طلاب ثانية ثانوي يصرخون من العربي

[benha]

اشتكي طلاب الصف الثاني الثانوي أمس من صعوبة أسئلة الأدب والنحو في اللغة العربية.. وأكدوا ان الجزئية الخاصة بأسباب ازدهار النثر في العصر العباسي الثاني غير مقررة ولم يتضمنها الكتاب المدرسي.
قال الدكتور مصطفي عبدالسميع المشرف العام علي الامتحانات ان الشكوي وهمية مشيرا الي أن الاجابة موجودة بالنص في الكتاب المدرسي.
وأكد ان تصحيح عينات كراسات الاجابة لطلاب المرحلتين الذي يبدأ غداً الثلاثاء هو الفيصل في تحديد صحة الشكوي وأنه بناء علي نتيجة العينات سيتم اتخاذ القرار النهائي في الجزئيات المشكو منها.
وأضاف أن التصحيح سيتم وفقا لنموذج اجابة يتضمن أكثر من طريقة أو اسلوب للحل في المواد التي تحتمل ذلك.
يتفقد الدكتور يسري الجمل وزير التربية والتعليم غدا عمليات التصحيح وتقدير الدرجات التي تتم لأول مرة داخل مدينة مبارك للتعليم.

هذه من جريده الجمهوريه

[islamkoko]

حرام عليك يا عم الحاج
طلاب تانية ثانوى طالعين فرحانين من الامتحان اووووووووووى اوى
ومش فى اى جزئية صعبة فى الامتحان
الامتحان من داخل كتاب المدرسة
تحياتى لك على موضوعك
بس ابقى اتأكد الاول

[nido]

فعلا هو امتحان كلو كان سهل بس جزئيات فى الادب صعبه وان كانت الاجابات بتاعت الجزئيه دى كتيرة فى ناس قالو ان اجابات ازدهار الادب بسبب اختلاص العرب بالاترك زى انا مثلا وفى ناس قالو ان
أسباب نهضة النثر في العصر العباسي الثاني :
1- اتصال العرب بغيرهم من الشعوب والحضارات
2- اتساع ثقافة العرب نتيجة الامتزاج بالثقافات الأخرى
3- وصول الترك والفرس إلى ارقي المناصب
4- تعصب أصحاب الثقافات الأخرى لبلادهم الأصلية 5- ازدياد حركة الترجمة من والى العربي
6- النهضة العقلية التي وصلت إليها العقلية العربية
و الاجابات كتيرة ومفيش حد اكد اما فى النحو فعلن فى حاجات صعبه اوى

[*pretty*]

خلاص يا جماعة بقى ماتحطوش ف دماغكم ركزوا ف اللى جاى ربنا معاكم و معانا ان شاء الله

[محبة الله]

اللى فيه الخير يقدموا ربنا
هناخد اكتر من نصيبنا؟

[bassam_h]

لا لا لا يصرخون ايه ؟؟ الجمهوريه لازم تبالغ فى كل حاجه . الامتحان جميل جدا جدا و مفيش فيه اى حاجه الا النقطه بتاعت العصر العباسى الثانى و لو فكرت شويه هتجيبها و كمان المدرسين قالوا ان اجابات كتير هتتحسب صح و النقطه بتاعت النعت شبه جمله و انا شايف ان من حق واضع الامتحان انه يسأل عليها و كمان كانت واضحه فى القطعه و مكنتش صعبه

[CrazY Bo$S]

إمتحانات سهلة ----------------- تنسيق مولع

[pilot_captin]

الهندسة السنة دى 97 % .....الطب 100 % ......ههههههههههههههههه

[bassam_h]

انتوا بتقولوا كده و لسه ممتحناش الا العربى طب استنوا شويه اما نشوف المواد اللى جايه هتكون عامله ازاى جايز تكون نار

[Mr DiDo]

ربنا يسهل للجميع فى جميع المواد
ان شاء الله الامتحانات تعدى على خير للكل
تحياتى

[Alexander.plus]

ياعم دول بتوع تانيه طالعين يزغرتوا

انما امتحاننا احنا بقى يالهوي

طالعين نضحك من كتر الحزن

شر البلية ما يضحك

ادي اول خاذوق في الامتحانات

[أميرةحسن]

امتحان ثالثه اسهل بكتير من امتحان تانية

[nido]

طبعا كل حيقول امتحانات هى الاصعب بس بجد فى امتحانتنا بتاعت تانيه ثانوى كلو غلط فى النحو امال انا اعمل ايه الى نسيت اكتب افكار التعبير

[benha]

ياجماعه انتوا زعلانين ليه انا بقولكم الى فى الجمهوريه لكن انا الحمد الله حليت كويس وربنا يسهلها انا بيدكوا الاخبار بس