خاص للاستاذ عبد الهادى ومشرفوا الانشطه

[hesham84]

اولا اسف على القلق ايلى مسببهولك لكن نعمل ايه اقسم لك بالله مفيش حد فى الاداره ولا المديريه فاهم ولا عارف حاجه هل المشرفين اتسكنو بعد اختبار الكادر ام لا وهل لازم التسكين قبل الصرف طيب المدرسه ايلى بيها اخصائى تطوير مثلا هل المشرف يصرف ام يحجب عنه لوجود اخصائى وهكزا على باقى التخصصات.

[عبدالهادى محمد]

المشاركة الأصلية كتبت بواسطة hesham84

اولا اسف على القلق ايلى مسببهولك لكن نعمل ايه اقسم لك بالله مفيش حد فى الاداره ولا المديريه فاهم ولا عارف حاجه هل المشرفين اتسكنو بعد اختبار الكادر ام لا وهل لازم التسكين قبل الصرف طيب المدرسه ايلى بيها اخصائى تطوير مثلا هل المشرف يصرف ام يحجب عنه لوجود اخصائى وهكزا على باقى التخصصات

السلام عليكم ورحمة الله وبركاته
يااخى اصبر صبرا جميلا اما من ناحية التسكين طالما انت نجحت تعتبر متسكن امااذا كان هناك اخصائى ومشرف فالاثنين ياخذون كادر لان الشغل هنا فنى وليس حصص والكلام اللى كان قبل ذلك لغاه الدكتور الشجاع د/ احمد زكى بدر .

[alkateem12]

الأخوة الأفاضل ياريت ترسوا على بر وبلاش من الكلام الى ليودى ولايجيب وكلهة يطلع هواء فى هواء طلعتوا وقلتوا منتظرين مجلس الدولة لما تصلة الأوراق المطلوبة من الوزارة وبعدين قلتوا الأوراق وصلت المجلس ومنتظرين الفتوى وبعض الزملاء قال ذهبت أو أتصلت بمجلس الدولة وقالوا قريبا" سوف تظهر الفتوى للنور وبعديها طالعوا الزملاء فى سوهاج وقالوا أنهم حصلوا على حكم محكمة بأحقيتهم فى الكادر وياريت ينزلوا صورة من هذا الحكم على الموقع لكى نطمئن بأن القضاء ساندنا . وبعد أسبوع طلع قرار الوزير الذى فرحناوأسعدنا معاة وحسسنا بأننا لنا فى الوليمة بتاعت قرار الوزير وقلنا خلاص جائنا البدر وسطع النور فى بيوتنا ولكن بعد ذلك وفجأة تعرضنا للظلام الدامس والبدر جالوا خسوف كلى وآتت الغيمة السوداء من جديد ولكنها ليست قادمة من حرق عفش الأرز من أخوانا فى الدلتا ولكن من الوزارة وسمعت أن هناك حرق لكل الأوراق التى تخص المشرفين أى ورقة تحمل أسم أو مدون عليها كلمة مشرف يتم حرقها فورا" صدقوا حتى المشرفيين الزراعيين فى وزارة الزراعة خايفين من هذا الأسم وبيقولوا خايفين نتحرق معاكم ياناس تعبنا وذهقنا وقرفنا فى أحد يشوف الأمرين علشان يحصل على ملاليم وهناك من يسرق الملايين وللأسف نسمع ونقرأ عن تلك المصائب وفجأة تختفى وتمر مرور الكرام زى ما يكون كل مسئول ماسك للمسئول الآخر ذلة .
ومن ناحية مجلس الدولة ماهو أصدر فتوى بأن المرأة ستكون قاضية وللأسف بموافقة 3 ومعارضة 4 والجماعة مختلفين مع بعض فى هذا الأمر على ماينتهى هذا الخلاف نكون نحن مشرفى الأنشطة فى طى النسيان وسلملى على البتنجان بكل أمانه أنا نفسى يصدر قرار جرىء بالأحقية من عدمها لكى نستريح ومنبقاش زى موضوع السلم مع الأعتذار لكل فنانات الأيقاع المصرى الحديث
أبوفيــــــــــــاض

[مجمج74]

الأخوة الأعزاء / السلام عليكم و رحمة الله و بركاته ما رأيكم فى اقتراحى بأن نذهب للأستاذ مرتضى منصور و آخر حل نعمل مثل عمال مصنع طنطا للكتان ونام فى الشارع أمام مجلس الشعب حتى يرجع لنا حقوقنا

[عبدالهادى محمد]

المشاركة الأصلية كتبت بواسطة مجمج74

الأخوة الأعزاء / السلام عليكم و رحمة الله و بركاته ما رأيكم فى اقتراحى بأن نذهب للأستاذ مرتضى منصور و آخر حل نعمل مثل عمال مصنع طنطا للكتان ونام فى الشارع أمام مجلس الشعب حتى يرجع لنا حقوقنا

لو عملتوها يكون الحل اسرع من الفاكسات وخاصة بتوع القاهرة والمحافظات المجاورة وانا لو فى القاهرة لفعلتها وده حق ولماذا الخوف يا قاهريين ولا انتم مش فاضيين لهذا الكادر هل انتم خائفين على المطالبة بحقوقكم

[hesham84]

هو ده الكلام بس ياريت التنفيز لان كده حقنا اصبح ماضى