الاسطوانة المعروفة اللى بيقولها الشباب للبنات

[the best futur]

بسم الله الرحمن الرحيم



حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض



يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)




حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )



انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه

حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )



يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)


حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)



هكلم باباكى اول ماكًون نفسى
(موووووووووووت يا حمااااااااااار)


عايز اشوفك كل يوم كل ساعه كل ثانيه
(عشان اصحابه يتأكدو انها حلوه)


حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (نفسسسسسسس الاسطوانه المشروخه)



انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)


معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )


ياحبيبتى انتى بتتكلمى فى أيه انا كل عطورى من فرنسا
( ايوه كلونيا خمس خمسات اللى هوا بتحطها عارفينها طبعا )



ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

فلان قالى اديله رقمك بس انا قلتله ا***نى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)



حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)



اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)



اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)


عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)


عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

[متمنيه الشهاده]

بجد بجد رووووووووووووووووووووووووووووووووووووووووووووووووو وووووووووعه تسلم ايدك

[عاشقة الطفولة]

جزاكي الله كل خير

وفعلا هو ده اللي بيحصل

ربنا يهدي بنات المسلمين

[the best futur]

امين
شكرا لمروركم

[هاوى إبداع]

هههههههههههههههه
والله توبيك ي*** من الضحك
والله دا إحنا ياما هنشوف

[the best futur]

شكرا لمرورك

[مسلمة متفائلة]

ياحبيبتى انتى بتتكلمى فى أيه انا كل عطورى من فرنسا
( ايوه كلونيا خمس خمسات اللى هوا بتحطها عارفينها طبعا )

هههههههههههههههههه
الحوار كله اصلا بيضحك مووت
بس دى عجبتنى اوى
يلا ربنا يصلح الحال
جزاك الله خيرا

[شذى العطر]

هههههههههههه
جميل جدا
شكرا على الموضوع

[the best futur]

شكرا لمروركم

[أم عمار قائد الأحرار]

ههههههههههههههه الله المستعان

وقانا الله واياكن غالياتي من شرور اولئك الذئاب


ونسال الله الهدايه لنا ولهم


جزاكي الله خير موضوع رااااااااائع ووصلتي بيه معلومه بطريقه بسيطه ومضحكه ويريت البنات تقرأ ما بين السطور

حفظكم الله وبارك فيكم

[the best futur]

شكرا لمرورك

[.no comment.]

هههههههههههههههه
شكرا نايس توبيك

[هند يوسف]

ياحبيبتى انتى بتتكلمى فى أيه انا كل عطورى من فرنسا
( ايوه كلونيا خمس خمسات اللى هوا بتحطها عارفينها طبعا )

هههههههههههههههه
بجد جميلة جدا كلها
ودي عجبتني جدا

[the best futur]

شكرا لمروركم

[توفيق كمال]

هي دي الحقيقة للأسف