أزمة التاريخ ( نصائح هامة للاستاذ الكبير / مروان حسن )

[أ/ مروان حسن]

هذه نصائح هامه يقدمها الاستاذ مروان حسن موجه عام التاريخ لابنائه الطلاب دارسى التاريخ قمنا بجمعها فى موضوع واحد ليستفيد منه الجميع ) مع تحياتى الاستاذ / محمد ابراهيم

أعزائي طلبة التاريخ
هناك ازمه غريبه جدا اتابعها منذ فتره والتزم الصمت تجاهها
هناك بعض الاعضاء يقودون وباقتدار حملة يأس واحباط واسعة النطاق من التاريخ ونتج عنها ان كل من يدخل هذا القسم حتى لو واثق في نفسه وقدراته على الماده أصبح مرعوب منها

وبعد

لابد ان نعترف في البداية ان من رابع المستحيلات ان يعتقد احد انه سوف ينجح في مادة التاريخ دون جهد او مذاكره
لسه ما اخترعناش دواء ملعقه منه قبل النوم تنجح في التاريخ

لا تفوق ولا نجاح بلا جهد

هناك الكثير أدمن الشكوى فقط

وهذا الموضوع الذي بين ايديكم هو اخر محاوله منى لتصحيح المفاهيم والتفريق بين من يريد ان يجتهد ومن يريد ان يبكي
وسوف اقوم بحذف اي موضوع جديد لا يقدم جديد سوى النواح


الطلبه الاعزاء انتبهوا معي قليلا

س/ الفصول الهامه في التاريخ ؟

الامتحان يشمل كل فصول المنهج ولكن هناك فصول يأتي عليها اسئله اكثر ويرجع ذلك لما يسمى الوزن النسبي للفصل ( حجمه-أهميه أحدائه - فكرته التي يتضمنها ومدى محوريتها في منهج التاريخ )
ومن هذه الفصول الهامة
13
12
8
تاريخ العرب ( 10-11)
ثم بعد ذلك من حيث ألأهميه
5
9
6
7
.................................................. .................................................. ......

س/ اسئله مهمه ومتوقعة ؟
الاسئله المتوقعة سلاح ذو حدين ولايصح ان نراهن على مستقبل طالب بمسأله متروكه للمصادفة ولكن هناك ما يسمى الاسئله الهامه وتعنى انها اسئله لا يصح امتحان تاريخ بدونها
وسوف اضعها في مراجعة ليلة الامتحان قريبا ............................... انشاء الله

..............................

مقوله شهيرة جدا لمعظم الطلاب انا خايف من التاريخ ..... أنا حاسس اني ضايع
بس أول مره اعرف اني التاريخ يمنح الشعور بالنوم
لاحظي معايه
الناس نوعين
واحد :: عارف ان في مشكله هتحصل ..... وقاعد يبكي من المشكله اللي هتحصل .... وبعد ما تحصل ...... هيبكي برده عشان حصلت
الثاني :: عارف اني في مشكله هتحصل ..... بدأ يستعد فورا عشان يواجه المشكلة يمكن يحلها قبل ما تحصل .... أو على الأقل .... يقلل أضرارها

فهمتي حاجة
المادة كبيرة أيوه
فيها حفظ كتير ايوه[
صعبه لأ
حد تفوق فيها قبل كده ملايين
حد ذاكرها في عشرة ايام بس وجاب مجموع كثير
فين المشكلة
لو رصيدك في التاريخ صفر ممكن تبدأي من دلوقتي مش من بكره
طيب ونعمل في مشكله النوم والكسل لما اذاكر تاريخ[
بسيطة
ذاكري بورقه وقلم
ذاكري بصوت عالي
ذاكري وما تفكريش في حاجة تانية
قللي احلام اليقظة
استعيني بالله في الأول والأخر
قولي [
بس الله
وأبدأي
اعملي لنفسك حافز نفسي ؟؟؟
ازاي
هاتي صفحة من أي فصل وحاولي تحفظيها بالورقه والقلم أو بصوت عالي
وبعدين
هاتي اسئلة عن الفصل ده
وجربي تحلي
هتحلي بسهوله لأنك حفظتي صح
ولما تلاقي نفسك بتحلي
هتتشجعي
عشان
تذاكري غيرها
و
و
وو
و ربنا يوفقك

شكرا لكم ودعونا نبدأ .................................
انتظركم
أ/ مروان حسن

[أ/ مروان حسن]

