اتكلم عن مغامراتك فى مدرستك

[السنونو الطائر]

<div align="center">

بسم الله الرحمن الرحيم

الموضوع ده وببساطه عبارة عن

تطليع للى جواك و نفسك تحكيهولنا

خلينا نعرف عنك يا اخى

طبعا عن المدرسة وعمايلها والمدرسين وكده

وعن الدروووس

القصص اللى مش بتخلص دى :P

يللا مين يبدا ؟؟

بس عاوزين يبقي فيه تفاعل ارجوكوا ....</div>

[لؤلؤة]

ايه يا رحمة وقال ايه مش عارفين قصصك

ابتدي انت عشان تكون فتحة خير علينا

[الاسطورة]

وأنا رأيي من رأى لؤلؤة

ابتدى الأول يا رحمة

علشان الواحد يعرف حدوده فى الكلام :P

[السنونو الطائر]

ابدا انا طيب

احم

النهارده هحكلكم عن اول مرة زوغت فيها

محدش يستغرب

المهم كان عندنا حصة انجليزى وكانت ال4 وال 5

مكنتش اعرف الطريق ده خاااااالص لكن شوية من اصحابي فتحوا عنيا عليه

وبعدين مدرس الانجليزى ده مكنش وراه حاجه غير انه يحفظنا اغانى

(( انا مهما كبرت صغير )) فاكراها والله لحد دلوقتى

المهم نزلت والرعب كان متملكنى بطريقه غبية

المهم نزلت وزوغت رحت المسجد

شوية كان فات ع الحصة 5 دقايق .. حسيت بتانيب ضمير غير عادى ..

قعدت افكر يا رب يا رب اعمل ايه

طيب يا تري ايه اللى خلانى اعمل كده ..؟؟

وبعدين واحده من صاحباتى كانت رايحه الادارة

لمحتها قمت جريت عليها .. قلتلها ايه الاخبار

راحت البنوتة مبشرانى (( ده المستر هينادى عليكوا فى الطابور ))

ويبعت يجيب اولياء اموركم

مش عاوزة اقولكوا الندم اللى انا كنت فيه

كان هاين عليا اطلع الفصل لحظتها

طبعا مقدرتش ما المستر مكنش هيسكت اكيد يعنى ..

المهم انا كان معايابنتين واحده اللى حرضتنا والتانيه طيبة زيي كده

المهم رجعنا المسجد وقعدنا نفكر

وصلنا لحل جميل .... اننا نمسك القران ونقعد نقرا

وفعلا كنت ساعتها حافظة تقريبا 5 اجزاء قعدت اقرا وهما يرددوا ورايا

والدموع والله مقادرة اوصفلكم ازاى كانت بتنزل من عيوننا



المهم بعد كده اول ما الحصتين خلصوا معرفش ايه الشجاعه اللى دبت فيا قمت رايحه واعت>رت للمستر فى الفسحه

لقيت المستر بيضحك وعادى جدا <_<

بس قاللى انه مكانش نفسه ده يطلع منى لانى شطورة وكده

بس وادانى استيكر


اصلى كنت فى رابعه ابتدائي


.................................................. ....................

كفاية كده النهاردة

عندى احساس انى عاملة الموضوع ده لنفسي

<div class='quotetop'>إقتباس(لؤلؤة @ May 3 2007, 03:03 PM) [snapback]300547[/snapback]</div>

ايه يا رحمة وقال ايه مش عارفين قصصك

ابتدي انت عشان تكون فتحة خير علينا
[/b]

<div class='quotetop'>إقتباس(elma7et @ May 3 2007, 03:11 PM) [snapback]300549[/snapback]</div>

وأنا رأيي من رأى لؤلؤة

ابتدى الأول يا رحمة

علشان الواحد يعرف حدوده فى الكلام :P
[/b]

.................................................. ....................

ادينى بدات :P

يللا اتشجعواااااااا

عادى مش هيحصل حاجه

.................................................. ...........

