|
#1
11-06-2010, 07:18 PM
|
|||
|
|||
أقر أنا وأعترف
أقر أنا وأعترف وأنا فى كامل قواى العقلية والذهنية والجسدية انى هذا النظام وتلك العصابة لم ولن تتزحزح ولا حتى لوقامت ثورة ولو تتذكرون كيف خرج الانجليز من مصر هذا النظام اشد قسوة واشد بطشا واشد فسادا واكثر ظلما ولوتظاهر بالحرية والديمقراطية والقنوات الفضائية وأعترف ان التوريث قادم رغم انف الشعب المغلوب على امره ولذلك أطلب من كل رجال النظام ان يتركونا نحلم وأكد لكم أننا حتى فى الحلم لم نتجاوز وعلينا ان نعلم جميعا ان للحلم حدود وعلينا ان نعلم جميعا ايضا أن هذا قدرنا والايمان بالقدر واجب على كل عاقل؟؟؟؟؟ ورجاء ان تتركوا لنا الاحلام وهذا يكون عطف منكم كبير ورحمة واحسان وخدوا كل شى خدوا الدولة بما فيها وما عليها خدوا كل الكراسى والمناصب وكل اعضاء مجلسى الشعب والشورى والمحليات والمراكز والمحافظات والنوادى والجوامع والجامعات والنقابات والنفايات والمدارس ومراكز الشباب والساحات ودورات المياة والحمامات خذوا الحكم خمسين سنة خدوة العمر كله خدوة حتى تقوم الساعة خدوا والاسمنت والحديد والغاز اعطوة لاسرائيل وابنو جدار وحاصروا فلسطين واهدموا الانفاق كلنا محاصرين كل المدن العربية تحت الحصار كل المدن العربية شقق للايجار ففى بلدنا العربية صاحب القرار يحتاج الى قرار انما على شعبة زنهار مغوار جبار علينا ان نختار اما ان نصرخ بصوت عالى يعيش الريس ويعيش ابنة جمال واما ان نختار الخيار التانى وهو الفرار والان علينا الاختيار وسواء اخترت ام لم تختار تقدر تقول وجودك زى عدمة ويمكن عدمة احسن كمان وهذا ليس احباط ولكنة الواقع وخصوصا بعد ما حدث فى الانتخابات او ما تسمى انتخابات وما سيحدث فى الانتخابات القادمة سوف تكون صورة بالكربون من تلك الانتخابات الانتخابات فى العالم تحدث بين اطراف مختلفة اما فى مصرنا عفوا اقصد مصرهم تحدث من طرف واحد الانتخابات فى العالم تعتمد على اصوات الناخبين اما فى بلدنا عفوا فى بلدهم لا تحتاج اكتر من اتصال تليفونى لا اكتر ولا اقل من هنا اطلب من كل معارض ان يرفع الراية البيضة بمزاجة بدل ما يرفعها غصب عن اللى جابوة ويكف عن الكلام عن التغيير وهذا الشاب خالد محمد سعيد عينة وكارت ارهاب لكل من يتحدث ويتكلم عن التغيير مقدمه لكم ولكل معارض من رجال النظام وعلى الكل ان يتعظ ويعرف مصلحتة فين وياريت كمان تحاولوا تطلعوا كارنية الحزب الوطنى مع ان الموضوع صعب لان فية ضغط كبير على الكارنية لانه ببساطة غلب الجنية وأصبح لغة العصر وعملة المستقبل واحيانا كثيرة يتفوق على الاسترلينى نفسة رجاء لا تستهر بهذا الكارنية ولا تستغرب قد تحتاج الى واسطة او معرفة حتى تحصل على الموافقة الى الانضمام لحزب الاغلبية فهم ليسوا فى حاجة اليك ولكن هذا كرم منهم ويجب عليك الشكر والتحية بكل الود والحب لهذا الحزب الغالى على قلوب ملايين المصريين وتحية كبيرة لهذا النظام الذى علم الشعب الخنوع والانبطاح والذل وعلمنا الخوف والجبن والنفاق فهذا الشاب الاسكندرنى الجميل خالد محمد سعيد يجب على كل معارض أو حتى نصف معارض أو ربع معارض ان يجعل صورتة امام عينة ليل نهار حتى يتعلم الخوف اذا كان لم يتعلمة بعد فهذة الصورة بعد ال***** الذى اشك انه ***** ومستعد ان احلف على مصحف انها حادثة قطر وسواقة مفترى وذلك ان دل على شىء يدل على اننا قد اصبحنا ملوك ال***** فى المنطقة بل بكل فى فخر فى العالم وانا متأكد من ذلك بدون ادنى شك ولا اعلم لماذا تذكرت سمير القنطار هذا الصبى اللبنانى الذى سجن 31 عام فى سجون الاحتلال وكان عمرة 16 عام وخرج وعمرة 47 عام وهو فى صحة وعافية ادركت وعرفت الفرق بين ال***** هنا وهناك هل علينا ان نحسد السجناء؟؟؟؟؟؟؟؟ وعلينا جميعا ان نكف عن اخذ حبوب الشجاعة ونرضى بالواقع المر كما تعلمنا من مدرسة النظام ونكفى على الخبر مجور الشعب أذكى من ان يغضب أو يثور خليك دائما صبور أو طنبور أو طرطور وتأكد انك كدا أو كدا ملكش أى دور؟؟؟؟ من خلال تلاتين عام علينا ان نتعلم الخوف من جديد لان اللى فات كوم واللى جاى كوم تانى فهناك سجون جديدة وادوات ***** جديدة وكروت ارهاب جديدة وطرق جديدة وهذة من اهم الاشياء التى والحمد لله تقدمنا فيها بشكل مذهل فهل عندك الرغبة ان تجرب تلك الاشياء الجديدة؟؟؟؟؟؟؟ الشاعر عبد الحميد بدوى  آخر تعديل بواسطة حميد بدوى ، 11-06-2010 الساعة 07:38 PM سبب آخر: اضافة 
|
|
#2
11-06-2010, 08:08 PM
|
|||
|
|||
|
طب ما احنا عارفين كدا
لكن مغلوبين على أمرنا حتى لو ضحيــنا بدمنا برده مغلوبين على امرنا 
|
|
#3
11-06-2010, 10:39 PM
|
||||
|
||||
|
معاك حق بس شويه وهتلاقى الهتيفه الللى عايشين الوهم هيقطعوا فيك ويقولولك
البلد فيها حريه عن زمان ودلوقتى بنقدر نتكلم وليه الاحباط ياعم ولازم ونشارك علشان بلدنا تتغير ودعوتك ساقطه وكلام من ده كتير رغم انى بكدب نفسى كل مر وبشارك املا فى التغيير والنتيجه هى هى والاقى الناس بتستجير من الحزب والحكومه ومرشحيهم اقول اكيد الناس مش هتنتخبهم وبكده هيحصل تغيير وفى النهايه النتيجه هى هى فوز كاسح وكأن الشعب بيضحك عليا ويورطنى انا بس يا عم حميد ما نحن فيه الآن استعمار داخلى وده اخطر استعمار لان الشعب بينقسم الى مؤيد ومعارض ومن هنا صعب التخلص منه بعكس الاستعمار الخارجى الشعب كله بيتحد ضده ومفيش ليه مؤيدين ومن هنا تكون الامه على ضد عدو واحد وتسعى لهدف واحد عرفت ليه مفيش تغيير وانا كمان بقر واعترف واللى مش عاجبه يقابلنى بعد عشرين سنه ان كان فى العمر بقيه
|
|
#4
11-06-2010, 10:53 PM
|
||||
|
||||
|
اقولك حاجه كمان اللى احنا فيه ده طول الامل زى الفلسطينين بقالهم ستين سنه عندهم امل التحرر من الاستعمار الاسرائيلى وما ان يقتربوا من النهايه من وجهة نظرهم حتى يعودو ا لنقطة الصفر وهكذا طول الامل حتى تنتهى الحياة بدون تغيير
هكذا يفعل بنا الحزب لن يتزحزح هذا الكابوس عن صدورنا فهم لايريدون التغيير سوى من خلالهم افعل ما تريد ايها الشعب دون الاقتراب من كراسيهم احلموا بأى شىء عدا المناصب القياديه ومسك زمام الامور فحزبهم لا يتصور الحياه فى البلد وهو محكوم لابد ان تكون مقاليد الامور فى ايديهم مش ممكن حد غيرهم يظهر بشو اعلامى لازم يكونوا دايما فى الصوره عرفتوا ليه مفيش تغيير
|
|
#6
13-06-2010, 07:55 AM
|
||||
|
||||
ففى بلدنا العربية صاحب القرار يحتاج الى قرار انما على شعبة زنهار مغوار جبار
علينا ان نختار اما ان نصرخ بصوت عالى يعيش الريس ويعيش ابنة جمال واما ان نختار الخيار التانى وهو الفرار والان علينا الاختيار وسواء اخترت ام لم تختار تقدر تقول وجودك زى عدمة ويمكن عدمة احسن كمان .................. ************* أحسن و أجمل تعليق لمصر و اللى فيها نروح نشترى بلد تانية أن لقينا .... هيهات يابلد أنت محتاجة ولد !!! يصرخ يدوى و وكأنه ينادى ف وهم ايه اللى أنت بتقوله ....... ده حزب الشيطان و اللى مات عدى و فلت أحنا كنا زمان نسمع عن الحرية و الأمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هو فين يمكن وقت ولادته اندفن و عجبى
