عفوا لسنا فى ابتدائى لتجعل الامتحانات فى اسبوع ايها الاحمد زكى بدر

[mostafa_gamal2]

ربما ستصاب بالدهشة عندما تعلم ان الوزير المبجل سيقوم بعمل امتحانات الثانوية العامة فى اسبوع وكاننا فى الابتدائية وكانة لايعرف ااننا ندرس وندخل امتحان عام كامل من المشقة والتعب من اجل مستقبلنا وكاننا ابتلينا بهذا الاحمد الذى لا يعرف قيمة الرحمة اتمنى ان يفهمنى كيف اذاكر (تاريخ) او (كيمياء ) فى يوم واحد اى منطق ذللك العام الماضى كاان الفرق بين الامتحانات على الاقل يوم او اثنان والفرق بين التاريخ او الكيمياء عن المادة قبل الاخيرة 9 ايام اذن باى منطق نتحدث فى النهاية انا لا احمل اى ضغينة لة ولكن نظرة اخرى للامور لان ذللك ليس تعليم .....وشكرا

[flowra]

ما هو كل ده بقه العادى دلوقتى ان كل الى يدخل يغير على مزاجه وكأننا مثلا مش لينا رأى ولا احنا تحت امرهم ونسيم اننا دفعة سنه سته ده ايه النحس ده مش معقول بقى دفعتنا يتجرب عليها كل حاجه ولا مفيش غيرنا وياريت يحسوا بينا شويه ده احنا زى ولادهم بردو ..لا صحيح ولادهم داخلين مدارس خاصه ومترفهين على الاخر فلازم يفكروا بأى طريقه انهم يقرفونا .
وهل من العدل يعنى اننا نعد نوجع فى قلبنا طول السنه ولو حد لاقدر الله تعب يوم الامتحان او ملحقش يراجع على كل المنهج يضيع ازاى يعنى فين تكاف} الفرص بينا وبين الدفعات التانيه وفى الاخر نتلام لو مجبناش مجاميع عاليه وكأن العيب مننا حرااااااااااااااااااام عليكم بقه حسوا بينا احنا بنى ادمين بردو مش حيوانات ليه سياسة التدمير دى؟...ولصالح مين فى الاخر.
حسبى الله ونعم الوكيل

[احمد يحي عبده]

ماذا تتوقع من وزير...................
يعني ايه الامتحان يبقي كل يوم

خلاص عندي فكرة الامتحانات كلها تبقي في يوم واحد ان شاالله محد حوش
اسف

ده قمة الظلم و دمار بجد
احنا مش طالبين اسبوع قبل كل مادة ولا حاجة احنا بس عايزين و لو يومين بس و الله نسترجع معلوماتنا و نريح اعصابنا و الا نموت
في منظق في الدنيا يقول اني اجي من امتحان ثانوية عامة (تحديد مصير) اروح تاني يوم امتحن بلا راحة او هدوء اعصاب حتى
بجد لو الجدول هيثبت على كده خلاص يبقى الراجل ده يا اما بيصدر قرارات مش عارفها (مبيفهمش)
يا اما عايز ينفع الجامعات الخاصة و يقعد في البيت ((يهدم الامنيات ))
ربنا يهدينا و يهديه الى الصح و الخير ...
و ربنا يستر

[Retaa]

حححححححححححححححححححححححححححررررررررررررررررررررررر ررررام عليكم احنا مش قادرين على ضغط الأعصاب دة

[mera_mar21]

المشاركة الأصلية كتبت بواسطة احمد يحي عبده

ماذا تتوقع من وزير...................
يعني ايه الامتحان يبقي كل يوم

خلاص عندي فكرة الامتحانات كلها تبقي في يوم واحد ان شاالله محد حوش
اسف

ده قمة الظلم و دمار بجد
احنا مش طالبين اسبوع قبل كل مادة ولا حاجة احنا بس عايزين و لو يومين بس و الله نسترجع معلوماتنا و نريح اعصابنا و الا نموت
في منظق في الدنيا يقول اني اجي من امتحان ثانوية عامة (تحديد مصير) اروح تاني يوم امتحن بلا راحة او هدوء اعصاب حتى
بجد لو الجدول هيثبت على كده خلاص يبقى الراجل ده يا اما بيصدر قرارات مش عارفها (مبيفهمش)
يا اما عايز ينفع الجامعات الخاصة و يقعد في البيت ((يهدم الامنيات ))
ربنا يهدينا و يهديه الى الصح و الخير ...
و ربنا يستر

