التثبيت والوزير والوعد الذى لن يتحقق

[ا/عبد الفتاح شبانة]

بسم الله ابدأ موضوعى بعد فترة لم اكتب فيها نظرا لظروف بعد حديث السيد الوزير اكيد اتضح للجميع انه لاتثبيت ولايحزنون وكله توقعات من الاخوة الاعزاء المجتهدين الكلام واضح فى حديثه امس والله انا من الناس الى بتحلم بهذا اليوم وكل يوم ادعو الله ان يتحقق الحلم الذى تأخر 12 عامكاملة ذقة فيها المر والعذاب لكنى كان عندى امل لكنه ذهب مع الريح فيا من تثقوا فى وعود الوزارة والدولة كلها وعود كاذبة اظن الكل يفتكر ان قبل النتيجة قلت لازم ننتظر الى ان تظهر النتيجة ثم تكون لنا وقفة وها قد ظهرت النتيجة من شهر ولم ننل محلمنا به فيا اصحاب الضمائر الحية نرجومنكم وقفة لله ولأنفسكم ولأولادكم اليس عند هؤلاء المسئولين اولاد اليسوا بشرا مثلنا يشعرون بغلاء المعيشة نحن نحارب حتى نربى اولادنا ان هذا يحدث لنا فما بالكم بمستقبل اولادنا لاإجابة لأنها معروفة قمة الظلم والقهر من هؤلاء ياريت تكون هناك وقفة من الآن وليس الانتظار الى شهر يوليو القادم لأن ببساطة مفيش حاجة ولو كان فيه كان سيادته قال امس على الموقع الناس بتقول انه ميعرفش الدرجات الخالية كان ممكن يقول ان شاء الله يكون التثبيت بعد توفير الدرجات المالية والدرجة مع الغالى والغالى رافض بحجة الازمة ادعو كل زملائنا ارسال شكاوى وفاكسات لأن احنا هنكون قدوة لغيرنا يا استاذاحمد الشلقامى ارجو عرض موضوعك بتاع ايميلات المسئولين لكى نرسل عليه شكاوانا وارجو من اخوتى التواصل بالجديد المفيد والتعليق حتى يظل الموضوع فى اول صفحة والتواصل الفعال والله لوعدت منا المرة دى لن ننالها ابدا وشكرا لكم الحركة قبل الانتخابات حتى يشعر الجميع اننا ماذلنا احياء والله لو طن الجميع طنين النحل لأسمعنا العالم

[ا/عبد الفتاح شبانة]

معلش يا جماعة فأنا كتبت هذا الموضوع فى منتدى اخر ووضعت اسم احد اعضائه فهذه ليست مقصودة فاذا اراد المشرفين حذف الاسم فلامانع ولكن ارجو ترك الموضوع لكى يعلق عليه الاخوة ونرى ماذا سنفعل وشكرا لمنتدانا الرائع ا/عبد الفتاح شبانه معلم مساعد مظلوم

[zemosat]

