اعمل اية فى التقديم بلظبط يا جماعة؟

myegy10 · #1 07-07-2010, 08:40 PM

السلام عليكم ورحمة اللة
انا فى مدرسة فنية خمس سنين
النتيجة ظهرت من اسبوع والتنسيق قرب يظهر وانا مش عارف اعمل اية اروح اجيب اية عشان اقدمو
ولا بيقولو التقديم على النت
انا بصراحة مش عارف اعمل اية بلظبط وفى ناس بيقولو لازم تقدم الورق دة او الرغبات قبل التنسيق وانا
لسة مش عارف اى حاجة ارجو الرد بسرعة

مصراوى22 · #2 08-07-2010, 02:46 AM

انت 5 سنوات صناعى ادخل بسرعه على موقع الثانويه العامه التعليم الصناعى تعرف كل حاجه

اجرى بسرعه

myegy10 · #3 08-07-2010, 10:13 AM

اخى دخلت على موقع الوزارة قسم التعليم الصناعى مش لاقى اى اخبار عن الرغبات ولا التنسيق

الأستاذة أم شاهندة · #4 08-07-2010, 10:53 AM

طلاب الدبلومات الفنية حائرون فى مواعيد صرف استمارات القدرات
الخميس 08 يولية 2010

طلاب الدبلومات الفنية حائرون فى مواعيد صرف استمارات القدرات

تدافع طلاب الدبلومات الفنية نظام السنوات الخمس علي مكتب تنسيق القبول للجامعات لصرف استمارات القدرات
وفوجئ الطلاب برفض المكتب صرف تلك الاستمارات وقال مسئولوه للطلاب ان مواعيد الصرف لطلاب الدبلومات لم يتم تحديدها بعد‏
وقال الطلاب إنهم توجهوا لصرف الاستمارات بعد تصريحات د‏.‏ هاني هلال وزير التعليم العالي ببدء الصرف
من ناحية أخري كشفت عمليات سحب استمارات القدرات في اليوم الاخير عن تزايد اعداد الطلاب الراغبين في الالتحاق بكليات التربية الرياضية للبنين والبنات مسجلة‏450‏ استمارة بكليتين التربية الرياضية بنين بالهرم وبنات بالجريزة‏.‏
وجاء في المرتبة الثانية كلية الفنون الجميلة عمارة وفنون حيث بلغت‏114‏ استمارة في يوم واحد وجاء المرتبة الثالثة كلية السياحة والفنادق‏54‏ استمارة ثم الموسيقية‏54‏ استمارة والتطبيقه‏44‏ استمارة ثم التربية الموسيقية بـ‏19‏ استمارة فقط‏.‏
وقال خبراء التنسيق ان اعداد المتقدمين لاختبارات القدرات انخفضت بشكل ملحوظ بسبب السنة الفراغ اضاف لولا ادخال اختيارات جديدة للسياحة والفنادق والفنون الجميلة لانخفضت الاعداد بشكل اكبر‏.‏

حسن عسلة · #5 08-07-2010, 10:54 AM

بالتوفيق للجميع ان شاء الله

الأستاذة أم شاهندة · #6 08-07-2010, 10:54 AM

اقتباس:

تدافع طلاب الدبلومات الفنية نظام السنوات الخمس علي مكتب تنسيق القبول للجامعات لصرف استمارات القدرات
وفوجئ الطلاب برفض المكتب صرف تلك الاستمارات وقال مسئولوه للطلاب ان مواعيد الصرف لطلاب الدبلومات لم يتم تحديدها بعد‏

أعتقد كدة عرفت
مكتب التسيق نفسه بيقول لم ترد مواعيد لتنسيق الدبلومات بعد وعند حدوث جديد سنعلمك إن شاء الله

myegy10 · #7 08-07-2010, 01:53 PM

السلام عليكم ورحمة اللة
مشكورين جدا يا جماعة على الخبر
لاكن انا سمعت انة تنسيق المدارس 5 سنين ها يكون على النت اول ما تظهر نتيجة الثانوية العامة
http://www.egynews.net/wps/portal/news?params=95348
هل انا انتظر الى ان يتم ظهور نتيجة الثانوى ولا المعاد ها يفوتنى

الأستاذة أم شاهندة · #8 08-07-2010, 02:29 PM

خلاص تبقى اتحلت
لا حتروح مكتب تنسيق ولا حتجهز ورق
لما يبدأ التنسيق حيكون من على النت
بالتوفيق

myegy10 · #9 11-07-2010, 01:08 PM

الثانوية ظهرت يا جماعة ومش عارف لغاية دلوقتى اى معلومات عن كتابة الرغبات
بتاعة المدارس الخمس سنين
يا ريت الافادة بسرعة عشان ما تروحش عليا وتبقى مشكلة