|
#1
01-03-2010, 01:46 PM
|
||||
|
||||
يامحنى إيدنا بالدم
يامحنى إيدنا بالدم **** شعر / سمير الأمير يا محنى إيدنا بالدم يا مكربسنا ف نفق الليل مين يقدر ع الغوله يا عم والشطار رابطين الخيل احسب فرق الكيف والكم واضرب فوق الراس والديل واوعى تكون أهبل تتخم ديل القهر مركب ديل كل ماتيجى الناس تتلم بعد ماتزهق حط وشيل بعد ماتشبع غلب وغم يطلع واحد دمه تقيل يعمل أب ويعمل عم شرع شيطانى بالتأويل جوز الخاله وجوز الأم بلع الدلتا وشفط النيل . *********** يامحنى إيدنا بالتار سلحنا بالنور والنار واطلقنا من سجن الخوف وادى الفُقرا خيول وسيوف واوعى تعد، الفقرا كتار. حسرة قلبك يوم ماتشوف كل الكدب صبح مكشوف بالمقلوب على ضهر حمار تطلع صورتك فى الأخبار ترجع خالتى وامى اخوات مصر تعيش فى تبات ونبات وتفتح تانى الأزهار يامحنى ايدنا بالحنه ابنيلنا وعلى ف الجنه وادى الغوله بيت ف النار جنب العسكر والتجار. ----------- 
|
|
#2
02-03-2010, 01:37 AM
|
||||
|
||||
|
بجد كلمات اكثر من رائعه
ماشاء الله بسم الله عليك حضرتك مبدع والمواضيع اللي تكتبها مش كل حد يقدر يكتبها الا اللي يحس بيها ويحس بمعانات الاخرين ربنا يوفقك تقبل تحياتي
|
|
#4
03-03-2010, 10:03 PM
|
||||
|
||||
|
الأستاذة/ نغم محمد
أشكرك على متابعة ما أكتب وعلى كلماتك الغالية
|
|
#5
11-02-2011, 05:04 AM
|
||||
|
||||
|
أقرأ القصيدة مرة تانية وكأنى أرى فيها الأحداث الموجودة الآن
كنت زمان لما قرأتها لأول مرة - شعرت بأنك تعانى على المستوى الشخصى من الظلم (لأنك ذو عقلية مثقفة لايمنحك المجتمع التقدير الذى تستحقه) أما الآن أشعر فى كلماتك وبعد كل اللى نراه الآن بمدى ظلم الاستبداد وعبودية البشر يامحنى إيدنا بالدم **** شعر / سمير الأمير يا محنى إيدنا بالدم يا مكربسنا ف نفق الليل فعلا رايحين فى طريق لايعلمه حتى الآن إلا الله مين يقدر ع الغوله يا عم والشطار رابطين الخيل ايه هو انت كان عندك الحاسة السادسة احسب فرق الكيف والكم واضرب فوق الراس والديل واوعى تكون أهبل تتخم ديل القهر مركب ديل كل ماتيجى الناس تتلم بعد ماتزهق حط وشيل بعد ماتشبع غلب وغم يطلع واحد دمه تقيل يعمل أب ويعمل عم شرع شيطانى بالتأويل جوز الخاله وجوز الأم بلع الدلتا وشفط النيل . وأى بلع دا ماتخلقش له وللحاشيه بتاعته مثيل *********** يامحنى إيدنا بالتار سلحنا بالنور والنار واطلقنا من سجن الخوف وادى الفُقرا خيول وسيوف واوعى تعد، الفقرا كتار. كتير - كتير - دول 30 سنة حسرة قلبك يوم ماتشوف كل الكدب صبح مكشوف بالمقلوب على ضهر حمار تطلع صورتك فى الأخبار ترجع خالتى وامى اخوات مصر تعيش فى تبات ونبات وتفتح تانى الأزهار يتهئ لى الصورة موجودة الان - ميدان التحرير - ورغم الأيد اللى متحنيه بالدم - فيه أزهار بتفتح يامحنى ايدنا بالحنه ابنيلنا وعلى ف الجنه وادى الغوله بيت ف النار جنب العسكر والتجار. غولة وعسكر وتجار ((((بعد نظر عميق)))) تحياتى للشاعر المصرى الصميم وتمنياتى بتحقيق كل ماسطره قلمك
__________________
Minds, like parachutes, only work when opened 
|
|
#6
11-02-2011, 01:47 PM
|
||||
|
||||
|
كلمات رائعة جدا بجد
جميييييييييلة جزاك الله خيرا
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:28 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