انت قلت اللى كنت عايز أقوله من زمان ولو كان فى تثبيت حقيقى كان الوزير قال عليه هو من المعقول إن فى وزير فى الدنيا ميعرفش إن فى تثبيت ولا لأ ويقول إن القانون أوضح درجات الترقى من معلم مساعد لمعلم ماشى ياعم ما احنا عارفين كدة بس درجة المعلم دى الى انتوا ذلتونا عشانها حتبقى على درجة مالية ثابتة ولا لأواللى القانون بتاعكم ده لم يوضحها لتكون نقطة المماطلة والتسويف وبكدة اتضح للناس إن الموضوع كله تسويف ومماطلة ولعب بأحلام الناس وآمالهم وايه اللى يهمهم ما تتحرق الناس طالما همن قاعدين فى أبراجهم العاجية وعلى كراسيهم الذهبية واحنا دلوقتى لازم نجبر الحكومة على تحديد موقفنا بأى وسيلة كانت قبل ما الزمن يجرى بينا ومنحسش بالعمر
والكل يعرف إن الحكومة محتاجة لنا أكتر ما إحنا محتاجين لهم يومين تلاتة إضراب وترك المدارس ورفع قضايا فى مجلس الدولة وشكاوى لمفوض الدولة ما هى البلد دى ما بتاجيش غير بكدة ونشوف ايه الى حيحصل بعد كدة ايه يعنى هيمشونا ويجيبوا غيرنا ومن اللى هيروح لهم بعد ما شافوا الذل اللى احنا اتذلناه على الكام ملطوش اللى فى آخر الشهر
والحمد لله الوسائل أصبحت سهلة جدا فى الزمن دة نت ومحمول خلت الكرة الأرضية كلها قرية واحدة مش مصر بس كل واحد يظبط مع زمايله بعد مانتفق على يوم معين وخلوا بالكم إن وزير المالية اتكلم على ميزانية السنة دى ولم يذكرنا بشئ ما هم هيلاقوا فين ناس تشتغل لهم بأنصاف الأجور وأثلاثها ومبيقولوش لأ وآهو الحال ماشى وليه أصلا يثبتونا واحنا مبنقوولش لأ على أى حاجة ده همن يبقوا مغفلين لو ثبتوا و لو حصل غير كدة يبقوا انتوا مش قاعدين فى مصر
فيا أيها الشباب وأيتها الشابات الذين هم فى مقتبل العمر ازيحوا عن أنفسكم ألحفة السلبية
وليعلم الجميع أننا نحن معاشر المعلمين لسنا لقمة سائغة فى أفواه هؤلاء المسئولين الغير مسئولين عنا ولابد من إجبارهم بأى وسيلة كانت طالما أننا لم نخرج عن الشرعية

[(هند)]

السلام عليكم
فيه تثبيت ان شاء الله لان الادارة طلبت مننا بيان نجاح والى كاتب اقرارicdlهيتجدد عقدة لسنه كمان

[zemosat]

استاذة هند انتى تبع إدارة ايه؟
وبيان النجاح ده للكادر ولا بيان نجاح ال icdl
وهم ليه طالبين بيان النجاح منكم ؟
أرجو الد والإيضاح

[elmister]

فيه تثبيت ان شاء الله تعالى

[الطبال]

احنا كمتعاقدين لاازم نعمل وقفه ونتحد فى موقف واحد لازم نعمل مثلا أعتصام

[قاهر الاسود]

ابوشهد حبيب قلبى
احنا قلنا كده قالو متشائمين
والله ياجماعة لا تشاؤم ولا غيره احنا لو معملناش وقفة مستحيل نثبيت
وقفة اعتصام بشكل شرعى وقانونى
نطالب بحقنا واقل من حقنا الا وهو التثبيت
القوانين والتلاعب بها والتصاريح ونفيها والتلاعب بالالفاظ والتعتييم الاعلامى
ما اسهله

[zemosat]

قاهر الأسود
انت هنا .. فينك من زمان

[دبدوب زهران]

ان شاء الله خــــــــــــــــــــــــــــــــــــــير

[the keng]

كلام غامض ومبهم عن المتعاقدين تكلم به بدر عن المتعاقدين
ياسيادة الوزير انت جاي تحل المشكلة ولا علشان تزيد الطينة بله
حرام عليكم كرهتمومنا في البلد كلها حسبي الله ونعم الوكيل ولانملك إلا الدعاء

[vip_ame]

