أرجو الافادة

[الطالب المجهووول]

السلام عليكم ورحمة الله..
دلوقتي انا مظلوم في حوالي 15-30 درجة ما اعرفش الدرجات دي راحت فين.. انا في سنة تالتة وكنت داخل علمي رياضة.. والمادة الادبية كانت علم نفس..
درجاتي كالتالي:
عربي 24
انجليزي 22
رياضيات 40
علم نفس واجتماع 38.5
فيزياء 20

انا تقريبا ناقص في العربي و الانجليزي درجتين في كل واحدة فيهم و انا كنت متاكد اني هجيب 24 من 25 في الانجليزي ... دا غير علم النفس اللي انا حليت الامتحان من اوله لاخره ومتاكد من 95% من اجاباتي دا اذا ما كانش كلهم وفي الخر اخد 38.5 .. والفيزياء انا حالل الخمس اسئلة بس سايب جزئية في كل سؤال من الخمسة وما كنتش اتوقع اجيب فوق الاربعين بالكتير 30-35 بس ان هم يدوني اقل درجة و هي درجة النجاح انا خلاص قربت اتجنن وما بقيتش عارف افول لاهلي ايه وقعدت اقولهم دي مش درجاتي.. انا حاسس اني مظلوم بجد زيي زي ناس كتير.. وقعدت اندب حظي اني دخلت في سنة الفراغ دي.. انا عايز اعرف انا عملت ايه عشان يحصل فيه دا.. ومين السبب.. لاني بجد بقيت بفكر زي كل الناس اللي بتقول هما عملوا كده عشان خاطر الكليات الخاصة وملهاش سبب تانيواحنا كده في الاخر اتاكلنا اونطة

انا قدمت تظلم في الفيزياء وعلم النفس مع اني عارف ان انا مش هاخد لا حق ولا باطل. بس عشان بالي يرتاح واشوف اللي انا حليته بنفسي وايه اللي هما غلطوني فيه.. وما قداميش غير اني اقول حسبي االه ونعم الوكيل فيهم وفي اللي بيعملوه في الناس..

[الأستاذة أم شاهندة]

لا طبعاً ليس السبب فى نزول الدجات موضوع الكليات الخاصة
لأن دخولها ليس إجبارى
ممكن كتير يدخلوا معاهد ومنها تانى لكليات من غير كليات خاصة
إحنا شعب بحب ندور على شماعة للخطأ
لما الوزير قال إن فيه مواد مش صعبة وإن الإنجليزى مش كارثة
الكل قال بيدارى على الخطأ
ممكن أعرف لو كان فعلا كارثة الناس اللى جاوبت دى جاوبنت منين
والناس اللى جابت فيه الدرجات النهائية جيتها إزاى ؟
ومتقلوش مدارس خاصة أو لغات
أنا شفت درجات طلبة فى محافظات أرياف وحاصلة على الدرجة النهائية
كويس إنك عملت إعادة تصحيح عشان نشوف درجاتك راحت فين
ربنا معاك وإن شاء الله يرجع لك حقك
وابقى طمنا