[لؤلؤة]

ههههههههههههههه
لا حلوة دي يا رحمة

[الاسطورة]

ههههههههههههه

أول مرة تزويغ

ههههههههههههه

انا لو قعدت احكى عن مرات التزويغ ايام الثانوى دى

مشاركاتى ها تسبق أستاذ زيزو :P

[السنونو الطائر]

<div class='quotetop'>إقتباس(لؤلؤة @ May 3 2007, 03:16 PM) [snapback]300551[/snapback]</div>

ههههههههههههههه
لا حلوة دي يا رحمة
[/b]

الله يخليكى

تفتكرى يا الاء احكيلهم ع حكاية يوم الحزن العالمى بتاعة السنة اللى فاتت 18 ابريل اللى محفورة ع حيطة الفصل اللى جنبكوا

ولا احكيلهم ع حكاية السنة دى يوم ما طلعتى لقيتيى مكشرة لما الولاد بتوع الفصل اتريقوا ع كلامى اللى كنت مزينة بيه الحيطه بردو يوم عبد الحب

<div class='quotetop'>إقتباس(elma7et @ May 3 2007, 03:18 PM) [snapback]300552[/snapback]</div>

ههههههههههههه

أول مرة تزويغ

ههههههههههههه

انا لو قعدت احكى عن مرات التزويغ ايام الثانوى دى

مشاركاتى ها تسبق أستاذ زيزو :P
[/b]

استاذ زيزو معندوش اى مانع

احكى انت بس والله عااادى

انا زوغت بعدها كذا مرة بس فى يوم رياضي فى حصة المانى كده يعنى وطبعا ده بمساعدة المدرسين

((مدرسين متعاونين :D ))

[لؤلؤة]

ماشي يا ستي

لا انا حصلى نفس الموضوع

ودي كانت اول مرة اذوغ فيها
وحظي كانت اول سنة ليا في المدرسة معاكم يعني يا رحمة

بس انت كنتي احسن مني انتي كان المستر
اما انا كان دكتور رجب بنفسه شافنا وقلنا اطلعوا مكتبي

احنا وبنتين تانيين
طبعا اترعبنا طلعانا وبندعي ربنا انه ما يفصلناش
و
عدتت اول حصة والدكتور ما جاش
والتنانية ومجاش
والتالتة ومجاش
قولنا اكيد في حاجة روحنا نسال عنه طلع
روح بعد ساعتين من العذاب
بس الحمد لله حصل خير

ها تقوليلي
اهم حاجة في مدرستنا واحلى حاجة انت المدرسين متعاونين مع الطلاب في كل حاجة (مش كله يعني)
يعني في الهروب في الغش في كل حاجة معادا الدراسة

[السنونو الطائر]

<div class='quotetop'>إقتباس(لؤلؤة @ May 3 2007, 03:22 PM) [snapback]300554[/snapback]</div>

ماشي يا ستي

لا انا حصلى نفس الموضوع

ودي كانت اول مرة اذوغ فيها
وحظي كانت اول سنة ليا في المدرسة معاكم يعني يا رحمة

بس انت كنتي احسن مني انتي كان المستر
اما انا كان دكتور رجب بنفسه شافنا وقلنا اطلعوا مكتبي

احنا وبنتين تانيين
طبعا اترعبنا طلعانا وبندعي ربنا انه ما يفصلناش
و
عدتت اول حصة والدكتور ما جاش
والتنانية ومجاش
والتالتة ومجاش
قولنا اكيد في حاجة روحنا نسال عنه طلع
روح بعد ساعتين من العذاب
بس الحمد لله حصل خير
[/b]

مدرستنا دى والله مكان الهام يا بنتى

انا فيها من كى جى وان ولما بقول حد بيقعدوا يحلفونى

مبيصدقوش انى من ابناء المدرسة العظيمة دى

بصي بقي مستر رجب ده ولا يهمك منه

خديه ع جنب قوليله يا مستر لو سبتنى امشي هطلع اقول فيك كلام حلو وخد ال 5 جنيه من غير دوشه يلا بسرعه يا رجب