المشاركة الأصلية كتبت بواسطة دبدوب زهران

زملائى الاعزاء انشاء الله فيه تثبيت بس مش السنه دى
بشوية تفكير لو الحكومة ثبتتكو الان ايه اللى ح يقدموه ايام انتخابات الرئيس ؟؟؟؟؟؟؟؟؟؟
تثبيت 450 الف من جميع الوزارات يعنى نصف مليون على 2 مليون الرئيس بياخدهم يبقى 2 مليون ونصف ولو كل واحد
من المتعاقدين له اب واخ لهم صوت انتخابى يبقى مليون اضافى .
انا عن نفسى عندى اثنين متعاقدين ولو ثبتوهم ح اجيب لهم 20 صوت .
كلامى ده مش هزار ولكن حطيت نفسى مكان حكومة حالها لا يسر عدو ولا حبيب وهناك احتمالات بمراقبة دولية للانتخابات
وقلق فى الشارع السياسى بسبب الدكتور البرادعى .
وفى حالة عدم التثبيت الناس ح تقول كان عمل ايه للبطالة فى الدورة السابقة ؟
فكروا فى كلامى وبلاش انفعال لا ح يودى ولا ح يجيب .
وكلام الزملاء الشباب فكرنى بموقف لما وصلنا للكلية اللى ح نمتحن فيها الكادر قالوا لى تلاميذى من المعلمين حتى انت يااستاذ
جاى تمتحن ؟ قلت لهم يالله يكون لنا موقف ونمتنع عن الدخول وانا قائد الاضراب وكلنا من ادارة واحدة وفى دقيقة واحدة لاقيتنى
واقف لوحدى




ز

اولا بس ياريت حضرتك تعدل كلمة انشاء الى ان شاء الله

ثانيا احنا صابرين لحد شهر 7 اللى جاى اول السنه الماليه الجديدة اللى المفروض تنزل لينا فيها الدرجات ان شاء الله

وحسب القانون اللى احنا بنلتزم بيه كلنا (المفروض يعنى) اننا نتعين بمجرد ما يمر علينا سنة ونكون حصلنا على رخصة معلم وده اللى حصل واحنا التزمنا حرفيا بالقانون فاضل بس الحكومة

لو بقى حاجه تانية حصلت لا قدر الله الناس كلها مش هاتسكت 64 الف امتحنوا وحوالى 100 الف منتظرين الامتحان وزيهم لسه بالاجر دول لو اضربوا عن العمل اتفرج على التربية والتعليم هاتبقى عامله ازاى مش هايبقى فيه لا تربية ولا تعليم من اصله

وربنا يقدم اللى فيه الخير ان شاء الله والناس تقف يد واحدة لو حصل حاجه مش زى اللى كانوا معاك فى الامتحان

[قاهر الاسود]

[quote=vip_ame;2058153]اولا بس ياريت حضرتك تعدل كلمة انشاء الى ان شاء الله

ثانيا احنا صابرين لحد شهر 7 اللى جاى اول السنه الماليه الجديدة اللى المفروض تنزل لينا فيها الدرجات ان شاء الله

وحسب القانون اللى احنا بنلتزم بيه كلنا (المفروض يعنى) اننا نتعين بمجرد ما يمر علينا سنة ونكون حصلنا على رخصة معلم وده اللى حصل واحنا التزمنا حرفيا بالقانون فاضل بس الحكومة

لو بقى حاجه تانية حصلت لا قدر الله الناس كلها مش هاتسكت 64 الف امتحنوا وحوالى 100 الف منتظرين الامتحان وزيهم لسه بالاجر دول لو اضربوا عن العمل اتفرج على التربية والتعليم هاتبقى عامله ازاى مش هايبقى فيه لا تربية ولا تعليم من اصله

وربنا يقدم اللى فيه الخير ان شاء الله والناس تقف يد واحدة لو حصل حاجه مش زى اللى كانوا معاك فى الامتحان[ /quote]
يا سبحان الله
ده نفس الكلام اللى بقوله
أن تكون لنا وقفة
وانت بتعترض عليه وبتهاجمنى
وهنا بتقول نفس الكلام اللى انا بقوله
معاك ((الفارس الاسود))

[قاهر الاسود]

المشاركة الأصلية كتبت بواسطة zemosat

قاهر الأسود
انت هنا .. فينك من زمان

موجود يا غالى
شكرااااااا لاهتمامك

[أ/ هشام العيسوى]

تصريح ايه اللى صرحه الوزير ممكن تجيبلى رابط له؟

ثانيا انا زهقت من الناس المتشائمة دى
نجيبلكم كل مسؤل يجلف لواحد واحد انه تثبيت!!