انا ارجح انه عايز يشغل الجماعات الخاصه بقى بصراحه الوزير ده بيستهبل عايز يوفر فلوس الدوله بتاعه اياتم الامتحانالت على حسبنااااااااا
من رايى اذا الجدول ثبت على كده يبقى فى رد فعل من الطلبه واولياء الامور 00000( نعمل اعتصاام بعدم دخول الامتحانات ))))))))))) امال حكايه الايميل بتاعه الى قال لو حد عنده اعتراض ع الجدول معقوله محدش اعترض على المده
مش كفايه الناس اعده فى بيوتها واحنا لسه بناخد حصص المجالات والالعااب بقى ده كلااااااااااام والمساواه فى الظلم عدل لما نشوف الى هيعدى النسبه هيتفصل ولا الوزير ده فالح فى حاجاات حاجاات

[ايه فتحي]

والله ما لاقيه كلام يعب اصلا عن اللي جوايا

كل اللي هقوله

حسبي الله ونعم الوكيل

اللهم اضرب الظالمين بالظالمين واخرجنا من بينهم سالمين

[llove1223]

ربما لا يعجب هذا الرأي بعض الطلاب
ولكن اختلاف الرأي لا يفسد للود قضية
أنا مع تقليل فترة الامتحانات لأنها فترة عصيبة يتعرض الطالب فيها لكم من الضغوط
وأرى أنه لا مانع من كون فترة الامتحانات أسبوعا
وأقول لحضراتكم عندما كنت في الثانوية الأزهرية القسم العلمي 1993
كنت امتحن في اليوم الواحد في مادتين
وكان هذا أمرا طبيعيا
ولم يحدث لنا أي ضرر من ذلك
كل ما يحتاجه الطالب فترة للمراجعة وليس للمذاكرة
وإذا تم تطبيق هذا الأمر أنا متأكد بعد عامين فقط سيتقبله الجميع بمنتهى البساطة لأنه سيكون واقعا
هذا رأي متواضع قد يعجبكم أو لا تتفقون معه

[ابو اسلام]

ده قمة الظلم و دمار بجد

[طارق حسام]

لا حول ولا قوة إلا بالله
خسارة الطالب اللى يذاكر طول سنة و يضيع كل اللى ذاكره في الآخر عشان سيادته
عايز يعمل الامتحانات كلها في أسبوع واحد
ربنا يستر

[deadi]

اساسا الجدول دا مش من اختراعه هوا كل الحكاية انه رجع الجدول بتاع زمان كانت الناس بتمتحن كل يوم و يوم اجازة فى النص و كل الحكاية ان هوا عايز يقلل المجاميع و يزودوا الكليات الخاصة

[طارق حسام]

المشاركة الأصلية كتبت بواسطة deadi

اساسا الجدول دا مش من اختراعه هوا كل الحكاية انه رجع الجدول بتاع زمان كانت الناس بتمتحن كل يوم و يوم اجازة فى النص و كل الحكاية ان هوا عايز يقلل المجاميع و يزودوا الكليات الخاصة

مهو معلش مش عشان عايز يقلل المجاميع يقوم يعجز الطلاب ..
طب بقى ميخلي امتحان العربي نص ساعة و امتحان الرياضة ربع ساعة و يخلي كل الامتحانات
في يوم واحد عشان يقلل المجاميع بقى
و مش معنى أن ده كان النظام القديم يبقى ده الصح
أنا مش عايز 10 أيام قبل الكيمياء و الكلام ده
بس عايز وسطية في تحديد عدد الأيام ..

[titolion]

لا يمكنني ان نقول سوي حسبي الله و نعم الوكيل

بدون تعليق

[rororero]

حسبنا الله و نعم الوكيل فيه بجد والله حرام عليك الى بتعملو فينا ده .. فينك يا يسري يا جمل والله كان ملاك

[يوسف 10]

يا أستاذ / مصطفى . لقد تجاوزت حدود الأدب مع عالم من علماء العالم العربيّ ، الأستاذ الدّكتور / أحمد زكي بدر لم يقم بهذه الخطوة إلاّ لعلمه بأنّ أمثالك يظلّون طوال العام يلهون ويلعبون ، ثمّ يأتي آخر العام وقد جهّزوا البراشيم ، واستعدّوا بكلّ ما يغضب الله لكي ينجحوا ، ويحتلّوا أماكن في الجامعات ليست لهم ، ألست معي في أنّ الامتحان التّجريبيّ خطوة مهمّة لكي تظهر لك فشلك طوال الشّهور الماضية ؟! يا حاجّ مصطفي . لقد صدق الشّاعر العربيّ عندما قال :
ولقد أمرّ على اللّئيم يسبّني فأعفّ ثمّ أقول : لا يعنيني
أرجو لك التّوفيق ، وصون لسانك عن الإساءة لمن لن تصل إلى ما وصلوا إليه ، وحسبي الله ونعم الوكيل .

[arab_man2]

يا جمااااااااااااااعه احنا دفعة التجرييييييييييييييييييييب طبقوا علينا 6 ابتدائى مناهج جديده نظام ثانويه جديده يا ترى هيعملوا ايه فينا بعد كده؟؟؟؟؟