طالب ثانوى محتار مش عارف يحول أدبى ولا يكمل علمى رياضة أرجو الافادة

[ahmedshrkawy]

أنا طالب فى سنة 2 ثانوى ورايح 3 السنة الجاية وجبت فى 2 مجموع 88.2 % عايز أعرف بقى من حضرتكم ينفع أكمل علمى رياضة ولا أحول ادبى وهل عندى أمل أنى أنا أخش هندسة أو حاسبات ومعلومات ولو ينفع قولولى أجيب كام علشان أخش واحدة فيهم أرجو الافادة من العضاء المحترمين

[حبيبة الرسول]

السلام عليكم
بص حضرتك انا من رايي ان حضرتك تكمل علمي رياضة زي ما انت لان بيقولو ان هندسة السنة الجاية هتاخد من 90 او اقل وحضرتك المفروض يعني تجيب السنة الجاية فى حدود 91 وان شاء الله ربنا يوفقك
وطبعا ده مجرد راي وحضرتك اللي شايفه طبعا اعمله

[max20051234]

بص لو حضرتك بتحب الرياضة

[max20051234]

لو حضرتك بتحب الرياضة عتجيب فى تالتة مجموع كبير عشان كده كمل رياضة

[حسن213]

حــــــــــــــــــــــــــــــــول ادبي وريح اعصابك

[lolo cat]

انا رايحة 2 ثانوى بس ابن عمى جايب86 وهيكمل علشان يدخل هندسة

[Eng . ABoOoOoD]

المشاركة الأصلية كتبت بواسطة حسن213

حــــــــــــــــــــــــــــــــول ادبي وريح اعصابك

نصيحة اخوية من اخوك اللي بيحبك : اسمع كلام الاخ الفاضل دة
لانه اكيد عاوز مصلحتك وانا اكتر واحد ممكن تساله
ارجو انك تكون فهمت الرسالة

[فطيــمه]

لا ان شاء الله كمل ريااضه بس اتجدعن وشد حيلك
وانا كمان معاك فى 2 ثاثنوى بس جبت 93.3 بس ان شاء هحول ريااضه وعلى فكره
ليا واحده صحبتى جابت 86 وهتكمل برده عادى وازدات حماس اكتر انها تجيب 100% فى سنه 3
وربنا يوفقنا جميعاااا واعرف ان ربنا مش بيعمل اى حاجه وحشه
واهو نبقى اصحاب ودفعه واحده ...
بالتوفيق ان شاء الله يا بشمهندس مقدمااا

[KeMoZzAzZ]

انا مش عايز احبطك يعنى ولا حاجه بس عندهم حق وانت متعرفش ربنا كاتبلك الخير فين
بس لو انت ضامن ان لو هندسة حكومة فلتت منك انك هتخش خاص فماشى تقدر تاخد المخاطره غير كده بلاش
يأما لو تجارة انجلش او خارجية او عادية حتى داخله دماغك فربنا يوفقك
انا بديك اوبشنز وانت ربنا يوفقك للى فيه الخير

[ahmedshrkawy]

المشاركة الأصلية كتبت بواسطة lolo cat

انا رايحة 2 ثانوى بس ابن عمى جايب86 وهيكمل علشان يدخل هندسة

ممكن أعرف أبن عمك دا فى مدرسة أيه واتعرف عليكى

[بارا طولوين]

هتكمل بإذن الله علمي رياضه

وعشان تكون عارف رياضه ٢ مش سهله بس مع الحل الكتيير والتدريب هتكون مطمن من ناحيتها

انا بدأت الرياضه بس حاليا

وربنا يوفقنا جميعا

[صابر عزت عبد الحميد]

انا جايبه 85.5 وعايزه اعرف ينفع اكمل علمى رياضه بس انا مش بحب الرياضه اوى بس كويسه فيها انا نفسى ادخل حاسبات ومعلومات وعندى فرص للعمل بالخارج ارجو الافاده

[الوردة البيضاء]

انا طالبة داخلة 3 ث جبت 86 هل ممكن اكمل علمى رياضة وهل لو كملت وشديت حيلى ادخل هندسة او حاسبات او حتى علوم ولكن انا حزينة لانى حاسة انى فرصتى فى هندسة ضعيفة جدا لانها كانت حلمى من وانا فى ابتدائى ارجوكم ساعدونى بسرعة جدا

[ahmedshrkawy]

المشاركة الأصلية كتبت بواسطة الوردة البيضاء

انا طالبة داخلة 3 ث جبت 86 هل ممكن اكمل علمى رياضة وهل لو كملت وشديت حيلى ادخل هندسة او حاسبات او حتى علوم ولكن انا حزينة لانى حاسة انى فرصتى فى هندسة ضعيفة جدا لانها كانت حلمى من وانا فى ابتدائى ارجوكم ساعدونى بسرعة جدا

الحال من بعضه أنا فى نفس الحيرة بتاعتك دى برده:m ad:

[ريوان احمد]

انا كمان جايبة 89%وحكمل ان شاء الله رياضة
لانى بحبها
وعايزة اقولكم على حاجة اكيد احنا اخطانا فى مذاكرتنا ولو شوية اهم حاجة اننا مني
أسش ونعرف الصح فين
ونجازف
ونقول لنفسنا الى احنا عايزينه حنوصله حتى ولو حاجة وقفت قصدنا
وبالتوفيق للجميع ان شاء الله