هو طلاب الثانوية بتوع المنتدى دة فى مصر و لا فى بلد تانية مش فاهم حاجة

[أحمد الزنارى]

اية يا جماعة دة
كل ما ابص على حد
الاقية جايب 97 و 98 و 99
و تلاقى واحد زعلان انو جاب 95 و بيقول انو اتظلم و عايز يعمل تظلم
امال اللى انا شايفة دة اية
دانا اعلى واحد فى صحابى وجايب 91.2 و كنت فرحان جدا
كل اللى اعرفهم فى التمانينات و السبعينات و الستينات و كمان فى ناس من اصحابى فى الخمسينات و ناس ساقطة كمان فى المجموع
انا لما شفت مجاميع اللى اعرفهم اتبسط جدا
لكن لما شفت المجاميع اللى موجود فى المنتدى جالى احباط
و و مش فاهم المجاميع قليلة و لا كبيرة
و التنسيق هيقل و لا هيعلى
و لا اية الحكاية دى
فهمونا يا ناس عشان انا قربت اتجنن

[mo7mag]

ولا انا كمان مش فاهم

[msh-tlba]

للاسف المجاميع هتعلي


انا اقل واحد في مدرستي تقريبا

و جايب
97%

199/205

في عندنا كل الدرجات الممكنة لحد

204/205

تخيلوا انتوا بئا انا متعقد اد اية !!!!!!!!!!!!!!!!!!!!!!!!

[мι∂σ мαησ]

انا عندى في السويس مفيش غير اتنين جايبين 203 والباقي اقل من كده بكتير يعنى في محافظات قليل ومحافظات كتير ومحافظات ساقطين هههههههههههههه والله مالهاش لزمه الثانويه دى نقعد في بيوتناا رحم

[мι∂σ мαησ]

اصلا انا جايب 203 وصاحبي 203 لكن كل اللى باقين يعنى اعلى حد 201 ده كان في ناس طالعين من اوائل السويس في الشهاده الاعداديه معايا ووقعو خالص في الدرجات

[أحمد الزنارى]

والله مالهاش لزمه الثانويه دى نقعد في بيوتناا رحم

انا هتجوز و اقعد فى البيت
على راى عادل امام
هههههههههههههه
بفكر اتفرج على مدرسة المشاغبين عشان محسش اننى لوحدى الفاشل

[eng.midosaid]

فعلا والله انتوا دفعة غريبة لكن الظاهر فعلا انها محافظات محافظات

[محمد الزمالكاوى]

كلوا اللى اعرفهم واللى معرفهمش اقل من الثمانين الحمد لله

[الكــــــــــــــابوس]

كل ده كلام فاضى هما اتنين او تلاتة فعلا جابوا الدرجات دى ولكن كله بقى عبقرى واحنا مكناش بنذاكر وبننتحر ؟؟؟؟؟؟؟؟؟؟؟؟؟؟؟؟؟؟ وفى الاخر مفيش نتيجة خالص اللى بياخد درس مع الناس المستشارين الخبرة هو اللى بيعدى ال 95

[أحمد الزنارى]

انا اتجننت اكتر
كل دى مجاميع عالية
امال احنا مادرستنا فاشلة كدة لية
دا انا شوفت ارقام الجلوس بتاعة مدرستنا بالترتيب
تلاتة ساقطين ادامهم واحد ناجح
ملحوظة ( اللى شايل مادة بقول علية ساقط )

[احمد زه]

انا مش فاهم حاجه
كل ما اكلم حد يقولى انا اعرف واحد جايب 99% كأن البلد كلها جايبه 99
و الناس الى جايبه فوق التسعين و مش عاجبها دول ايه مش فاهم ؟؟ :s

[محدش له دعوه]

والله انا قلقت جدا كده التنسيق هيعلي والله بجد كتير جايبين فوق 95
انا الاولي عللى مدرستي وجايبه 98.5 ورقم جلوسي1477496

[الشارد الشديد]

يا عم انا جايب 94 وكل مدرستنا ما بين 60الي93الاغلبية ومفيش عير عشرة بس فوق كدا

[noooura]

انا هاقول رأيى

احنا ملناش دعوه بغيرنا كل واحد يخلى ف حاله و مجموعنا وحش او حلو نقول الحمد لله
العبره مش بالمجموع العالى
ممكن اللى جايب مجموع عالى زى 99 يدخل الجامعه و و ياخدوا السنه ف سنتين و اللى جايب مجموع عادى زى 70 و 80 تلاقى و الله يعدى الكليه بسرعه و ده عن تجربه مع اشخاص كتير اعرفهم

انا جبت 93 مرحله اولى و ها اكمل علمى علوم لان ده هدفى من الاول

و بالنسبه مدرستى كتير جدا شايل و ساقط احيانا و فى برضه ناس فوق ال 95 كتير

بلاش نبص لغيرنا و بعدين انا بحس ان المجاميع العاليا ف المنتدى معظمها تظاهر و خلاص

و ربنا يوفقنا و الف مبروك للجميع و احنا احسن من غيرنا

[saraaaaaaa]

على فكره المجاميع لكل الطلبه مش كده بس في كل مدرسه فى مجموع متميزه جايبه مجميع عليه هى دى الناس اللى بنشوفها هتلقوهم كل واحد من مدرسه وده طبيعى جدااااااااااا