دليل على إن المسألة فيها غلطة

[شـروق]

يا جماعة أنا قولت حدور على طول الرابطة في جزئ الماء عمتاً لقيتها في مسأله في أحد المنتديات
00.96 مش زي ما هو عاملها 1.96

شوفوا بنفسكوا و إتأكدو

مثال3: إذا كانت طول الرابطة في جزئ الماء 0.96 أنجستروم وطول الرابطة في جزئ الهيدروجين 0.6 أنجستروم. أوجد طول الرابطة في جزئ الأكسجين.
الحل:
نصف القطر التساهمى = طول الرابطة / 2
نصف القطر التساهمى لذرة الهيدروجين = 6و0 /2 = 0.3 أنجستروم
نصف القطر التساهمى لذرة الأكسجين = 0.96 – 0.3 = 0.66 أنجستروم
طول الرابطة = نصف القطر التساهمى × 2
طول الرابطة في جزئ الأكسجين = 0.66 × 2 = 1.32 أنجستروم

آدي اللينك
http://4chem.com/vb3/showthread.php?t=3729

دليل كمان اللي عنده كتاب الإمتحان الأخضر بتاع المراجعة النهائية يفتح صفحة 15 و يشوف بنفسة المثال
---------------------------------
و هحاول أدور في باقي الكتب اللى عندي و ياريت حد من الأساتذة الأفاضل يعلق
----------------------------------

أنا عملتها على الرقم اللي هو عاطيهولنا و طلعت لي 1.28
و حنستني نشوف نموذج الإجابة

[khk_titoo]

بس الارقام مش ثابته فى كل مسأله هو بيجيب ارقام من عنده وانت تحل والمسأله دى مش منطقيه اصلا

[شـروق]

مش فاهمة يعني إيه الأرقام مش ثابتة ؟؟

[khk_titoo]

يعنى الارقام بتتغير من مسأله لمسأله
مش متقيد برقم ثابت لنصف القطر مثلا والا كانت الاجابه الصح .3 بس اللى انا مش فاهمه ازاى يكون نق للهيدروجين اكير من نق للاكسجين؟

[شـروق]

مهو عشان المسألة غلط طالع الرقم كدة
و إلا إحنا مخدناش حاجة في المنهج بتقول طول الرابطة بين ذرتين هيدروجين في نصهم أوكسجين
بعدين دول كده يبئو رابتطين
و هو قال طول الرابطة

[khk_titoo]

ايوه هو المفروض يقول طول الروابط

[titolion]

يا جماعة هو كان قصده يقول طول الروابط و كان عايز يجيبها صعبة بس معرفش
مش ذنبنا انه يغلط و بعدين يرمي غلطه علينا
المفروض يحاسبوا علي طريقة احل مش الارقام

[khk_titoo]

ربنا يســــــــتر

[شـروق]

المشاركة الأصلية كتبت بواسطة titolion

يا جماعة هو كان قصده يقول طول الروابط و كان عايز يجيبها صعبة بس معرفش
مش ذنبنا انه يغلط و بعدين يرمي غلطه علينا
المفروض يحاسبوا علي طريقة احل مش الارقام

لا طبعاً مش ذنبنا و و الله لو إتحاسبنا عليها غلط لأدعي على كل اللي ظلمنى
بعدين بردو طول الروابط مش حتبئ دقيقة أوي


ده شكل جزئ الماء لما يقول طول الرابطة أنا إزاي أتخيل يعني أنه يقصد مجموع الرابتطين بالإضافة لإنهم مش على إستقامة واحدة

[khk_titoo]

بالضبط وشوفى فى الصوره ذره الاكسجين اكبر بكتير من ذره الهيدروجين ومع كده طلعت الاجابه 1.28 يعنى اكبر من الاكسحين

[turbo_totto]

يا جماعه طول الربطه يقصد طول الرابطه بين ال o وال h بس مش اكتر وهى بتساوى نق للo + نق لل h

[wengyll]

يا جماعة لو الناتج ما طلعش 1.28 هاتجنن عشان حرام انقص عشان حاجة غريبة اول مرة اسمع عنها هو ماشى الحل مش منطقى بس دا الحل اللى طلع وانا لو فكرت فى حاجات كتير فى المنهج مش ممكن تطلع صح بالتفكير فا رحمونا بقى

[elzahraa93]

انا حليتها عادي خالص على أساس الارقام دي وزي ما المستر بتاعي قلنا وطلعت 1.28

[محدش له دعوه]

طيب واحنا مالنا دي مشكله اللي حط الامتحان

[khaled Ti]

اييييييييييييييييييييييييييه كل دة المسألة عادية جدا .مش فاهم انتوا مدايقين ليه ؟ عشان سهلة ؟!