بليز ساعدونى بس ياريت اللى يرد يكون متأكد من كلامه لو سمحتم

[soso_love]

دلوقتى انا مليت الاستمارات طبعا خلاص بس غبت كتير اوى بعديها
فاتفصلت من المدرسة وبقيت منازل
دلوقتى عندى سؤال

فى مدرسة عن فى المدرسة بتقولى لازم اعمل اعادة قيد عشان اقدر ادخل الامتحان بس هفضل منازل برضه
وفى مدرس تانى بيقولى لا و لا اعادة قيد ولا حاجة انتى مادام اتفصلتى كدة بقيتى منازل وكدة كدة هتخشى الامتحان

انا عايزة اعرف ايه اعادة القيد دى ؟ يعنى هعملها عشان اخش الامتحان فى اخر السنة ولا دى هترجعنى انتظام تانى ؟

وفى برضه ناس قالولى دى اشتغالات بس عشان يخوفوا الطلبة لكن مفيش فصل ولا منازل ولا حاجة مادام ملينا الاستمارات بتاعة ثانوية عامة

بس خدوا بالكوا ان المدرس اللى قالى مش لازم اعمل اعادة قيد قال ان دة نظام جديد من السنة دى
فبليز بس اللى يقولى يكون متأكد من مصدره

[nagar3321]

ياريت تقولينا ان دا اول فصل ليكى فى المرحلة الثانوية ام لا

لان اول فصل فمن حقك اعادة القيد ويتم تعديل حالتك من منازل الى

اما لو تانى مرة فسوف تظلى منازل

[nagar3321]

وبعدين مش معنى انك مليتى الاستمارات زي زميلنا المفتى المدرس ان هذا لا يمنع فصلك

فمن حق المدرسة ان تقوم بفصلك وارسال قرار الفصل الى لجنة النظام والمراقبة

وفى هذه الحالة تقوم اللجنة بتحويلك مباشرة الى نظام المنازل

وسف ياتى لكى رقم الجلوس انك منازل

وللاسف هذا المدرس الذى قال لكى هذا الكلام اكيد اما انه بيعطى دروس ولا يريد من الطلاب الحضور الى المدارس

او انه لايفقه شئ

[emanzaki69]

السلام عليكم و رحمة الله و بركاته
اناعندى استفسار عن نسبة الغياب المقرره فى التيرم الثانى هى كم يوم
لان انا عدد ايام غيابى 16 يوم منفصل و شئون الطالبات قالولى ان فيه قرار فصل هيطلع لنصف عدد الطالبات اللى فى ثانيه ثانوى
و ان نسبة الغياب المقرره هى 15 يوم سواء متصل او منفصل و بعده يتم فصل الطالب ده قرار جديدلسه واصل الاربعاء 7\4\2010
فهل ده صحيح مع العلم ان فى بداية التيرم الثانى قالولنا فى المدرسه ان جالهم منشور بان نسبة الغياب 15 يوم متصل او 30 منفصل وانه لن يعتدبالغياب فى التيرم الاول و انا بالفعل وصلنى جواب من المدرسه بتاريخ 1\4 ليبلغنى بغيابى 14 يوم و الكلام ده مذكور فيه
بعدين لو كلامهم صح ده معناه انى هاتحول منازل ولا اعمل اعادة قيد
و ارجوك قولى هو ايه الفرق بين المنازل و المنتظم بالمدرسه
لانى باسمع كلام كتير و مش عارفه الصح ايه
ده غير ان كتير مننا حاسس بالظلم الشديييييد لان القرار مفاجئ و باحاول اتجاهل الموضوع و اركز فى المذاكره لكن مش قادره
اسفه للاطاله و فى انتظار رد حضرتك

[MiSty AnGel]

علي فكره كلنا في نفس المشكله
بس اللي اعرفه ان اعادة القيد اتلغت وكمان الله واعلم الوزير الجديد ده هيعمل ايه مع بتوع المنازل
ياريت حد من المدرسين الفاهمين الموضوع ده يردوا علينا

[soso_love]

انا فى الصف الثانى الثانوى
واتعديت ايام غيابى عشان كدة اتفصلت واتحولت منازل
وانا اصلا كنت عايزة اكون منازل من الاول لان كدة احسنلى من وجهة نظرى

كل اللى عايزة اعرفه دلوقتى فعلا مش هخش الامتحان ولا ايه ؟
انا سأل كل الناس قالولى عادى هتدخلى الامتحان لكن على انك منازل وهيتكتب على رقم جلوسى كدة

دة صحيح ولا لا ؟

وامتحان المجالات اروحه عادى ؟

[hoda 2012]

انا تالته ثانوى واتفصلت وعملت اعاده قيد وعادى خالص رجعت انتظام وطبعاً لازم علشان ترجعى انتظام تعملى كده

[Dr. Toka]

عادى جدا هتعملى اعادة قيد ببساطة اوى وهترجعى مدرستك عادى ومش هتبقى منازل بس لازم تلتزمى لانك لو ملتزمتيش بعد اعادة القيد هتتحولى منازل