__________________
 دخول متقطع أرجو الدعـــــاء بظاهـــــــــر الغيب آخر تعديل بواسطة عاشقة الموج ، 13-06-2010 الساعة 07:57 AM
|
|
#7
16-06-2010, 04:59 PM
|
||||
|
||||
والله انا محتارة فى البلد دى هو نهاية اللى بيحصل فى البلد ايه
اما عن الحرية كان زمان ايام الرئيس السادات وجمال عبد الناصر يقولوا كان فى حرية فين الدليل لو واحد اتكلم عن السياسة واللى بيحصل فى البلد كان بسجن وتعدم العافية  اما فى زمن الرئيس محمد حسنى مبارك فى شوية حرية والدليل البرامج والصحف بتتكلم بحرية وعن السياسة وعيوب البلد وبعض الصحفين بيتحبسوا احنا ليه بنبيع البلد للعدو واللى عايز يخربها طيب نستفيد احنا بيه بدل ما نصدر الغاز لاسرائيل هتقولوا فى معاهدة سلام سلام ايه اللى بتقولوا عليه ده بدل ما نساعد اخونا فى غزة واللى بيموتوا كل يوم والاراضى اللى بتتباع للمستثمرين الاجانب بدل ما يعملوا مصانع للشباب اللى اتخرجت من الجامعات وقاعدة فى شارع ولا شغلة ولا مشغلة اما الانتخابات كانت كلها تزوير فى تزوير والايام الجاية ربنا يستر بالنسبة لانتخابات الرياسة تبقى شكلها وحش لو دخل فى الانتخابات الرئيس مبارك هو عمل حاجات فى البلد كتير بس هو كبر فى السن وابنة جمال هو مظهرش الا قريب عشان بيجهز نفسة للرياسة انا مش مع جمال ولا البرادعى انا مع اللى يخلى البلد قدام ونرجع زى زمان قل للزمان ارجع يا زمان هههههههههه شكرااااااااا جدااااااااااا واعترافك فى محله وكله صح ومحدش ينكر ده
|
|
#8
16-06-2010, 07:43 PM
|
|||
|
|||
|
شكرا يارووز على وجودك وردك اللى اكبر بكتير من سنك بس الرئيس فعل فعلا اشياء كتير لدرجة انى انا بعتبرة اعظم ساحر
على مر العصور لانه حول جمهورية مصر العربية الى عزبة دولية اصبحت الدولة مملوكة لعدة اشخاص ودة طبعا اهم انجاز للرئيس واكبر دليل على كلامى ان ابن العربجى لو متعلم تعليم عالى برضة هيطلع عربجى وابن القاضى لو جايب مقبول هيبقى محظوظ ويبقى وكيل نيابة قد الدنيا ويمكن دة سبب من اسباب ازمة القضاة والمحامين الان وطبعا ابن الرئيس يطلع رئيس مش عايزة كلام ويتحرق الشعب بجاز هو احنا متخلفين من شوية الكلام دة مبيحصلش فى اى دولة فى العالم ونرجعوا نقولوا احنا شعب عظيم مفيش شعب عظيم بيرضى بالفساد بالتزوير مفيش شعب عظيم بيصدر الغاز لاسرائيل مفيش شعب عظيم امنه القومى هو امن اسرائيل مفيش شعب عظيم عايش على الهامش
|
|
#9
17-06-2010, 09:14 AM
|
||||
|
||||
|
اقتباس:
حضرتك بتحسسنى انى عندى 10 سنين ههههههههههه انا 16 سنة يعنى كبيرة وفاهمة اللى بيحصل فى البلد وكلام حضرتك صح اللى فى ايده وسطة وفلوس هو اللى بيفوز
|
|
#10
19-06-2010, 05:10 PM
|
|||
|
|||
|
يسلام على العقل اللى فى ايية وسطه ونفوذ هو اللى يفوز
تحياتى ياروووز
|
|
#11
10-07-2010, 06:55 AM
|
|||
|
|||
|
اقتباس:
ولا الصناديق ولا الكلام الفاضى دة الانتخابات فى مصر تحتاج الى مكالمة تليفون احنا الحمد لله بنسابق الزمن فى التزوير وكلمة تزوير شوية دة مش شوية بس دى كلمة هزيلة عرف لما الرئيس نفسة يطلع يول الانتخابات نزيهة يبقى دة اكبر دليل على الفشل واعتراف منه ان الانتخابات غير نزيهة لان من المنطقى انها تكون نزيهة اديك شوفت القضاة حصل فيهم اية
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:26 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
