عندما اعتذرت اسرائيل....و احنا اللى انضربنا

[ملك الوحوش]

بسم الله الرحمن الرحيم

بقالنا فتره كل لما نروح نلعب فى بلد مجاور نتعرض للضرب و الاهانه للبعثه....زى ما يكون اسم مصر بقى غير مرغوب فيه عند ناس كتير....و للاسف ان فن اداره الازمات مش موجود فى النظام المصرى اطلاقا...

انا هاقول موقف حصل و نقارن بينه و بين تعامل الاداره المصريه مع ما يحدث من تجاوزات ضد البعثات الرياضيه المصريه....
الموقف مشهور جدا و كان بين تركيا و اسرائيل و تقريبا حصل فى نفس وقت الاعتداء على الجماهير المصريه فى ام درمان....

(تركيا عرضت مسلسل شتمت فيه اسرائيل و بهدلتها و طبعا انتو عارفين ان الصهاينه كلاب و مايحبوش حد يتريق عليهم....راحت اسرائيل تانى يوم استدعت السفير التركى عندها و خلوه يقعد على كرسى صغير و واطى اوى قدام مساعد وزير الخارجيه الصهيونى الى قعد على كرسى كبير و مرتفع عن الارض....و راح مشرشرح له على ان ازاى مسلسل زى دا يتعرض و يشتم اسرائيل....)

تانى يوم راحت الخارجيه التركيه مطلعه بيان بتطالب اسرائيل فيه انها يا اما تعتذر خلال 24 ساعه يا اما قطع العلاقات نهائيا....
و زى الكلاب اعتذروا الصهاينه امام تركيا اللى رغم كل المصالح اللى بينها و بين اسرائيل الا انها حطت المصالح فى كفه و الكرامه فى كفه تانيه
....و بكده انتصرت السياسه التركيه فى اداره الازمات و اعادت كرامه السفير التركى امام اداراه السفاحين....

انما احنا....ننضرب....نتشتم....نتبطح....مش مهم....معلش....احنا عرب....لحد ما الصغير قبل الكبير ركب علينا....و الصراحه عندهم حق لان مافيش حد وقف لهم....و سيستمر مسلسل التعدى على البعثات الرياضيه المصريه فى قادم الايام...و يستمر تكبير الدماغ....الى ان نصحو على كارثه لا يعلمها الا الله....
اخيرا....يا نلحق نسجل موقف رسمى امام كل الى يتعدى على البعثات المصريه الرياضيه و نردع اى حد يفكر يعمل كده تانى....يا اما الكل هايفتكر اننا هفاات و هانبقى ملطشه للناس كلها لما نروح فى اى حته....
اللينك بتاع اللى حصل بين تركيا و اسرائيل اهو....
http://www.elbashayeronline.com/news-78890.html

[™Myth D™]

لا تعليييييق شكران على الخبر

[Mr. Medhat Salah]

هيجي يوم تنشري مسك وبخور عشان يبقي اسمك كلمة حلوة منوره بين السطور يا مصر

[omzoda]

انت لسه فاكر الموضوع ده
اما والله العظيم...