محتارة بجد.......

[dinalovespink]

انا محتارة اوى ومش عارفة اعمل ايه اكمل علمى علوم ولا احول ادبى انا 83% وبجد مش عارفة بس انا عايزة اخش اداب انجلش او تجارة انجلش وفى مشكلة انى مش بحب التاريخ ومش بعرف احفظه اعمل ايه بقهوخايفة بعد كل دة مخشش انجلش انا بجد مش عارفه بقىىىىىىىىى

[ZIKA*STAR]

والله هقوللك

بس قوليلي اداب انجلش بتاخد من كام وكذلك تجارة انجلش

وان شاء الله اقوللك المفيد

[وجدان حنفي]

شوفي يا بنت الناس

انا اللي لعرفه ان معظم كليات ادبي بنفع ندخلهت من علمي وبمجموع اقل بكتيييييييييييييييير

فما عليك الا ان تسألي عن الكليات المشتركة بين علمي وأدبي وعالاساس هحدد

[dinalovespink]

والله انا مش عارفة الكليات بتاخد من كام بس كان ليا واحد قريبى كان ادبى وجاب 80 % ودخل تجارة مش عارفة بقى لو من علمى

[Mr Mostafa Goda]

ازيك يا دينا كملى فى ادبى احسن كتير وده رايى الشخصى لان علمى هيكون صعب عليكى فيزياء واحياء او رياضة معقدة
ثانيا المجموع اللى هتجيبيه مشهيدخلك اى حاجة وربنا يوفقك

[medoha3]

أنا هقول الكلام اللى على أساسه تختارى . أولا : تشوفى انتى بتفضلى الرياضه ولا التاريخ وتحددى نسبه لكل ماده لأنى مش عارف الدرجه بتاعتك فى الرياضه مع مراعاه الفرق بين رياضه 1 ورياضه 2 . وربنا يوفقك .

[dinalovespink]

انا لو كملت هكمل علمى علوم مش رياضة

[medoha3]

طيب انتى بتحبى الفيزياء والأحياء بنسبه عاليه ولا التاريخ والفلسفه ؟ وبعدين انتى لازم تقررى وتحددى اختيارك .