خدعه لامتحان 2010 غير متوقعه

[احمدعوض]

السلام عليكم ورحمه الله وبركاته انا بجد سعيد بسهوله الامتحان بس حزين على الحاجات اللى خدعت طلابنا المتفوقين واللى حلها الطالب المتوسط وبسهوله جدا واخيرا اتمنى لطلابنا النجاح والتفوق دائما والسلام عليكم ورحمه الله وركاته

[egyptiancool]

فعلا عند حضرتك حق يعني الامتحان سهل بس زي ما بيقولوا السهل الممتنع
زي مثلا الصح والغلط في الوثيقة الطالب المتوسط اللي لاقى المعلومه هيا هيا في الوثيقة حل صح
والطالب المتفوق اللي ركز في زمن الجملة وزمن الوثيقة عملها غلط لانو فكرها لعبة بيلعبها عليه اللي حاطط الامتحان

[crazy_world]

صح والله حرام انا اخويا متفوق فى الفرنساوى وغلط 4 غلطات فى الوثيقة مش حرام
طول السنة مذاكرة بس الحمد لله
هو حل الباقى كويس

[boka_zamalek]

الحمد لله انا برضه من الناس الي غلطت في صح وخطأ الي في الوثيقة الحمد لله ونركز في الكيميا

[CAn u see me]

يا ريت الستاذ اللى بيقول خدعة ينزل نمزج الاجابة اللى شايفه
شكرا

[pure soul]

بالعكس ده كان سهل جدا مفيش اي خدعه
هي الوثيقه بس مش عايزه تسرع وعايز تحكيم للعقل
مشكلتنا اننا بقينا بنحمل كل شئ وبنرجعه لنظريه المؤامره
ومصدقناش ان الامتحان والوثيقه كانو سهلين علشان كده فيه كتير من الطلبه غلطو في اسئله الوثيقة

[CAn u see me]

هل نماذج الاجابة الموضوعة من اساتذة المنتدى صحيحة 100%؟

[الشارد الشديد]

الحمد لله على ما أخذ وعلى ماسيعطي

[ahmed ana]

يا جماعة خلاص مش هنهزأ فى بعض و يا ريت نفكر فى الكيمياء
بالتوفيق للجميع ان شاء الله

[احمدعوض]

اشكر جميع طلابنا المشاركين والاساتذه المحترمين ايضا
اولا : يا جماعه لابد ان يكون لكل واحد رأى مختلف عن الاخر والمنتدى الرائع ده بيجمعنا حواليه بعرض افكارنا لنتوصل الى ارأى الاصوب والارجح وانا احب النقد لبناء بدون تجريح انا عرضت وجهه نظرى واقسم بالله انا عندى بنت ممتازه لدرجه انى ما كنتش بحفظها موضوعات دا كنت اطلب منها تكتب اى موضوع تكتبه بدون اى اخطاء وغلطت غلطه فى الامتحان ده طبعا معظم طلابنا المشاركين على قدر عالى من التفوق و التميز بس لما نختلف بلاش نجرح فى بعض واتمنى لكم جميعا التفوق وركزوا فى باقى المواد وربنه معاكوا حبايبى

[احمدعوض]

على فكره يا جماعه الاجابه اللى وضعوها الاساتذه على المنتدى كلها مظبوطه مليون فى الميه
وانا كنت هحل الامتحان بس رجعت متاخر لانى كنت براجع الامتحان مع طلابى ووجدت ميو اسامه الباز قد حل الامتحان ربنه يبارك فى حضرته وجزاكم الله خير ا

[محدش له دعوه]

ياجماعه قومو زاكرو كيميا احسن

[her02010]

اولا 5 جملة فى الصح و الخطأ يجب ان تكون خطأ لأنك لو لاحظت هتلاقى ان fredreic و marie زمنهم مضارع اما باقى الاشخاص كان زمن تحدثهم ماضى فالعملها صح ده طالب يا غشها يا هوا مش قاهم اى حاجة قى القرنساوى
حد بقا يقولى هتبقى صح ؟؟؟؟؟

[محمد عاطف احمد على]

انا كتبت المهن بدلا من الاسماء فى الوثيقة صح ولا خطأ ارجو الرد على سؤالى

[نسمه يسرى]

انا عيط بعد الفرنساااوى كتير
الامتحان كان سهل

بس للاسف فكرت كتير فى الوثيقه وغلط فلا الاخيره فى صح وغلط

وربنا يعلم انا قد ايه تعبت فى الفرنساوى
كنت داخله اجيب 50 لقيت نفسى هجيب49
بعد كل التعب ده بس الحمد لله

والامتحان وقع الناس الشطار ال موثقوش فى واضع الامتخان وقالوووووووا عاوزنا نضيع درجات
بس الخمد لله