قول رأيك بصراحة امتحان الكيمياء سهل ولا صعب

[سيد عثمان]

ياريت كل طالب يقول رايه بكل صراحة عن مستوى الامتحان وإذا كان فيه نقاط صعبة يحددها
وجهة نظري الامتحان كويس ولكن محتاج تركيز في بعض النقاط أهمها
1-التسمية حسب نظام الأيوباك ممكن بعض الطلبة تخطأ فيها
2-تركيز ايون الأسيتات ممكن لو طالب مش مركز يخطأ
باقي الامتحان عادي جدا ومحتاج طالب عادي وليس متفوق

[داندن]

بصراحة الامتان صعب بجد
انا عندي سؤال التسمية كله غلط
لاني اول مرة اشوف الحاجات دي

عمري ما اخدتها في الدرس

بعد اذن حضرتك
هي عليها كام درجة
وكمان السؤال التالت ا

[سيد عثمان]

كل اسم عليه نصف درجة زي الامتحانات الماضية

[kamel51]

انا شايف ان الامتحان كان جميل وفعلا محتاج تركيز وارجوا من حضرتك اجابة الامتحان او على الاقل الاسألة الصعبة من وجهة نظر حضرتك

[*يارب نور دربي*]

السلام عليكم ورحمة الله وبركاته


والله يامستر الامتحان كان حلو اوي
انا كنت داخله عامله حسابي ان انا هشيل كيميا بس الحمد لله الامتحان طلع حلو

هو يمكن يكون طويل شوية بس مل الاسئله كان حلوه

[ningooooo]

طيب كان عندي سؤال انا في التميز بين الثلاثة محاليل
عملت اننا ممكن نميوز الايثانول بوا سطة قطعة الصوديوم وانو هيتكون راسب بعد التبخير
انا عارف الاجابة بس مش عارف عملتها كده ليه
بسانا عملت تميز الفينول و الاستيك صح
فياتري هنقص ولا إيه

[سيد عثمان]

المشاركة الأصلية كتبت بواسطة kamel51

انا شايف ان الامتحان كان جميل وفعلا محتاج تركيز وارجوا من حضرتك اجابة الامتحان او على الاقل الاسألة الصعبة من وجهة نظر حضرتك

لو عندك سؤال في الامتحان ومش عارف اجابته اكتبه وسوف اجاوب عليه

[kamel51]

حضرتك ممكن تجاوب سؤال تركيز ايون الاسيتك لو سمحت انا عملو بس عاوز اتاكد ويا ريت الناتج النهائى لمسألة نصف القطر

[سيد عثمان]

المشاركة الأصلية كتبت بواسطة ningooooo

طيب كان عندي سؤال انا في التميز بين الثلاثة محاليل
عملت اننا ممكن نميوز الايثانول بوا سطة قطعة الصوديوم وانو هيتكون راسب بعد التبخير
انا عارف الاجابة بس مش عارف عملتها كده ليه
بسانا عملت تميز الفينول و الاستيك صح
فياتري هنقص ولا إيه

الاجابة الصح بواسطة كلوريد الحديد يتكون لون بنفسجي مع الفينول ثم نفرق بين الحمض والكحول بواسكة إما ثاني كرومات البوتاسيوم أو بيكربونات الصوديوم

[d_ahmad_2020]

ياريت سؤال تركيز الاسيتات لانه ف الكتب الخارجيه ملتبس

[سيد عثمان]

المشاركة الأصلية كتبت بواسطة kamel51

حضرتك ممكن تجاوب سؤال تركيز ايون الاسيتك لو سمحت انا عملو بس عاوز اتاكد ويا ريت الناتج النهائى لمسألة نصف القطر

إضافة الحمض ينشط العكسي ويقل ايون الاسيتات
إضافة قلوي يزيد الطردي ويزداد ايون الاسيتات

[همس الدموع]

طب اجابه نصف القطر يامستر

[A.ra7man1]

هو الامتحان بصراحة جمييل بس محترم
يعنى فى كام نقطة كده عايزين تركيز جامد جدا
والامتحان مليان شوية يعنى انا يا دوبك خلصت السؤال الخامس ونقطة كنت سايبها فى الاخر ولقيته بيقولى فاضل عش دقائق ملحقتش حتى اراجع بصيت سريعا على الحل .
بس هو امتحان مستواه حلو اوى لذيذ بصراحة
عكس امتخان التفاضل كان وحش اووى اوى
__
ربنا يستر
سلام عليكم

[محدش له دعوه]

فين الاجابه يا استاد سيد

[ningooooo]

المشاركة الأصلية كتبت بواسطة سيد عثمان

الاجابة الصح بواسطة كلوريد الحديد يتكون لون بنفسجي مع الفينول ثم نفرق بين الحمض والكحول بواسكة إما ثاني كرومات البوتاسيوم أو بيكربونات الصوديوم

انا عملت كدة حضرتك بس قولت ان ممكن نتاكد من الايثانول من الطريقة دي

طيب هي اصلا ممكن يبقي عليها كام درجة