وأخيرا ,,,,,

تأكد دوما انك لن تصل للتفوق طالما أنك لا تريد ذلك

وهل هناك من لا يريد

هناك الكثير

فكل من يريد أن يرتوي من العطش ولا يفتح فمه لن يرتوي

وكل من

يريد أن يتفوق ولا يجتهد

لن يتفوق

ثق في الله

وفي نفسك

وتوكل عليه يعينك وإياك أن تتواكل

وفقنا الله وإياكم

والحمد لله

(( لا نطلب منك شكرا بل اشكر الله الذي رزقنا معكم من خيراته ونعمه))

أ/ مروان حسن

[أ/ مروان حسن]

أهلا بكم
هذا دليل شامل بخطوات التفوق في التاريخ والثانوية العامة
دعائي لكم بالتفوق
أ/ مروان حسن

في مشكلة دائمه عند كثير من الطلاب

انا بحفظ التاريخ كويس بس لما اجي احل انسى واحتاج حد يفكرني بأول كلمة وافتكر كل الاجابة

اي طالب في الدنيا بيفتكر كلمة من السؤال وبعدين بيكمل كويس
يبقى
بيحفظ كويس جدا
ولكن
مش بيفهم المعلومة كويس
لأن الطالب لو فاهم المعلومة كويس مش محتاجه اي كلام يفكره ولو تم صياغة السؤال بمليون طريقة برده هيعرف يجاوبة لأنه في الأصل فاهم

والغريب ان امتحانات التاريخ ابتداء من امتحان اغسطس 2007 ومرورا بامتحان 2008 دور مايو واغسطس
اصبحت تعتمد على الفهم وطرح الأسلئة بطريقة غير مباشرة

يعني بالبلدي الأسلئة ما بين السطور

طيب ايه الحل ؟
اني افهم



في طلبة كثير بتقول ان التاريخ حفظ فقط
وطبعا ده موروث خاطئ
التاريخ يعتمد على الحفظ ولكن لا يحفظ بصورة جيده من غير فهم
هديلك مثال

التاريخ يعني الماضي بأحداثة وشخصياتة وتواريخة وحروبة وثوراته صح كده
زي حياة الأنسان
فيها شخصيات وتواريخ واحداث

طيب ليه الانسان بيفتكر الماضي بتاعة بسهولة وممكن يفتكر احداث حصلت من عشرات السنين
صح
هل جاب ورقة وقلم وحفظ كل حاجة وقعد يذاكرها ويسمعها ويمتحن فيها
طبعا لأ
ولكن عاش تلك ألأحداث وتعامل مع تلك الشخصيات فدخلت الذاكرة من أوسع الأبواب

صح ولا مش معايا


طيب هتقولي
وده وقت امثلة وصداع انا عايز حل اكيد بتقولي كده دلوقتي

الحل بسيط انك تفهم الأحداث

مثال في المنهج

تعرف جنود الحملة الفرنسية كانوا وحشين جدا ورخمين كمان يعني ممكن الواحد يقولهم أنت (سم ) وغلسين
هههههههههههه

عارف ليه
لأن جنود الحلمة الفرنسية كانوا عالم مفترية
يدخلوا البيوت ويكسروها ويخربوا العفش كله عشان بيدوروا على فلوس
ويدخلوا الدكاكين والمحلات بردوا عشان يسرقوا منها الفلوس
ده كمان الغريب انهم هدموا بعض المساجد والبيوت زي اسرائيل ما بتعمل كده في غزة
بحجة انهم عايزين يحصنوا ويحموا القاهرة
واجبروا الشعب المصري كله خاصة التجار على دفع ضرائب كثيرة جدا واساسا الشعب المصري مش لاقي يأكل
شوفتي الأفترى
والمدهش
ان زمان كان كل حاره ليها باب وكل شارع ليه باب راح الفرنسين هدموا الأبواب ديه ........طيب وابواب الشوارع مزعلاهم في ايه
قالوا اصل اي واحد مصري يقف ضدهم او يحدفهم بطوبة يجروا وراه عشان يمسكوه يقوم داخل الحارة ويقفل وراه الباب قام الفرنسيين ريحوا دماغهم وقالوا نهدم ابواب الحارات

....
....
ممكن من القصة اللي انا قلتها تقولى ايه هي اسباب ثورة القاهرة الأولى

ها

1- فرض الضرائب الباهظة خاصة على التجار
2- تفتيش البيوت والدكاكين بحثا عن الأموال
3- هدم ابواب الحارات لمطاردة رجال المقاومة
4- هدم البيوت والمساجد بحجة تحصين المدينة


