فرض ضرائب على السجائر والأسمنت والحديد

[منتصر23]

فرض ضرائب على السجائر والأسمنت والحديد

الثلاثاء، 18 مايو 2010 - 17:29

فرض ضرائب على السجائر والأسمنت والحديد


وافق مجلس الشعب فى جلسته المسائية برئاسة الدكتور سرور زيادة الإنفاق فى الموازنة 2010/2011 بمقدار سبعة مليارات جنيه من خلال فرض ضرائب على الأسمنت والحديد والسجائر المستوردة والمعسل والنشوق والاقتراض وإصدار أسهم وسندات وتوفير منح خارجية.

وشهدت الجلسة افتراضات شديدة من جانب نواب المعارضة والمستقلين الذين رفضوا الموازنة الجديدة، وكان أبرز الانتقادات هى أن تقرير لجنة الخطة والموازنة التى تضمنت تلك الزيادات وإدخال تعديلات على الموازنة لم يتم توزيعها على النواب إلا أثناء الجلسة وبعد أن ألقاه المهندس عز.

وقال المهندس عز إن التمويل الزيادة فى الإنفاق يتم من خلال ثلاثة مصادر أولها إصدار أوراق وأسهم بثلاثة مليارات جنيه والثانى بزيادة اعتمادات المنح التى وعدت الحكومة بها وهى ستوفر 2 مليار جنيه والثالث بفرض رسوم وضرائب ستوفر مليار و95 مليونا بزيادة الإيرادات الضريبية من خلال فرض ضريبة مبيعات على الأسمنت بواقع 5% على طن حديد التسليح و8% على طن التسليح بدلا من 5% والأسمنت 5% ضريبة مبيعات بدلا من الوضع الحالى سيكون 25 جنيها على الطن بدلاً من 2.5 جنيه وتعديل فئات الضريبة على السجاير المستوردة للشركات الدولية والمعسل والنشوق، بحيث يتم فرض ضريبة 40% على كل 20 سيجارة ودون أى مساس للسجاير الشعبية حتى لا تتأثر أسعارها مع وضع حد أدنى لرسم تنمية الموارد المفروضة على الطفلة التى تستخدمها مصانع الأسمنت بواقع 15 جنيها على كل طن إنتاج.

وأكد عز أن ضريبة السجائر المستوردة ستصب مباشرة فى دعم العلاج على نفقة الدولة، وأكد المهندس أحمد عز رئيس لجنة الخطة والموازنة أن اللجنة أدخلت تعديلات جديدة على 6 بنود بمشروعى الموازنة العامة وخطة التنمية ومصادر تمويلها بزيادة 7 مليارات جنيه و470 مليون جنيه، وذلك بزيادة اعتمادات البال الأول الخاص بالأجور وتعويضات العاملين بمبلغ 200 جنيه لتحسين دخول الإخصائيين بقطاع الصحة وزيادة اعتمادات الباب الثانى لشراء السلع والخدمات بمبلغ 500 مليون جنيه منها 200 مليون جنيه لتعزيز اعتمادات صيانة وتطهير الترع والمصارف والمساهمة فى حل مشكلة وصول المياه لنهايات الترع و300 مليون جنيه أدوية للعلاج المجانى بالمراكز الطبية المتخصصة ومستشفيات ومديريات الشئون الصحية بالمحافظات.

وتتضمن التعديلات زيادة اعتمادات الباب الثالث الخاص بالفوائد بمبلغ 514 مليون جنيه لسداد فوائد السندات الدولارية وزيادة اعتمادات الباب الرابع للمنح والمزايا بمبلغ 1200 مليون جنيه منها 1000 مليون جنيه لتعزيز اعتمادات برنامج العلاج على نفقة الدولة لترتفع اعتماداته لنحو 2.5 مليار جنيه فضلا عن 200 مليون جنيه زيادة لمعاش الضمان الاجتماعى وزيادة كذلك بمبلغ 5060 مليون جنيه لاعتمادات الباب السادس للاستشارات يخصص منها 3000 مليون جنيه لزيادة اعتمادات مشروعات مياه الشرب والصرف الصحى و500 مليون جنيه لديوان عام التنمية المحلية، فضلا عن 400 مليون لمشروعات الرى و300 مليون لمشروعات الطرق و250 لمشروعات الصحة و150 مليون جنيه للتعليم و150 للتعليم العالى.

وتشهد الزيادة 80 مليونا للمجلس القومى للرياضة و70 مليونا للقومى للشباب و40 مليونا لإحلال وتجديد المساجد

المصدر اليوم السابع ورابط الخبر هو
http://www.akhbarak.net/articleview.php?id=1910013

[منتصر23]

اللهم بارك لهم وزدهم وكتر من أمثاله واجعلهم في رخاء دائماً انك انت السميع العليم.
اللهم افقرنا واغنيهم.. اللهم عرينا وغطيهم.. اللهم جوعنا وشبعهم.. اللهم سقط أولادنا ونجح أولادهم.. اللهم احرمنا ودلعهم.. قولوا امين امين امين..

[منتصر23]

مش برضـــــه الضريبه دى ع الاسمنت وحديد التسليح هاتولع فى أسعار وايجـــارات الشقق اللى مولعه أصـــلا . فين دخل قناة السويس والبترول والسياحه والضرايب السابقه بأشكالها وأنواعها المختلفه اللى قاطمه وسط جميع شرفاء مصـــــــــــــر

[منتصر23]

وطبعا ضرايب الحديد المستورد هي طبعا لصالح الزعيم احمد عز صاحب قانون الاحتكار علشان يكمل بقيت الطبخة ويقدر يرجع بمتلك سوق الحديد في مصر وسلم لي على الشعب المصري وموارده المالية

[منتصر23]

الله -يخرب بيتك - يا نشق -يانششقى - يابتاع النشوق ...!!!! (مع ألأعتذار ل - امين هنيدى) .... نشوق ايه ، ومعسل ايه ؟ هوه .. احنا نيجى فى الهايفه ونتصدر ...؟؟؟ قال نشوق قال !!! نشوق ايه ياعم الحاج ؟؟؟؟ هوّه - فى حد لسه بيستعمله ؟؟؟ على فكره لو ألأمريكان سمعوا الكلام ده - حيقولوا عليه - ده سلاح دمار شامل ..... وعيتك ماتشوف اللآّ النور ..!!!!

[Mr. Medhat Salah]

هههههههههههههه

الحكومه في اواخر عهدها

[™Myth D™]

طب السجاير ماشى ونفرح كمان اما الاسمنت والحديد لية!!!!!! حسبى اللّة ونعم الوكيل

[أ/رضا عطيه]

وليه لأ؟ هو الغلبان اللى بيشترى طن حديد ولاإتنين ولاخمسه فى العمر كله هيدفع كام يعنى
طيب واللى بيشترى يوميا عشرة طن ده غلبان وزعلانين على زعله
ياناس اعقلوها بقى - وبلاش معارضه على طول الخط إلا إذا كنتم من النوع التانى- وشكرا

[M.Ahmed Elsaid]

وقال ايه الحكومة زعلانة من دول حوض النيل واللى عاملاه فينا

طيب يا جماعة ما تشوفوا نفسكم الاول واللى انتم عاملينه فى الناس

وفى الاول والاخر كل حاجة بتيجى على حساب المواطن الغلبان


اخرتها ايه يا ناس ؟؟

اكيد فيه اخر .... صح ؟؟

[BaNZeR]

مش عز موجود ؟ خلاص مش لازم الحديد بقى !*!