على كل طلاب علمى رياضة الدخول

[khaledzeama]

انا رايح تالته ثانوى علمى رياضه وفى سؤال مش لاقى ليه اجابه
السؤال!!!!!!!!!!!!!!!!!!!!!!!!!!!!!!!!!!!
ليه كل بتوع علمى رياضه نفسهم يخشوا بترول مع ان ممكن يكون اى مهندس عادى احسن من بتاع البترول ياريت كل واحد يقول ليه وبصراحه

[نقاء الروح]

المشاركة الأصلية كتبت بواسطة khaledzeama

انا رايح تالته ثانوى علمى رياضه وفى سؤال مش لاقى ليه اجابه
السؤال!!!!!!!!!!!!!!!!!!!!!!!!!!!!!!!!!!!
ليه كل بتوع علمى رياضه نفسهم يخشوا بترول مع ان ممكن يكون اى مهندس عادى احسن من بتاع البترول ياريت كل واحد يقول ليه وبصراحه

اسمحلي ارد عليك مع اني علوم مش رياضة ..

لكن من واقع خبرتي مع اخواني ال هم الحمدلله فيها ..

اولا الكلية فرص العمل فيها كويسة جدا و في الخارج افضل و افضل ..

و فيها قسم جميل جدا وهو اعلى قسم فيها و هو استخراج البترول
ده اعلى قسم فيها
بيليه تكرير ..

و ده الخريجين بعد التخرج فيقدروا يتقدمو للشركات سواء داخل مصر او خارجها ..
يعني الفرص متاحة ادام المهندس ..

و الكل بيشكر فالكلية جدا ..

وبيكفي انها بتأخد مجموع اعلى من طب
فالسنين العادية طبعا ..

اتمنى اكون افدتك ..

و بالتوفيق ..

[simsim_sad]

أنا كمان يا جماعة كنت عايز أعرف شوية حاجات عنها

طبعاً بلدنا كلها كوسة في كل المجالات .. لكن أنا سمعت إن الشغل بعد التخرج منها بيكون صعب جداً وبيحتاج وسايط جامدة أوي

وكمان سمعت إن الكلية دي كانت زمان كويس وليها فرص كويس، أما الحال دلوقتي فمش أوي

لو حد يعرف حاجة يبقى كويس

[Mostafa Gabriel]

صدقني اللي بيخش بترول بيخشها عشان مجموعه كبير

اما بالنسبه لفرص العمل ففي اقسام في هندسه احسن مليون مره من البترول زي هندسه الطيران او الهندسه الطبيه دول بجد شغلهم اعلي بكتير اوي من البترول

[البرهان الرياضى]

اعتصم صباح اليوم، الخميس، 10 من خريجى كلية هندسة البترول لعام 2007/2008، و2008/2009 أمام مبنى مركز المعلومات بوزارة البترول بالحى السابع لمطالبة الوزير سامح فهمى بإيجاد فرص عمل لهم.

قال محمد محمود أحد المعتصمين لليوم السابع إنهم لجأوا للاعتصام بعد عامين من طرق أبواب الكثير من شركات البترول، بالإضافة إلى التقدم بالعديد من الشكاوى والطلبات لوزارة البترول لتوفير فرص عمل لهم فى مجال تخصصهم دون استجابة.

وقال محمد، إن خريجى الكلية لا يتعدون الـ250 خريجاً كل عام، فكيف تعجز الوزارة عن تعينهم، على الرغم من العديد من الاستثمارات البترولية التى تشدها مصر الفترة الحالية؟ مؤكداً استمرار اعتصامهم لحين الاستجابة لمطالبهم.

***************

[البرهان الرياضى]

وده رابط الخبر من اليوم السابع
http://www.youm7.com//News.asp?NewsID=256876

[simsim_sad]

المشاركة الأصلية كتبت بواسطة البرهان الرياضى

اعتصم صباح اليوم، الخميس، 10 من خريجى كلية هندسة البترول لعام 2007/2008، و2008/2009 أمام مبنى مركز المعلومات بوزارة البترول بالحى السابع لمطالبة الوزير سامح فهمى بإيجاد فرص عمل لهم.

قال محمد محمود أحد المعتصمين لليوم السابع إنهم لجأوا للاعتصام بعد عامين من طرق أبواب الكثير من شركات البترول، بالإضافة إلى التقدم بالعديد من الشكاوى والطلبات لوزارة البترول لتوفير فرص عمل لهم فى مجال تخصصهم دون استجابة.

وقال محمد، إن خريجى الكلية لا يتعدون الـ250 خريجاً كل عام، فكيف تعجز الوزارة عن تعينهم، على الرغم من العديد من الاستثمارات البترولية التى تشدها مصر الفترة الحالية؟ مؤكداً استمرار اعتصامهم لحين الاستجابة لمطالبهم.

***************

ده شيء طبيعي في كل مجالات الهندسة .. نحن في مصر يا جماعة

كل الموضوع إن الناس واخدة فكرة مبالغ فيها عن كلية هندسة البترول والتعدين بالسويس وبعدين بيتصدم بالواقع .. الكل فاكر إنه لما هيتخرج على طول هيلاقي فوراً الوظيفة السقع "أم 3 أو 4 آلاف جنية" .. بس الحكاية مش كده خالص الكلية دي زي غيرها من كليات الهندسة قي مصر محتاجة صبر في أول الطريق .. وإنها مش مفروشة بالورد

[khaledzeama]

شكرااااااااااااااا لكم على الردود جميعا

[ahmed gaber elsayed]

المشاركة الأصلية كتبت بواسطة mostafa gabriel

صدقني اللي بيخش بترول بيخشها عشان مجموعه كبير

اما بالنسبه لفرص العمل ففي اقسام في هندسه احسن مليون مره من البترول زي هندسه الطيران او الهندسه الطبيه دول بجد شغلهم اعلي بكتير اوي من البترول

الكلام ده صح ودلوقت الهندسة العادية احسن

[ahmed gaber elsayed]

صح واللهي احنا في مصر

[منة الله بلات]

مش كل بتوع علمى رياضة وكمان ممكن الاكتر هندسة عادية زى انا كدة

وربنا يوفقنا جميعا