ســـــــــــؤال يقال انه سهل بس مش مقتنعه باجابته..

[اوركيد كووول]

السؤال دا انا سالت عليه كذا مدرس بس مش مقتنعه بالاجابه يا ريت اعرف اجابتكم فيه

ما النتائج المترتبه ع:-

-انطلاق اشعه المهبط .

انا فى مدرسين قالولى اكتبى خواص اشعه المهبط
و فى مدرسين تانين قالولى اكتبى استخدامات ماده المهبط نفسه و دى حاجه مش علينا
فا انا عايزه اعرف رايكم عشان بجد ع اد ما هو سهل بس ممتنع

[Mo_Hegab]

اولا
مفيش ما النتائج المترتبه على فى الكيمياء

ثانيا لو جه مثلا سؤال زى ده
يبقى عاوز خواصها
مثلا احداث وميض على جدار انبوبة التفريغ . تعمل على توصيل التيار خلال الغازات المخلخله تتاثر بالمجالين الكهربى والمغناطيسى

[3d-des]

الاستنتاج والخواص الاتنين تكتبهم

[osama said mosa]

تقدم رهيب فى علم الكيمياء الكهربيه متل اختراع لمبات النيون

[اوركيد كووول]

المشاركة الأصلية كتبت بواسطة mo_hegab

اولا
مفيش ما النتائج المترتبه على فى الكيمياء

ثانيا لو جه مثلا سؤال زى ده
يبقى عاوز خواصها
مثلا احداث وميض على جدار انبوبة التفريغ . تعمل على توصيل التيار خلال الغازات المخلخله تتاثر بالمجالين الكهربى والمغناطيسى

ما هو بيجى بصيغه تانيه مش لازم يجيب ما النتائج سؤال كامل

3d-des الاستنتاج والخواص الاتنين تكتبهم

اممممممممممممممم

osama said mosa تقدم رهيب فى علم الكيمياء الكهربيه متل اختراع لمبات النيون

ما الاجابه دى مش علينا و اللى بيعلم الامتحان بيبقى ملتزم بنموذج

مرسيه كتير يا جماعه بس يا ريت لو فيه موجه يقولنا وجهه نظره

[M i D o O o]

اعتقد ان النتائج المترتبة على انطلاق اشعة المهبط هى التوصل الخاطئ لاستنتاج طومسون للذرة على ما اعتقد

[داليا عبد الباسط احمد]

النتائج المترتبة على انبعاث اشعة المهبط هى حدوث وميض عند الاصتدام بجدران الانبوبة لان لها تاثير حرارى

[صلاح عشرى]

يا ريت يبقى السؤال من المنهج ابو عشرى

[mohamed hassan abdalla]

إكتشاف الإلكترون ( الجسيم السالب الشحنة الذي يدخل في تركيب ذرات جميع المواد )

[العشري]

خروج ارسطو بالنموذج الذري الخاص به pudding واكتشاف الإلكترونات كما قال الستاذ محمد حسن الكبير

[a7mad 3abdo]

يوجد كثير من الاجابات علي هذا السؤال و كلها صحيحة ,
و نموذج الاجابة - علي فكرة - بيكتب الاجابات و بعدين يكتب ( او اي اجابة اخري صحيحة )
و المدرس اللي بيصحح بيبقي فاهم مش بيلتزم بحروف النموذج
و السؤال دا مش موجود في الامتحانات السابقة , و مش مكتوب سؤال مشابه في دليل التقويم او كتاب المدرسة
الخلاصة : لن ياتي السؤال علي هذا النمط , السؤال بييجي مباشر : ما خواص اشعة المهبط ؟ , لا تختلف اشعة المهبط باختلاف نوع الغاز او نوع مادة الهبط , ...
بس السؤال دا موضوع في كتاب ايه ؟

[احمدسيف الاسلام]

تقريبا والله اعلم

تمكن العلماء من استخدامه في تطورات في الكيمياء واستخدمو الغازات كموصلات كهرباء

وتقريبااا الاسئله اللي بيبقا عليها جدال مش بتيجي

وربنا يستر علينا السنه ديه

[وسامى]

المشاركة الأصلية كتبت بواسطة mohamed hassan abdalla

إكتشاف الإلكترون ( الجسيم السالب الشحنة الذي يدخل في تركيب ذرات جميع المواد )

انطلاق اشعة المهبط يدل على خصائصها وترتب عليه امكانية تأين الهواء وجعله يوصل الشحنات الكهربية وهذه الشحنات هى الالكترون الامر الذى قاد طومسون لاكتشاف الالكترون. والسؤال عمره ما يجى بالشكل ده