هيسيبك بعد ما ياخد 10 جنيه

عادى ده رجب

وبعدين مين البنتين اللى كانوا معكى دول

؟؟

وبعدين تتفصلي ؟؟ ضحكتينى يا شيخه

ده وانا فى 3 اعدادى اتنين من ثانوى اتخانقوا على بنت فراح الاولانى دخل راس التانى فى ازاز فصلنا راحت راسه اتفتحت

الواد بقي صحبه اتحمق قام مطلع مطوى ومشرح ايد الواد اللى ضرب صاحبه

فصلنا كان منقط بالاحمر اليوم ده

وشنطتى جه عليها دم يع

المهم ده كله وواحد وداه المستشفى والتانى فصله اليوم ده وتانى يوم جم المدرسة كل واحد فيهم مربوط

عادى جدا

قال يفصلك قال

[لؤلؤة]

يا رحمة يا بنتي كنت لسةة في بداية السنة معرفش حاجة في المدرسة

اللي في فصبى اولاد بيتفصلوا كل يوم ومنهم ضوغام وشلة العراقيين

وده اللي خاوفني بس وبد كده عرفت انهم بيتفصلوا وبيجوا تاني يوم عادي جدا كانك مفيش
حاجة حصلت

ولا الموقف اللي حصلي مع مستر مدحت بتاع الفلسفة
هابقى اقوله بعدين بس انا هامشي دلوقتي عشان اللي في البيت
عايزني اذاكر

سلام

[السنونو الطائر]

<div class='quotetop'>إقتباس(لؤلؤة @ May 3 2007, 03:38 PM) [snapback]300558[/snapback]</div>

يا رحمة يا بنتي كنت لسةة في بداية السنة معرفش حاجة في المدرسة

اللي في فصلى اولاد بيتفصلوا كل يوم ومنهم ضرغام وشلة العراقيين

وده اللي خاوفني بس وبد كده عرفت انهم بيتفصلوا وبيجوا تاني يوم عادي جدا كانك مفيش
حاجة حصلت
[/b]

اه كنتى لسه نيو ع مدرستنا

معذورة :D

اللى بيتفصلوا فى فصلك دول ذوى شهرة عاااااااالمية

انتى بتتكلمى فى ضرغام وفرات والعيال دى يا ماما دول عندهم 18 و 19 سنة

لا دول بيروحوا يسلموا ع عمو رجب ويقولوا احنا ماشيين عندك اعتراض يا باشا

يروح قايلهم اتفضلوا فى رعاية الله ربنا يوفقكم يا ولادى ....

وبعدين زى ما انتى بتقولى فصلك ده فى ناس تحفة

نصيبك بقي

<div class='quotetop'>إقتباس(لؤلؤة @ May 3 2007, 03:40 PM) [snapback]300558[/snapback]</div>

ولا الموقف اللي حصلي مع مستر مدحت بتاع الفلسفة
هابقى اقوله بعدين بس انا هامشي دلوقتي عشان اللي في البيت
عايزني اذاكر

سلام
[/b]

مستر مدحت ده ع فكرة بتاع فلسفة ثانوى

كان بيدى عربي وحساب لاخويا فى اولى ابتدائي والله

(متقوليش لحد )

بس والله مستر عثل كان مبهدل العيال ويا عينى ككل المدرسين كان فاكرنى هادية

كان بيخاف يكلمنى لعيط

فى رعاية الله يا الاء

مستنية الحكاية دى بقي


وروحى ذاكرى يختى :D حد بيذاكر فى اولى ث غيرك :D

[manar]

