ال مستر سي و د / عاطف ونوابغ الكيمياء أرجو المساعده بسرعه

[osama said mosa]

ورد فى امتحان الثانويه العامه رسمة الخليه الجلفانيه وطلب هل هى أوليه أم ثانويه ؟
ازاى بقى أعرف اذا كانت أوليه أو ثانويه من الرسم ؟

[rove angel]

الإجابة بإذن الله هي إن الخلية الجلفانية خلية أولية

وذلك مش من خلال الرسم ولكن لتوقف التيار المار في السلك عند :

1- ذوبان كل فلز الخارصين

2 - تحول جميع أيونات النحاس إلي فلز النحاس

ولا يمكن إعادة شحنها بعد ذلك لذا فعندها تكون عملية أكسدة واختزال تلقائي والتفاعل غير انعكاسي ..

أعتقد بإذن الله تكون دي الإجابة ..

ولو غلط أكيد مدرسين المنتدي الأكفاء يقوموا الإجابة إن شاء الله ..

ربنا معانا كلنا ....

[osama said mosa]

أشكرك ع المحاوله لكن أعتقد ان أساتذتنا هيكون ليهم رأى فى هذا الموضوع

[hema_maf]

المشاركة الأصلية كتبت بواسطة rove angel

الإجابة بإذن الله هي إن الخلية الجلفانية خلية أولية x

يتهيألى السؤال سهل ,, يعنى الأول هتعرف تعريف الخلية الأولية :: أنظمة تختزن الطاقة فى صورة كيميائية يمكن تحويلها عند اللزوم إلى طاقة كهربائية و ذلك خلال تفاعل اكسدة و اختزال تلقائى غير انعكاسى , و تتوقف عن العمل زى ما قالت rove angel عندما تستهلك مادة المصعد أو تنضب أيونات نصف خلية المهبط.

و الخلية الثانوية تعريفها :: خلايا جلفانية تتميز بأن تفاعلاتها الكيميائية تفاعلات انعكاسية , فهى تختزن الطاقة على هيئة طاقة كيميائية والتى يمكن تحويلها مرة أخرى إلى طاقة كهربية عند اللزوم و يمكن إعادة شحنها بإمرار تيار كهربى من مصدر خارجى بين قطبيها فى اتجاه عكس عملية تفريغها ( عملية الشحن)


هتلاحظ إن الإتنين أنواع خلية جلفانية , يعنى مش هتعرف تعم الحكم على الخلية الجلفانية ,, والدليل انه رجع ذكر 4 امثلة خلايا جلفانية منهم اتنين خلايا أولية ( الجافة - الزئبق) و اتنين ثانوية - يمكن شحنها - ( نيكل كادميوم - الرصاص الحامضية ) .


يا رب أكون عرفت أجاوب على سؤالك ؟؟ يعنى على حسب الخلية اللى قصادك , تشوف ممكن تعكسها ولا لأ ؟!

هممم ولا المقصود خلية دانيال ؟؟ , خلية دانيا خلية ثانوية , يمكن توصيلها بتيار كهربى من مصدر خارجى أعلى منها بنسبة بسيطة فى فرق الجهد بين قطبيها فى اتجاه عكس عملية تفريغها.


و ياريت تجيب سنة الإمتحان اللى ورد فيها السؤال

[waleedebrahim]

السؤال ده ورد في امتحان 2007 دور اول و جابتك صح . انا مدرس كيمياء

[osama said mosa]

مش فاهم أرجو التوضيح

[hema_maf]

المشاركة الأصلية كتبت بواسطة waleedebrahim

السؤال ده ورد في امتحان 2007 دور اول و جابتك صح . انا مدرس كيمياء

شكرااا جزيلا يا مستر على متابعتك

المشاركة الأصلية كتبت بواسطة osama said mosa

مش فاهم أرجو التوضيح

مش فاهم ايه بالظبط يا أسامة ؟؟

[hema_maf]

تعدييييييييييييييييييييييييييل ::-

خلية دانيال خلية أولية ( شكرا مستر سيد ), لا يمكن شحنها مرة أخرة لإستنفاذ مادة الأنود ونضوب أيونات الكاثود.

ودا كما ذكر فى ويكيبيديا

Non-rechargeable: primary cells : Daniell cell

[Mo_Hegab]

اعتقد الصورة دى توضح ان خلية دانيال يمكن اعادة شحنها
المصدر
http://www.mpoweruk.com/chemistries.htm

[hema_maf]

السؤال جه فى امتحان 2007 بتاع أختى ,, و كانت الإجابة الصح "أولية" و لكن اتفقوا فى الآخر على توزيع درجة السؤال لإن الكتاب مش شارحها .

http://en.wikipedia.org/wiki/Daniell_cell

Non-rechargeable: primary cells : Daniell cell

هتلاقيها فى الجدول فى آخر البحث.

صور إضافية :

[Mo_Hegab]

المشاركة الأصلية كتبت بواسطة hema_maf

السؤال جه فى امتحان 2007 بتاع أختى ,, و كانت الإجابة الصح "أولية" و لكن اتفقوا فى الآخر على توزيع درجة السؤال لإن الكتاب مش شارحها .

http://en.wikipedia.org/wiki/daniell_cell

non-rechargeable: Primary cells : Daniell cell

هتلاقيها فى الجدول فى آخر البحث.

صور إضافية :

فعلا السؤال جه وتم توزيع الدرجات لانها خليه ثانويه مش علشان مش موجوده فى الكتاب ولكن نموذج الاجابة كان عملها اوليه فالمصححين عارفين انها ثانويه وتم الاتصال بالمستشار وتم توزيع الدرجه

بالنسبه للصور فانت جايبها لعمليةالتفريغ واكيد هيكتب لك انها غير مشحونه ولكنها ثانوية

[hema_maf]

همممممم

سيبك من الصور دى و ركز على الجدول دا

[hema_maf]

تمام كده ؟؟؟