ايه رأيك

افهم القصة تلاقي نفسك حفظتها ومش محتاج اول كلمة ولا حاجة عارف ليه
لأنك لو ما افتكرتش اول كلمة هتجيب كلمة بدل منها ما انت فاهم الموضوع كله
وهتتكبه بالطريقة اللي تريحك

يعني بلاش تحفظ تاريخ كانك بتحفظ قرأن
القرأن ما ينفعش نلخبط في حرف التاريخ ممكن نغير في الجملة تماما بس نوصل نفس المعنى

انتظر ردكم
على كلامي
عايزين مناقشة جادة وصريحة جدا



في حفظ الله

[كامل على]

بارك الله فيك استاذ مروان جميل جدا

[mr_history]

دايما سباق استاذى المتخصص .. بارك الله فى جهدك ...

[بسملة ناصر]

السلام عليكم ورحمة اللةوبركاتة استاذ مروان جزاك اللة خيرااااااااا :D ونور اللةصدرك كلما افلت الشمس والقمر وازاح اللة همك كلماحج فوج واعتمر

[mahyy]

هذا هو ما عودنا عليه الاستاذ دعنى اقول بروفيسور دعنى اقول ------لا اعرف ماذا اقول
اننى لا اجد كلمه شكر لكى اشكر استاذ عظيم مثل حضرتك
بجد جزاك الله الف خير لالالالالالالالالالا مليون خير لالالالالالالالالالالالالالالالا كل الخير

[Cray_Bird91]

aشكرا جدا يا استاذ مروان
الصراحة انا مش عارفة ازاى الواحد يجيله احباط من مادة التاريخ؟؟؟؟ الحمد لله المادة الوحيدة المضمونة ان شاء الله هى التاريخ لان احداثها مباشرة وبعدين التاريخ مش حفظ التاريخ تخيلات لازم تتخيلوا انكم عايشين فى زمنه زى ما انتم حاسين بالزمن اللى احنا فيه دلوقتى واهم حاجة ان احنا منتخيلش واحنا فاتحينه ان احنا بنذاكره عشان الامتحان لاء لازم نحس بالمتعة واحنا بنذاكره
شكرا جدا يا استاذ مروان على النصايح الغالية

[مودي رونالدو]

مفيش كلام اقدر اشكرك بيه شكرااااا جزيلا

[Bossy Cat]

شكرا مستر مروان انا سمعت كلام حضرتك والحمدلله بقيت كويسة فى الفصول اللى انا ضعيفة فيها والبركة فى حضرتك والموقع بتاعك انا استفدت منه كتير وبجد شكرا ليك وادعيلنا يا مستر الامتحان يجي سهل السنة دى وجزاك الله الف خير

[عنقود العنب]

الحقيقه انا كنت حاسه انى ضايعه فى التاريخ وكنت خايفه موووت مع انى بذاكر تاريخ من اول السنه لكن المشكله دى اتحلت لما واجهت الامتحان فى الدرس وكان امتحان زى اخر السنه بالظبط وعرفت ان كل دى اوهام وانا دلوقتى سعيده جدا لانى عرفت ايه نقط ضعفى وهاركز عليها ان شاء الله وعرفت برضه اللى انا مذاكراه كويس وياريت كل واحد اقتنع انه عمل اللى عليه ميخفش ويثق بالله وبنفسه وشكرا يا استاذ مروان انك فتحت الموضوع ده لانه مهم جدا

[أ/ مروان حسن]

أ/محمد فرج
الرائع والمعطاء
سباق للعطاء دوما
وهذا ليس بغريب عليك
فقد أحدثت نشاطا هائلا العام الماضي في الغرف الصوتيه في فتره قصيره
وكلنا تعلمنا منك
ننتظرك اخي
وننتظرباقي الأساتذه الأفاضل

[د/ أمجد المالكي]

دائما كما عودتنا

سباق ومتألق ومتميز

مجهود رائع يا أستاذ مروان

تأخرت كثيرا في كتابة هذه السطور

فهناك مشاعر قد تعجز الكلمات عن وصفها

[EbTeSaM91]

واللة العظيم مش عارفة اشكرك ازاى:abdoog8:

[ساره المهيدى]

شكرا مستر مروان بجد متشكرين جدا ربنا يخليك