يوم 2\4 يوم المعلم المساعد المصرى كونلك دور

[jaber4u079]

الى كل المعلمين المساعدين الناجحين فى الكادر والحاصلين على الicdlاحنا كلنا عارفين ان هدفنا واحد وهو الصراحة هل هما بجد هايثبتونا ولا لا لية الوزير ولا اى مسؤول ميطلعش ويقولنا الصراحة فى تعيين ولا لا طيب اية رايكم هما مش شرطوا مدة من 1\4\2008 الى1\4\2010 احنا نفذنا كل اللى قالوا علية نجحنا واخدنا الرخصة وتقريرنا تمام وشاغلين لينا 3 او4 او5 سنين طيب تعالو احنا نجبرهم على اخد القرار يوم 1\4\2010 نشوف الوضع ويوم 2\4 مش شاغلين ايوة هو الحل فى الاضراب وسيبوكم من الخوف هو فى اخر الترم هايجيب 70الف منين يشغلوا المدارس دا كل مدرسة فيها على الاقل3او 4 مدرسين مساعدين ياعنى على الاقل 100حصة هتبقى فاضية فى اليوم فى كل مدرسة احنا بنقول خد يومين عارضة من اجازاتك العارضة 2\4 ويوم3\4 بس هما هاييحسو بينا وساعتها يمكن حد يرد علينا رد شافى ويريحنا ولو مشاركتك فعلية اشترك معنا فى جروب المعلم المساعد المصرى الناجح فى الكادر وتعالا نايد حملة 2\4 وقفة المعلم المساعد بجد
http://www.facebook.com/group.php?gid=371172862300

[abdulmaksoud]

احسن فكرة وانجح قرار ولازم النقابة تقف معانا و تساعدنا على هذا هو فية حاجة اسمها مدرس متعاقد و الله حاجة مشينة خالص يا ناس ارحمونا يا بينا نقف اما مبنى الوزارة لغيط ما يثبتونا

[أ/محمد على عاشور]

معاكم والله خالينا نخلص

[newir_1f]

ممكن ألفت نظرك إن يوم 02/04/2010 هو يوم جمعة ( أجازة يعنى )
وإن يوم 03/04/2010 هو يوم سبت ( أجازة فى المدارس اللى مش فترتين )
يعنى 90% من المدارس اجازة فى اليومين اللى انت طلبتهم

[newir_1f]

ممكن نقول ان المعلم المساعد بالنسبة للوزارة هو يتميم
ويوم الاحتفال باليتيم فى العالم كله يوم 02/04

[jaber4u079]

اسف ياجماعة والله عدت عليا حتت الجمعة دى بس لو احنا ناوين جد ممكن نتفق على يوم تانى المهم اننا نتححرك

[ا/توفيق عزت]

يوم 2/4 يوم جمعة
3/4 السبت اجازة فى كل المدارس تقريبا
4/4 عيد الاخوة المسيحيين
5/4 شم النسيم
6/4 الثلاثاء ممكن احدى هذه الاقتراحات : -
1 - من الساعة 10 صباحا توقف عن العمل سواء بعدم دخول الحصة او الدخول بدون شرح او عمل
2 - عدم الذهاب الى المدارس و يحتسب يوم عارضة للجميع
3 - الخروج من المدارس و ارسال خطاب احتجاج موصى عليه بعلم الوصول و مسجل الى مكتب وزير التعليم
و بذلك يصبح امام الوزير حوالى مائة الف خطاب يوم الاربعاء و الخميس
( ملحوظة : يوم 1/4 الذى من المفروض ان تحسم الوزارة امرها لانه آخر ميعاد فى التعاقد هو يوم كذبة ابريل )

[Mr.Shaaban]

حسبنا الله ونعم الوكيل

[امل بلا امل]

عايزة اقولكم يا جماعة ان مش كل الناس آخر يوم ليها فى التعاقد 1/4
احنا عقدنا خلص 1/3 وقولنا هيحصل حاجات كتير
لكن رجعوا عملوا عقد تانى سنة
ياريت يكون الحماس ده عشان الوضع اللى كلنا فيه مش عشان العقود هتخلص لانهم ببساطة لقوا حل ليها
انا نفسى كلنا نعمل حاجة بجد مش كلام وخلاص

[karim-yossef]

وأن معاكم بس علي فكرة العقد بتاعنا يخلص 1/7
شوفو هتختارو يوم ايه وانا معاكو
أنا كريم من المنصورة

[roaaaa]

فكرة ممتازة حددوا يوم وان شاءالله يكون دا الحل ونجبرهم على أخذ قرار

[محمود حسين الزيات]

ياجماعة فعلا عيزين فعل ايجابى مش كلام وخلاص

[طارق الادريسى]

يا جماعة التثبيت مع بداية السنه الماليه 1/7 وتجديد العقود لازم علشان مرتباتكم ما تتوقفش
والكلام ده ثقة

[malkhamza]

معاكم ولازم نبقى ايجابين وطلبنا من سيادة الوزير هيثبتنا ولا لا وامتى

[محمودعيد]

انا من كفر الشيخ العقد بتعنا ينتهى 1/10 لان المحافظ والمديرية كانوا عملين العقد 1/7 وبعدين نصبو علينا وخلوها 1/10