مسائل الشرط اللازم

[omarelasd]

لو سمحت انا مش فاهم مسائل الشرط اللازم

[الاستاذ محمد سرور]

حط اى سؤال وستجد الاجابة عليه ان شاء الله

[kha--led]

هو فين درس الشرط اللازم ده
انا مش لاقيه في المنهج "؟؟

[مصطفي الحداد2010]

أنا أجوبك يا حبيبي ، مسائل الشرط اللازم دي بتبقي أسئلة بيطلب فيها علاقة بين معاملات المعادلة . يعني ( عايز علاقة بين أ ، ب ، ج) بتوع المعادلة ومعادلة تانية .
مثال ما هو الشرط اللازم والكافي ليكون مجموع جذرى المعادلة أ س2 +5جـ أ س+د = صفر يساوى حاصل ضرب جذرى المعادلة س2 ــ أس + د جـ = صفر
الحل

هنجيب مجموع الجذرين من المعادلة الاولي ونساويه بحاصل ضرب الجذرين في المعادلة الثانية

مجموع الجذرين للمعادلة الأولي = - 5جـ أ / أ =- 5جـ

، حاصل ضرب الجذرين للمعادلة الثانية = دجـ
هنساوي مجوع الجذرين اللي جبناه من المعادلة الأولي بحا صل ضرب الجذرين للمعادلة التانية
-5 جـ = د جـ هنلاقي إن د = -5
بمعني الشرط هو أن قيمة د = - 5

سؤال واجب بقا ليك : ما هو الشرط اللازم والكافى لكون مجموع جذرى المعادلة
أس2 +5جـ أ س+د = صفر
يساوى الفرق بين جذرى المعادلة س2 ــ ب س + د جـ = صفر
مستني الحل

[البرهان الرياضى]

شكرا يا أستاذ مصطفى
وربنا يجعله فى ميزان حسناتك

[مصطفي الحداد2010]

بارك الله فيك


اللهم إجعلنا عوناً لكل محتاج