واقع في مشكله ....

[***star***]

استاذي او استاذتي الفاضله/

ياريت الاقي رد واضح ويكون مقنع لمشكله واقع فيها وحيران بسببها اوي ومخنوق جدا جدا...

انا خريج كليه علوم ... حالتي الماديه فوق المتوسطه... وحيد... ومن حوالي سنه وشويه ارتبطت بواحده وخطبتها علطول بدون تفكير... واما رحت قولت لوالدي قالي انه عارف والدها وانه كان في السجن... اقنعته ان الحب اقوي من ده.... يمكن ساعتها الحب كان طاغي عليا اوي... اتخطبنا... وبعدها بشهور اتشبكنا... واتعودت عليها اوي... وهي حبتني اوي اوي.... يمكن في بدايه خطوبتنا كانت بتعمل حاجات غلط الي حد ما... بس بعد كدا سابت كل ده علشاني.... بس اللي كان منكد عليا اكتر.. مش ابوها اللي كان في السجن.. لا ده لانها كانت مخطوبه لواحد قبلي ... والواحد ده عنده محل تحت بيتهم... فمببقاش متخيل وهي نازله طالعه وهو في وشها خصوصا انها كانت بتحبه قبلي... وهو لسه بيحبها جدا... عدت الايام وناس كتير واهلي غصبو عليا اني اسبها... ورغم كدا كملت معاها... مش علشان بحبها ... لا علشان انا اتعودت عليها اوي ... واتعودت معاها علي نمط حياه معين... وابوها رجع السجن تاني.... بس هي وامها غيره ... بس حضرتك عارف الناس مش بتسيب حد في حاله... انا من جوايا بيقولي سبها واحساس تاني مضاد ليه بيقولي لا بلاش ملهاش ذنب.... بس برجع وافكر حياتنا بعد الجواز هتبقي ازاي خصوصا ان اهلي كلهم دكاتره ومهندسين .... وهي معاها ثانويه عامه ... اعمل ايه بجد همووووت.... ياريت حضرتك متردش عليا غير بعد تفكير....

[***star***]

استاذه نداء ... ازاي القسم ده في سريه تامه.... وعدد المشاهدات عمال يزيد... واي حد من الاداره يدخل يطلع علي الاسرار ؟؟!!!