اسألكم الدعاء

[manmo]

انا من ساعه ماعرفت النتيجه وانا مش عارفه مالى اكنى فى غيبوبه
وفى دوامه من ساعتها انا داخله البيت الساعه 7 الصبح من الساعه 11 الضهر امبارح
من دكتور لدكتور ومن مستشفى لمستشفى ومحدش عارف يشخص حالتى ولاقادرين يقولوا انا مالى
كل اللى اعرفه انى اكاد اكون ميته لابتكلم مع حد ولا طايقه اسمع صوت فى ودنى
انا جبت 89.5 بس اعمل ايه انا والله تعبت وكل اللى حواليا قالولى انتى عملتى اللى عليكى
وده توفيق من ربنا
بس انا تعباااااااااااااانه
احساس وحش اوى انك تكون عايز تصرخ بعلو صوتك وحاسس ان فى حاجه ماسكه لسانك



ادعولى شكلى مش هقدر اكمل لتالته


يااااااااااااارب انت اللى عالم بحالى وانت اللى عالم انا تعبت اد ايه


يااااااااااااااااااااااااااااااااااااااااااااااااا اااااااااااااااااااااررب ريحنى
ياتنسينى ياتخدنى

[الأستاذة أم شاهندة]

يا بنتى حرام عليك
ارضى بأمر الله
قومى اتوضى وصلى وحاولى تنامى
إن شاء الله ربنا يوفقك
وأمامك مرحلة تانية
ولا تخافى

[secret Garden]

حاولى تسمعى لكلام اللى حواليكى ... إنت مدمت عملت اللى عليكى خلاص ده بيبقى توفيق من ربنا ...

[manmo]

والله انا لوقلت لحضرتك انى مش قادره اتحرك ماهبقى بكذب انا انا انا خلاص ضعت من كله
الحمد لله
انا والله مش معترضه على امر ربنا انا عارفه ان ده قدرى بس اعمل ايه انا عصبيه زياده عن اللزوم واعصابى ماتحملتش الخبر
انا فى البيت كان املهم طب حضرتك عارفه الصدمه دى
انا جوايا ناااااااااااااااااااااااااااااااااااااااااااااار

[soosoo_kotp2000]

احمدى ربنا على المجموع ده بجد

انا اعرف ناس كانوا مستنيين يدخلوا صيدله وجابه 67 %

[الأستاذة أم شاهندة]

يا حبيبتى ده نصيب
والله فيه بنت أعرفها
ممتازة وأدب وأخلاق وبتاكل الكتب أكل وعلمى رضاة
وجابت 70%
احمدى ربنا وهو حيعوضك إن شاء الله

[زيزو الخوانكى]

الحمد لله على كله حاجة دا المفروض تقولية وربنا يوفقك فى حياتك وبعدين دى مرحلة وهتعدى ان شاء الله بس اتمنى انك تقعدى مع نفسك وتهدى وتذكرى ربنا كدا وتحمدية على السراء والضراء وربنا هيعوض خير ان شاء الله

[mekadoo]

تقصدى

انتى جبتى

89.5%

??

[romatic boy]

دة احسن مجموع في الدنيا امال سبتوا اية للي زي حلاتي انا كنت بزاكر علطول وجبت مجموع وحش اوي اوي فوق ما تتصوروا ربنا يسهل وتجيبي درجة حلوة في 3 وربنا يوفقك

[manmo]

المشاركة الأصلية كتبت بواسطة mekadoo

تقصدى

انتى جبتى

89.5%

??

اه



انا والله بحمد ربنا ومش معترضه

الحمد لله
وشكرا جدا ليكم

[احمدسيف الاسلام]

هما بيعملو فينا كده عشان يطلعونا جيل معقد ميعرفش ياخد حدودو انا كنت بذاكر اكتر مكنت بنام وباكل وفي الاخر جبت 89% حرام ده ولا حلال؟! انا مش عارف هما ليه متخذنا اعدائهم

في الاخر انا هقول حسبي الله ونعم الوكيل في كل مدرس ظلمنى في درجه وفي اي حد ظلمنا وفي الوزير نفسه وفي اي حد شارك في المجزره ديه

ياجدعان ده في ناس بتاكل الكتب وجابت 81% و76%

وعلي العموم انا اللي مصبرني انى عارف وفاهم انها مرحله وهتعدي في حياتى

[فطيــمه]

على فكره جميله
ربنا يوفقك يا حبيبتى
واكيد ده هيكون حافز ليكى انك تزاكرى اكتر
وقدامك علمى رياضه وهتكونى مستريحه
وانسى كده لان كلننا زعلانين بس معندناش غير
الحمدلله وربنا مش بيعمل حاجه وحشه
تحياااتى

[mekadoo]

المشاركة الأصلية كتبت بواسطة manmo

اه



انا والله بحمد ربنا ومش معترضه

الحمد لله
وشكرا جدا ليكم

[mekadoo]

المشاركة الأصلية كتبت بواسطة احمدسيف الاسلام

هما بيعملو فينا كده عشان يطلعونا جيل معقد ميعرفش ياخد حدودو انا كنت بذاكر اكتر مكنت بنام وباكل وفي الاخر جبت 89% حرام ده ولا حلال؟! انا مش عارف هما ليه متخذنا اعدائهم

في الاخر انا هقول حسبي الله ونعم الوكيل في كل مدرس ظلمنى في درجه وفي اي حد ظلمنا وفي الوزير نفسه وفي اي حد شارك في المجزره ديه

ياجدعان ده في ناس بتاكل الكتب وجابت 81% و76%

وعلي العموم انا اللي مصبرني انى عارف وفاهم انها مرحله وهتعدي في حياتى

يا عم مالك و مال الوزير



والله دة احسن وزير

و هو اكتر واحد مهتم و عندة ضمير فى شغلة

دة عايز يصلح التعليم

لأن التعليم بااااااااايظ و هو مهمتة يعيد بناء التعليم

[mekadoo]

الله يكون فى عونك يا manmo

انتى لسة قدامك ثالثة ربنا معاكى

انا بحمد ربنا انى خلصت من الثانوية

و ان شاء الله انا فى طريقى الى الجامعة