||
|
|||
|
والميكروبيولوجيا التطبيقيه غير الميكروبيولوجيا الطبيه
الميكروبيولوجيا التطبيقه يعنى استخدام البكتريا نفسها في الصناعه او انتاج مواد من البكتريا واستخدامها في الصناعه سواء كانت ادويه او اغذيه او مياه مثال للميكروبيولوجيا التطبيقيه  الدكتورة ايمان كانت شغاله علي انها تعمل دوا للسرطان والاورام من الفطريات عن طريق استخراج بعض المواد الكيماويه من الفطريات وتجربتها علي السرطانات والاورام المختلفه
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
#10
24-07-2010, 11:55 PM
|
|||
|
|||
|
اما الكمياء الحيويه الاكلنكيه فهو علم الكمياء المسئول عن تشحيص الامراض سواء كان كلي او كبد او قلب او سرطان واورام
وهو تخصص اخر في التحاليل الطبيه وهو العلم الخاص ببيولوجيا السرطان ودلالات الاورام وانزيمات الكبد وانزيمات الكلي وانزيمات القلب والهرمونات واالامراض الخاصه بيهم والتحاليل الخاصه بيهم بالاضافه الي كل التحاليل الكميائيه في كل سوائل الجسم وممكن تتخص في الماجستر في فرع منهم في في السرطان ودلالات الاورام و بيولوجيا السرطان ودلالات الاورام يوجد كشعبه من شعب الكيماء الحيويه في الماجستير والدكتوراه مثال للكميا ءالاكلنيكه  ..الدكتور سمير المصري وكان شغال علي تشخيص سرطان المثانه عن طريق الكشف عن بعض دلالات الاورام السرطانيه
__________________
Dr ahmed chemist and microbiologist and clinical analysis specialist Bsc of chemistry and microbiology post graduated diploma of clinical biochemistry Niow in Msc of clinical microbiology ICDl , TOEFL. intermediate English , interpersonal ,communication skills , time management , chromatographic analysis courses
|
|
#12
29-08-2010, 01:10 AM
|
|||
|
|||
|
السلام عليكم
الموضوع ده بجد مفييييد جداااا متشكره لحضرتك جدااا بس كنت عايزه اسأل حضرتك سؤال انا طالبه في كليه العلوم جامعه الاسكندريه ميجور كيمياء ورايحه تالته بإذن الله ودلوقتي اختيار المينور رأي حضرتك اخد مينور ميكرو ولا كيمياء حيوي؟؟ وشكرا
|
|
#13
31-08-2010, 06:14 AM
|
|||
|
|||
|
اقتباس:
|
|
#14
02-09-2010, 09:05 PM
|
|||
|
|||
|
متشكره جدااا لحضرتك
جزاك الله خيرا
|
|
#15
04-09-2010, 06:07 PM
|
||||
|
||||
|
بس اخصائى تحاليل تقريبا لازم يكون كان علمى علوم فى ثانوى خلو بالكووو
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:10 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