ههههههههه ايه الموضوع المضحك ده
بما ان انتوا بتكلموا عن التزويع
يالهووووووووووووووووووى مره حصلتلى وياريتنى ما عملتها ربنا ياخد صحبتى منها ليه اصدقاء سوء بقى تقولى ايه
المهم مره زوغت من حصه انجيليزى مبفهمش حاجه من المستر وانا اجارك الله منى فى الانجيليزى لا افقه شيئا
قمت راحه ماشيه من الفصل وكان معايه صحبتى
قام دخل المستر والله العظيم يا بنتى اول مره يسال عن عدد الحاضرين واستغرب ازاى انا متسجله فى الحضور وانا مش موجوده
قام كتب اسامينا فى ورقه ووداها للوكيله
يالهوى قامت الوكيله جيبانا من قفانا واخدنا تهزيق لرب السما والله اول مره ازوغ والمستر مصمم يجيب استدعاء ولى امر
واحنا نقول خلاص والنبى يا مستر خلاص ونعيط ونا بستهبل وعامله بعيط وكنت عايزة اكركر
بس الحمد لله معملش حاجه وخلاص على كده
والسلام عليكم ورحمه الله وبركاته

[السنونو الطائر]

<div class='quotetop'>إقتباس(نورا11 @ May 3 2007, 04:15 PM) [snapback]300564[/snapback]</div>

ههههههههه ايه الموضوع المضحك ده
بما ان انتوا بتكلموا عن التزويع
يالهووووووووووووووووووى مره حصلتلى وياريتنى ما عملتها ربنا ياخد صحبتى منها ليه اصدقاء سوء بقى تقولى ايه
المهم مره زوغت من حصه انجيليزى مبفهمش حاجه من المستر وانا اجارك الله منى فى الانجيليزى لا افقه شيئا
قمت راحه ماشيه من الفصل وكان معايه صحبتى
قام دخل المستر والله العظيم يا بنتى اول مره يسال عن عدد الحاضرين واستغرب ازاى انا متسجله فى الحضور وانا مش موجوده
قام كتب اسامينا فى ورقه ووداها للوكيله
يالهوى قامت الوكيله جيبانا من قفانا واخدنا تهزيق لرب السما والله اول مره ازوغ والمستر مصمم يجيب استدعاء ولى امر
واحنا نقول خلاص والنبى يا مستر خلاص ونعيط ونا بستهبل وعامله بعيط وكنت عايزة اكركر
بس الحمد لله معملش حاجه وخلاص على كده
والسلام عليكم ورحمه الله وبركاته
[/b]

ههههههههههههههههههههههههههههههه

كلنا بنزوغ فى حصص الانجليزى :D

لأ وكنتى بتمثلي يا حيييييينى

طيب تخيلى فى الموقف ده وراحت الضحكة طلعت منك .... طبعا هتبقي فى موقف لا تحسدين عليه

بس انتى واخده بالك كل المدرسين بيتقنوا فن التخويف يعنى هنعمل وهنسوى وفىالاخر ولاااا بيحصل اى حاجه

الاجيال الجديده دى يا بختها خلاااص الطرق دى متخيلش عليهااااااااا

احنا كشفناهالهم

نورااا يلا احكى تانى ... انتى لذيذة والله

سلام

[أحمد2025]

أولا : شكرا على الموضوع
ثانيا : أنا دلوقتى فى ثانيه ثانوى
شوفوا بقى أنا فى الأيام اللى رحت فيها المدرسه مقعدتش فى المدرسه بعد الحصه الثالثه
ومره كنت عايز أنط من على السور وكان فى أستاذ جااامد قوى علسه الإشراف
وبعدين أنا فى الحوش وكنت بنادى واحد صحبى ومعرف ان الأستاذ واقف ورايا
وأنا بقول لصحبى يالا علشان نهرب مردش وكان باصص ورا وأنا عمال ازعق وهو باصص ورا وقول يالا يامحمد علشان ننط
وهو باصص برده ورا المهم بصيت لقيت الأستاذ فى وشى وبيقولى تعالى يالا أنا سبته وطيرت على السور ومن ساعتها مشفش وشى

[JuMpO]

الحمد لله ولا مرة زوغت ده باعتبار ان انا مدخلتش مدارس

بس حكايتكم تفطس من الضحم والله ولسه